Dünyamalı Kərəm

Dünyamalı Kərəm (azərb. Dünyamalı Kərəm oğlu Əliyev‎; 1920, Qoçulu, Bolnisi bələdiyyəsi) — şair-jurnalist, Gürcüstan SSR-in Əməkdar jurnalisti (1979), Azərbaycan Yazıçılar Birliyinin üzvü^[1]. Azərbaycanlı uzunömürlü.

Dünyamalı Kərəm
Dünyamalı Kərəm oğlu Əliyev
Doğum adı	Dünyamalı
Təxəllüsü	Kərəm
Doğum tarixi	1920
Doğum yeri	Qoçulu, Bolnisi rayonu, Gürcüstan SSR
Vətəndaşlığı	SSRİ Azərbaycan
Milliyyəti	Azərbaycanlı
Təhsili	Azərbaycan Dövlət Universiteti
İxtisası	jurnalistika
Fəaliyyəti	şair, jurnalist
Mükafatları	Gürcüstanın Əməkdar Jurnalisti, "Şərəf ordeni"

Dünyamalı Kərəm 1920-ci ildə Gürcüstanın Borçalı mahalının Qoçulu kəndində anadan olub.

İlk təhsilini doğma kəndində, orta təhsilini qonşu kəndin orta məktəbində alıb. 1937-1940-cı illərdə Tiflisdəki Pedaqoji Məktəbdə təhsil alıb və bu maarif ocağını bitirdikdən sonra təyinatla İmirhəsən və Qoçulu kənd orta məktəblərində direktor vəzifəsində çalışıb.

Dünyamalı Kərəm 1954-cü ildə Azərbaycan Dövlət Universitetinin jurnalistika fakültəsini bitirib.

Bir müddət "Kommunist" qəzetində müxtəlif vəzifələrdə çalışıb. Dünyamalı Kərəm "Sovet Gürcüstanı" qəzetində uzun müddət məsul katib işləyib.

1994-cü ildə onun "Borcalım mənim" adlı şeirlər kitabı nəşr olunub. Sonralar onun bir neçə şeirlər kitabı da işıq üzü görüb^[2].

Haqqında filologiya üzrə fəlsəfə doktoru Müşfiq Borçalı "Dünyamalı Kərəmin poeziya" yaradıcılığı" adlı kitab yazmış və 2010-cu ildə nəşr etdirmişdir.

Dünyamalı Kərəm 1979-cü ildə Gürcüstan SSR-nin “Əməkdar jurnalisti” fəxri adına görülüb. 2000-ci ildə Gürcüstanın "Şərəf" ordeninə layiq görülüb. İki dəfə Ali sovetin Fəxri Fərmanı ilə təltif olunmuşdur^[3].

• DÜNYAMALI KƏRƏM
• Dünyamalı Kərəm - 100
• 100 yaşlı şair öz yubileyinə qatıldı - “Bu yaşıma baxmayaraq idman edirəm”