Ceyhun Abbasov (biznesmen)

Ceyhun Həsən oğlu Abbasov (4 iyul 1972, Naxçıvan) — "Avrora Qrup" unun prezidenti , Ölkənin iqtisadi inkişafında göstərdiyi xidmətlərinə görə "Tərəqqi" medalına[1] layiq görülüb.

Ceyhun Abbasov
Ceyhun Həsən oğlu Abbasov 
Doğum tarixi (51 yaş)
Doğum yeri
Vətəndaşlığı Azərbaycan Azərbaycan
Milliyyəti Azərbaycan
Dini islam
İxtisası Mühəndis-elektronik konstruktor
Təhsili Azərbaycan Texniki Universiteti
Fəaliyyəti biznesmen
Mükafatları "Tərəqqi" medalı

Həyat və fəaliyyəti[redaktə | mənbəni redaktə et]

1972-ci il iyulun 4-də Naxçıvan Muxtar Respublikası, Ordubad rayonu, Unus kəndində anadan olub. Orta təhsilini Unus kəndində başa vurub. 1996-cı ildə Azərbaycan Texniki Universitetini "Mühəndis-elektronik-konstruktor" ixtisasını fərqlənmə diplomu ilə bitirib. Avropa, ABŞ, Böyük Britaniya, Mərakeş və digər ölkələrdə biznes görüşləri, konfransları seminarlarında iştirak edib. Ceyhun Abbasov 1992-ci ildən etibarən bizneslə məşğuldur. Hazırda fəaliiyətini qurucusu və rəhbəri olduğu "Avrora Qrup"un[2] prezidenti kimi davam etdirir.[3] Şirkət distribütor fəaliyyətini daha peşəkar və davamlı həyata keçirmək üçün mərkəzi ofisi Bakıda olmaqla Gəncə, Lənkəran, Bərdə, Quba, Göyçay, Şəki və Saatlıda filialları fəaliyyət göstərir.

Ailə vəziyyəti[redaktə | mənbəni redaktə et]

Ailəlidir, iki övladı var.

Biznes fəaliyyəti[redaktə | mənbəni redaktə et]

Avrora Qrup"un əsas istehsal xətləri Abşeron yarımadasında – Hökməli Sənaye Mərkəzində yerləşir. Bu istehsal olunan məhsulların ölkənin bütün nöqtələrinə çatdırılması və logistika proseslərinin maksimal effektli olmasını təmin edir. Məhsulların keyfiyyətini istehsalda dünyanın aparıcı texnologiyaların istifadəsi təmin edir. Sənaye Mərkəzində fəaliyyət göstərən zavodlarda İsveçrənin "Buhler", İtaliyanın "İmaforni", "CFT" avadanlıqları qurulmuşdur. Ceyhun Abbasov bundan başqa makaron fabrikində İtaliyanın "Favo", vafli zavodunda Avstriyanın "Frans Haaz" şirkətinə məxsus avadanlıqlar qurulmuşdur. Ceyhun Abbasov 2017-ci ildə dəyirman kompleksini ölkəmizə gətirərərk istismara vermişdir. Bu kompleksdə Avstriyanın Buhler avadanlıqları quraşdırılıb. Bu kompleks yeni makaron zavodu və biskvit zavodu üçün un istehsal etməklə yanaşı, digər partnyor şirkətlərin istehsal müəssisələrini xammalla təmin edir. Dəyirmanın aylıq un istehsal gücü 6500 tondur. Zavodda əhalinin tələbatını ödəmək üçün 1, 2 və 5 kiloluq paketlənmiş un istehsal olunur.[4]

Mükafatları[redaktə | mənbəni redaktə et]

Ölkə qarşısında göstərdiyi xidmətlərinə görə 2 fevral 2018-ci ildə Azərbaycan Respublikasının Prezidenti İlham Əliyev tərəfindən "Tərəqqi" medalına layiq görülüb.[5]

Xarici keçidlər[redaktə | mənbəni redaktə et]

İstinadlar[redaktə | mənbəni redaktə et]

  1. ↑ "İlham Əliyev bankirə və iş adamlarına medal verdi - SİYAHI". 2022-12-09 tarixində arxivləşdirilib. İstifadə tarixi: 2022-12-19.
  2. ↑ ""Avrora Qrup" hal-hazırda qida sektorunda ölkəmizin ən aparıcı distribütor şirkətlərindən biridir". 2022-12-19 tarixində arxivləşdirilib. İstifadə tarixi: 2022-12-19.
  3. ↑ ""Avrora" şirkətinin prezidenti Ceyhun Abbasov qazilərin, şəhid ailələrinin, veteranların yaxın dostudur". 2022-12-19 tarixində arxivləşdirilib. İstifadə tarixi: 2022-12-19.
  4. ↑ "Avrora Qrupun distribütor fəaliyyəti". 2022-12-19 tarixində arxivləşdirilib. İstifadə tarixi: 2022-12-19.
  5. ↑ "1. Prezident İlham Əliyev sərəncam imzalayıb". 2022-12-09 tarixində arxivləşdirilib. İstifadə tarixi: 2022-12-19.