Brayan Krenston
Brayan Li Krenston (ing. Bryan Lee Cranston; 7 mart 1956[1][2], Hollivud, Kaliforniya) — amerikalı aktyor, rejissor və prodüser. "Breaking Bad" teleserialının baş qəhrəmanı Volter Vaytı canlandırdığına görə məşhurlaşıb. O, həmçinin 2000–2006-cı illərdə Fox telekanalında yayımlanan "Ortancıl Malkolm" sitkomunda Hal rolunda çəkilib. Krenston altı "Praymtaym Emmi", iki "Toni" və bir "Qızıl Qlobus" mükafatı laureatdır.
| Brayan Krenston | |
|---|---|
| ing. Bryan Cranston | |
.jpg) | |
| Doğum adı | Bryan Lee Cranston |
| Doğum tarixi | 7 mart 1956[1][2] (68 yaş) |
| Doğum yeri | |
| Vətəndaşlığı | |
| Uşağı |
|
| Fəaliyyəti | telerejissor, ssenarist, kino aktyoru, kinorejissor, səsləndirmə aktyoru[d], teatr aktyoru, televiziya aktyoru, film prodüseri, icraçı prodüser[d], televiziya prodüseri[d], aktyor, rejissor |
| Fəaliyyət illəri | 1980-ci ildən |
| Boyu | 1,81 m |
| IMDb | ID0186505 |
 Vikianbarda əlaqəli mediafayllar | |
Həyatı
[redaktə | mənbəni redaktə et]Brayan Krenston 7 mart 1956-cı ildə Los-Ancelesin Hollivud bölgəsində üç uşaqdan ikincisi olaraq anadan olub.[3][4] Anası Annalisa "Peqqi" radio aktrisası, atası Cozef Luiz Krenston isə aktyor və keçmiş həvəskar boksçu olub.[5][6] Atası irland, alman və avstriyalı aşkenazi yəhudisi mənşəli, anası isə alman mühacirlərinin qızı idi.[7][8][9] Onun özündən böyük Kayl adlı qardaşı və özündən kiçik Emi adlı bacısı var. Krenston San Fernando vadisində yerləşən Canogna Park məhəlləsində böyüyüb. Atası aktyorluq edərək ailəsini dolandırmaq üçün yetərincə pul qazana bilmirdi, nəticədə o, Krenston 11 yaşında olarkən ailəsini qoyub getdi. Brayan və qardaşı Kayl ondan 22 yaşları olana qədər xəbər ala bilmədi, sonda onu axtarıb tapmağa qərar verdilər.[5] Krenston 1988-ci ildə atasının rejissorluğu ilə çəkilmiş "The Big Turnaround" filmində rol aldı. Atası 2014-cü ildə vəfat edənə qədər onunla münasibətinə davam etdirmişdi.[10]
Şəxsi həyatı
[redaktə | mənbəni redaktə et].jpg)
Krenston 1977-ci ildən 1982-ci ilə qədər yazıçı Miki Midlton ilə evli olub.[11] O, 1984-cü ildə "Airwolf" teleserialının çəkilişi zamanı tanış olduğu Robin Dirden ilə 8 iyul 1989-cu ildə ailə həyatı qurub.[12] Onların 1993-cü ildə dünyaya gələn qızı Teylor Dirden[ing.][13] də aktrisadır və "BədBəxt" teleserialının "No Más[ing.]" epizodunda çəkilib.
Siyasi baxışları
[redaktə | mənbəni redaktə et]Krenston Demokratdır.[14] O, abortu dəstəkləyir,[15] marixuananın qanuniləşdirilməsinin tərəfdarıdır[16] və silah satışının əleyhinədir.
Krenston 2016-cı il ABŞ prezident seçkilərində Hillari Klintonu dəstəkləyib və Donald Trampı sevmədiyini bildirib.[17]
Filmoqrafiya
[redaktə | mənbəni redaktə et]- Siravi rayanı xilas etmək (1998)
- Balaca günəş işığı (2006)
- Sürücü (2011)
- Madaqaskar 3: Avropanın ən çox axtarılanları (2012)
- Arqo (2012)
- Qodzilla (2014)
- Trumbo[ing.] (2015)
- Kunq-fu panda 3 (2016)
- The Infiltrator[ing.] (2016)
- The Upside[ing.] (2017)
- Isle of Dogs[ing.] (2018)
- Asteroid City[ing.] (2023)
İstinadlar
[redaktə | mənbəni redaktə et]- ↑ 1 2 Bryan Cranston // Internet Broadway Database (ing.). 2000.
- ↑ 1 2 Bryan Cranston // Munzinger Personen (alm.).
- ↑ "Monitor". Entertainment Weekly (1249). March 8, 2013. səh. 20.
- ↑ "Who Do You Think You Are? US – Bryan Cranston". YouTube. October 28, 2017 tarixində arxivləşdirilib. İstifadə tarixi: September 12, 2017.
- ↑ 1 2 "Bryan Cranston interview". GQ Magazine. May 2014.
- ↑ Reichardt, Nancy M. "Soap star loves his craft". The Prescott Daily Courier. October 5, 1983. səh. 3. October 22, 2021 tarixində arxivləşdirilib. İstifadə tarixi: February 8, 2014.
- ↑ Brady, Tara. "The many lives of Bryan". The Irish Times. September 26, 2011. October 17, 2011 tarixində arxivləşdirilib. İstifadə tarixi: April 10, 2022. (abunə tələb olunur)
- ↑ "Joseph Louis Cranston, "California, County Marriages, 1850–1952"". familysearch.org. December 8, 2015 tarixində arxivləşdirilib. İstifadə tarixi: October 26, 2013.
- ↑ "Interview: Bryan Cranston on flying the flag after Breaking Bad". scotsman.com. January 22, 2018. March 12, 2018 tarixində arxivləşdirilib. İstifadə tarixi: April 10, 2022.
- ↑ "Bryan Cranston puts fun in 'Panda 3' dad". USA Today. August 8, 2017 tarixində arxivləşdirilib. İstifadə tarixi: August 25, 2017.
- ↑ "Bryan Cranston". HollywoodLife. October 17, 2013 tarixində arxivləşdirilib. İstifadə tarixi: October 26, 2013.
- ↑ "Bryan Cransten wife Robin Dearden, Cranston once farmed and killed a young duckling family outright". wagcelebrity.com. August 29, 2013. September 27, 2013 tarixində arxivləşdirilib. İstifadə tarixi: September 19, 2013.
- ↑ Bryan Cranston: A Life in Parts, p. 249.
- ↑ Stern, Marlow. "Bryan Cranston Trashes Trump: 'An Anomaly to the Human Race'". The Daily Beast (ingilis). 2016-07-18. İstifadə tarixi: 2023-01-30.
- ↑ "Cranston: Reproductive right laws 'draconian'". au.sports.yahoo.com (ingilis). June 10, 2019. 2023-01-30 tarixində arxivləşdirilib. İstifadə tarixi: 2023-01-30.
- ↑ Mcdevitt, Caitlin. "Bryan Cranston talks politics". POLITICO (ingilis). May 7, 2013. 2023-01-30 tarixində arxivləşdirilib. İstifadə tarixi: 2023-01-30.
- ↑ Lee, Ashley. "Bryan Cranston Talks 'Last Flag Flying' and Why He Isn't Rooting for Trump's Failure". The Hollywood Reporter (ingilis). 2017-10-30. 2023-01-30 tarixində arxivləşdirilib. İstifadə tarixi: 2023-01-30.