Dilijan Milli Parkı

Dilijan Milli Parkı (erm. Դիլիջան ազգային պարկ) — Ermənistanın şimal-şərqində, Tavuş mərzində yerləşən milli park. Sahəsi 240 km²-dır. Ən çox təbiəti, biomüxtəlifliyi, müalicəvi bulaq suları, tarixi abidələri ilə tanınır. Ermənistanın iki milli parkından biridir (Digəri Göyçə Milli Parkıdır).

Dilijan Milli Parkı
erm. Դիլիջան ազգային պարկ
Milli parkdan bir mənzərə
BTMB kateqoriyası — II (Milli park)
Sahəsi	240 km2 ha
Mütləq hündürlüyü	1070-2300 m
Yaradılma tarixi	1958 (qoruq statusu) 2002 (milli park statusu)
Florası	902 növ
Faunası	800 növ
Yerləşməsi
40°39′23″ şm. e. 45°01′17″ ş. u.HGYO
Ölkə	Ermənistan
Vilayət	Tavuş mərzi
Yaxın şəhər	Dilijan
dilijanpark.am
Dilijan Milli Parkı
Vikianbarda əlaqəli mediafayllar

Milli park 2002-ci ildə Dilijan və Kuybişev meşələrini qorumaq üçün 1958-ci ildə qurulmuş qoruğun yerində təşkil olunmuşdur. Milli parkın ərazisində hələ də dəyişiklik olmayıb. Dilijan şəhərinin yaxınlığındadır və buradan İrəvan-Karvansaray dəmiryolu keçir. Milli parkın gələcəkdə istirahət, bufer zonası, sərhəd istiqamətlərində inkişaf etdirilməsi planlaşdırılır.

Ərazi dəniz səviyyəsindən 1070-2300 metr yüksəklikdə yerləşən Pəmbək, Sətənəxaç, Miapor, Karvansaray və Hələb dağ silsilələrini əhatə edir. Bu dağların çəmənlikləri milli park ərazisinə daxil deyildir. Ağstafaçay və onun qolları — Bldan, Ovacur, Ştoqanacur, Aqartsin və Getik buradan keçməkdədir. Milli parkda suyu güzgütək olan Təmiz göl və Zəli göl adlı iki göl vardır.

Milli parkda 902^[1][2] bitki növü və 800 növ heyvan növü qeydə alınmışdır.

Ən əhəmiyyətli abidələri Aqatsin monastırı (XIII əsr), Qoşavank monastırı, Motosavank monastırı və Axnabat kilsəsi hesab olunur.

• 
• 
• 
• 

• Tavuş mərzi turist bələdçisi