Bibiheybətdə neft fontanı yanğını (film, 1898)

*Bibiheybətdə neft fontanı yanğını*
Bibiheybətdə neft fontanı yanğını
	Fayl:Bibiheybətdə neft fontanı yanğını (film, 1898).jpg
Janr	sənədli film, səssiz film
Rejissor	Aleksandr Mişon
Prodüser	Aleksandr Mişon;
Ssenari müəllifi	Aleksandr Mişon;
Operator	Aleksandr Mişon
İlk baxış tarixi	6 avqust 1898
Filmin digər adı	1898-ci il iyulun 27-də Bibiheybətdə neft fontanı yanğını
Filmin növü	qısametrajlı sənədli film
Müddət	49 san.
Ölkə	Azərbaycan
Dil	səssiz
Texniki məlumatlar	1 hissə
Rəng	ağ-qara
Çəkiliş yeri	Bakı
IMDb	ID1440131

Bibiheybətdə neft fontanı yanğını — qısametrajlı sənədli film. Rejissor Aleksandr Mişon^[1] tərəfindən 1898-ci ildə çəkilmişdir.^[2] Bu, reportaj manerasında çəkilmiş, hadisəli informasiya janrının bütün tələblərinə cavab verən xronikal filmdir.

Məzmun

İyulun 27-də gecə Bibiheybətdə, Bakı taciri, milyonçu Y. V. Vişaunun mədənində yanğın baş verir. Yanğın fontan vuran 32 saylı quyunu bürüyür, sonra da yaxınlıqdakı buruqlara keçir. Demək olar ki, mədənin yarısı-milyon pud nefti olan anbar, 9 buruq od tutub yanır.^[3]

Bütün bu dəhşətli hadisə kinosüjetdə öz əksini tapmışdır. Bu, reportaj manerasında çəkilmiş, hadisəli informasiya janrının bütün tələblərinə cavab verən xronikal filmdir.^[3]

Film haqqında

Azərbaycan xalq yazıçısı, görkəmli kinodramaturq və kinorejissor Rüstəm İbrahimbəyov dünya kinosunun 100 illiyi münasibətilə Parisdə keçirilən yubiley tədbirlərində iştirak edərkən, orada göstərilən ən yaxşı filmlər içərisində "Bibiheybətdə neft fontanı yanğını" kinolentini görmüşdür.^[3]^[4]
Kinosüjet "Canlı fotoşəkillər" kolleksiyası adı altında 1900-cü ildə Parisdə Ümumdünya sərgisində böyük uğurla nümayiş etdirilmişdir. Nümayiş etdirilən süjetlər arasında "Əlahəzrət Buxara əmirinin "Veliki knyaz Aleksey" paroxodunda yolasalma mərasimi, "Qafqaz rəqsi", "İlişdin", "1898-ci il avqustun 4-də Balaxanıda neft fontanı" kinosüjetləri də var idi. Bunları izləyən Lümyer qardaşları onlardan bir neçəsini almış və öz kolleksiyalarına daxil etmişlər. Sonradan həmin kinosüjetlər Paris kinoarxivinə təhvil verilmiş və bu günə kimi orada qorunub saxlanılır. 2001-ci ildə Azərbaycan Dövlət Film Fondunun təşəbbüsü ilə bu kinosüjetlərdən ikisinin surətləri — "Bibiheybətdə neft fontanı yanğını" və "1898-ci il avqustun 4-də Balaxanıda neft fontanı" Bakıya gətirilmiş və hazırda Dövlət Film Fondunda qorunub saxlanılır.^[5]

İstinadlar

↑ Zümrüd. 117 yaşlı Azərbaycan kinosu: 2 Avqust Azərbaycan Milli Kino Günüdür //Səs.- 2015.- 1 avqust.- S.12.
↑ Cəvahir. Milli kinomuzun tarixi — "Bibiheybətdə neft fontanı": [Bakılı Aleksandr Mixayloviç Mişonun eyni adlı sənədli filmi] //Mərkəz.- 2008.- 2 avqust.- S. 2.
↑ ¹ ² ³ Aydın Kazımzadə. Azərbaycan kinosu — 2 (filmlərin izahlı kataloqu (1898–2002)). Bakı: 2003, səh. 6
↑ "Bakinski raboçi" qəzeti, 15 avqust 1996-cı il
↑ Aydın Kazımzadə. Azərbaycan kinosu — 2 (filmlərin izahlı kataloqu (1898–2002)). Bakı: 2003, səh. 7

Mənbə

Azərbaycan Respublikası Mədəniyyət Nazirliyi. C. Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923–2003-cü illər. Bakı: Mütərcim, 2004.- səh. 12.
Azərbaycan Milli Ensiklopediyası: Azərbaycan. Ramiz Məmmədov. Kino. Azərbaycan Milli Ensiklopediyası Elmi Mərkəzi, 2007.- səh. 812.
Aydın Kazımzadə. "Bu belə olub". [Azərbaycan kinosu — 110] //"Cinema News" jurnalı.- 2008.- iyun.- səh. 10–11.

Xarici keçidlər

Filmi izlə (https://www.youtube.com/watch?v=t0gdUdSGo5g )

[1] Zümrüd. 117 yaşlı Azərbaycan kinosu: 2 Avqust Azərbaycan Milli Kino Günüdür //Səs.- 2015.- 1 avqust.- S.12.

[2] Cəvahir. Milli kinomuzun tarixi — "Bibiheybətdə neft fontanı": [Bakılı Aleksandr Mixayloviç Mişonun eyni adlı sənədli filmi] //Mərkəz.- 2008.- 2 avqust.- S. 2.

[Aydın_Kazımzadə-3] ¹ ² ³ Aydın Kazımzadə. Azərbaycan kinosu — 2 (filmlərin izahlı kataloqu (1898–2002)). Bakı: 2003, səh. 6

[4] "Bakinski raboçi" qəzeti, 15 avqust 1996-cı il

[Aydın_Kazımzadə1-5] Aydın Kazımzadə. Azərbaycan kinosu — 2 (filmlərin izahlı kataloqu (1898–2002)). Bakı: 2003, səh. 7

[1]

[2]

[3]

[4]

[5]