Bu məqalədə çoxsaylı problemlər mövcuddur. Zəhmət olmasa, səhifəni redaktə edərək və ya mövcud problemləri müzakirə səhifəsində diskussiya edərək həll edin.
Lütfən, ensiklopedikliyi təsdiq etmək üçün məqalənin mövzusuna uyğun tərəfsiz, etibarlı mənbələr əlavə edin. Əgər belə mənbələr göstərilməzsə, məqalə birləşdirilə, köçürülə, yönləndirilə və ya silinə bilər. (yanvar 2024)
Bu məqalədə heç bir məlumatın mənbəsi göstərilməmişdir. Lütfən, etibarlı mənbələr əlavə etməklə məqaləni təkmilləşdirməyə kömək edin. Qərəz yaradan mənbəsiz hissələr müzakirəsiz silinə bilər.
Vəliyev Bakir Yusif oğlu 1963-cü il fevral ayının 26-da Laçın rayonununKorcabulaq kəndində anadan olmuşdur. Sonradan Şuşa şəhərində yaşamışdır. 1984-cü ildə Azərbaycan Dövlət Pedaqoji İnstitutuna daxil olmuş və 1988-ci ildə ibtidai hərbi təlim və fiziki tərbiyə ixtisası üzrə Azərbaycan Dövlət Pedaqoji İnstitutunu müvəffəqiyyətlə bitirmişdir. 1994-cü ilədək Azərbaycan Dövlət Pedaqoji İnstitutunun Şuşa filialında Hərbi Kafedranın rəisi kimi fəaliyyət göstərmişdir. (Qeyd: Azərbaycan Dövlət İnstitutunun Şuşa filialı Ermənistanın təcavüzü səbəbiylə sonradan Ağcabədi rayonunun ərazisinə köçürülmüşdür). Vəliyev Bakir 1994-cü ildən Zaqatala rayonunda yerləşən Daxili Qoşunların N saylı hərbi hissəsinə bölük komandiri təyin olunub. 1994-cü ildə ailə həyatı qurub və bu evlilikdən onun 2 oğlan övladı dünyaya gəlib. 2001-ci ilin iyun-sentyabr aylarında Zaqatala-Balakən rayonları ərazisində kriminogen durum kəskin şəkildə pisləşmişdir, həmin ilin iyun ayının 30-da silahlı cinayətkarlar Daxili Qoşunların N saylı hərbi hissəsinə basqın etmişlər və basqın zamanı silahlı cinayətkarların qəfil hücumuna məruz qalan, hərbi hissə üzrə növbədə olan kapitan Vəliyev Bakir özünü itirməmiş, cinayətkarların bütün tələblərini rədd edərək onlara ciddi müqavimət göstərmişdir. Məhz buna görə də cinayətkarlar növbətçi hissədə saxlanılan silahları əldə edə bilməmişlər. Zabitimizin cəsarətini və qorxmazlığını görərək, cinayətkarlardan biri ona odlu silahdan atəş açmışdır. Bundan sonra cinayətkar dəstə hərbi hissədən qaçmış, naməlum istiqamətdə gizlənmişdir. Həmin gecə basqın zamanı cinayətkarlar qərargah növbətçisi olan əsgərə bədən xəsarəti yetirmişlər, ağır güllə yarası almış kapitan Vəliyev Bakir 12 avqust 2001-ci ildə Bakı şəhərində yerləşən Daxili Qoşunların hərbi hospitalında vəfat etmişdir, valideyinləri Göyçay rayonunda məskunlaşdıqları üçün Göyçay Şəhidlər Xiyabanında dəfn olunmuşdur. İgidlik və cəsarətinə görə Vəliyev Bakir Yusif oğlu ölümündən sonra Ümummilli lider Heydər Əliyev tərəfindən Azərbaycan Bayrağı Ordeni ilə təltif olunmuşdur.
.png)
