Corc fon Lenqerke Meyer

Corc fon Lenqerke Meyer (ing. George von Lengerke Meyer; 24 iyun 1858^[1][2], Boston^[2] – 9 mart 1918^[1][2], Boston^[2]) – ABŞ diplomatı. ABŞ-ın İtaliya və Rusiyadakı səfiri olmuşdur.

Corc fon Lenqerke Meyer
ing. George von Lengerke Meyer
Şəxsi məlumatlar
Doğum tarixi	24 iyun 1858(1858-06-24)[1][2]
Doğum yeri	Boston, Saffolk dairəsi[d], Massaçusets, ABŞ[2]
Vəfat tarixi	9 mart 1918(1918-03-09)[1][2] (60 yaşında)
Vəfat yeri	Boston, Saffolk dairəsi[d], Massaçusets, ABŞ[2]
Partiya	ABŞ Respublikaçılar Partiyası
Təhsili	Harvard Universiteti
Fəaliyyəti	diplomat, siyasətçi, iş adamı
Vikianbarda əlaqəli mediafayllar

Corc fon Lenqerke Meyer 1858-ci ildə ABŞ-ın Boston şəhərində doğulmuşdur. Onun atası Ost-Hind şirkəti üçün çalışan tacir olmuşdur. 1879-cu ildə Harvard Kollecindən məzun olmuşdur. Qısa müddət bankir kimi işlədikdən sonra siyasi karyerasına başlamışdır.^[3] 1889-cu ildə Boston Şəhər Şurasına seçilmişdir. 1892–1896-cı illərdə Massaçusetts Ştatının Nümayəndələr Palatasının üzvü kimi xidmət göstərmişdir. 1900-cü ildə ABŞ-ın İtaliyadakı səfiri təyin olunmuşdur. 1905-ci ilin əvvəlində isə Rusiyanın Sankt-Peterburq şəhərindəki səfir vəzifəsini tutmuş və 1907-ci ilə qədər bu vəzifədə qalmışdır.^[4]

ABŞ prezidenti Teodor Ruzvelt Rus-yapon müharibəsinin sülh danışıqları üçün vasitəçi rol oynamasında Meyerin də böyük xidmətləri olmuşdur. O, qərar verməkdən məsul olan Rusiya diplomatlarını Portsmut Sülh Konfransında iştirak etmək barədə xəbərdar etmişdir. Rusiyadan qayıtdıqdan sonra 1907–1909-cu illərdə general-poçtmeyster olmuş, 1909–1913-cü illərdə prezident Vilyam Taftın idarəçiliyi altında donanma naziri kimi fəaliyyət göstərmişdir. Bu dövrdə ABŞ donanmasında islahatlar aparmağa çalışmış, 50-dən çox döyüş gəmisi və krayseri yeniləmişdir.^[4]

• Kowner, Rotem. Historical Dictionary of the Russo–Japanese War (ingiliscə). The Scarecrow Press. 2006. 230–231. ISBN 978-0-8108-4927-3. İstifadə tarixi: 29 iyun 2023.

• "Corc fon Lenqerke Meyer: həyat və xidmətləri"