Dirçəliş FK

Dirçəliş FK — 2019-cu ildən futbol klubu kimi fəaliyyətə başlamışdır, hal hazırda Azərbaycan Region Liqasında çıxış edən Bakı klubudur.

Dirçəliş FK
Klubun tam adı	Dirçəliş Futbol Klubu
Ölkə	Azərbaycan
Ləqəb(lər)	Quzğunlar
Kodu	DRÇ
Rəng(lər)
Yaranma tarixi	2019 (5 il əvvəl) (2019)[1]
Stadionu	ASK Arena
Tutumu	600
Koordinatlar	CV6X+94P, Baku
Vitse-Prezident	Heydər Əliyev
Prezidenti	Şamil Şamilov
Kapitanı	Bayram Quliyev
Liqa	Azərbaycan Region Liqası
2022/23	Region Liqası 4-cü Azərbaycan Həvəskar Futbol Federasiyası Liqası 1-ci
Rəsmi saytı

"Dirçəliş" futbol klubu 2019-cu ildən Bakıda fəaliyyətə başlayıb. İlk dönəmlərdə klub mini-futbol həvəskar komanda şəklində fəaliyyət göstərib. Daha sonra komanda liderinin və komandada çıxış edən bir çox şəxsin təşəbbüsü ilə "Dirçəliş" futbol klubunun yaradılması qərarı verilmişdir.^[2]

Klubun adının "Dirçəliş" olmasının maraqlı tarixçəsi var. Klubun adının "Dirçəliş" qoyulması təklif edildikdən sonra, həqiqətən də gərəksə kluba yeni qoşulan futbolçular, gərəksə də xəyalını yerinə yetirmək istəyən istedadlı futbolçular üçün böyük bir dirçəliş mənbəyidir. Adın önəmini daha da artıran məqamlardan biri də, Azərbaycan Respublikasının tarixən bir neçə çətin dönəmdən keçməsi, amma bu dönəmi geri qoyaraq dirçəlməsi olub.^[2]

Azərbaycanın əfsanəvi futbolçusu, "Şöhrət" ordenli Anatoli Banişevskinin 75 illik yubileyi, yarışın 25 illiyi, həmçinin Bakı Kəndlər Futbol Federasiyasının (BKFF) 15 illiyi münasibətilə futbol turniri keçirilib. Gənclər və İdman Nazirliyi, Milli Olimpiya Komitəsi, AFFA-nın rəhbərliyi və BKFF-nın təşkilatçılığı ilə keçirilən turnirdə Bakı, Sumqayıt və Abşeronun kənd və qəsəbələrinin komandaları iştirak edib. Turnirin yarımfinal mərhələsində "Dirçəliş” və "İCBFA” komandaları qarşılaşıblar. Şağan Olimpiya İdman Kompleksində keçirilən oyunda "Dirçəliş" komandası 2:0 hesablı qələbə qazanıb. Bu qələbə sayəsində "Dirçəliş" komandası bürünc medala layiq görülüb.^[3]

7 may 2023-cü il tarixində klub Azərbaycan Çempionatının Həvəskarlar Liqasında iştirak etməyə başladı. "C" qrupunda yer alan Dirçəlişin ilk rəqibi qısa adla (FÜİUGOEM) "ROFM" oldu. Çətin keçən qarşılaşmada 10 kişi ilə qalan Dirçəliş, qonaq getdiyi meydanda 1–0 hesabı ilə qalib oldu. Mayın 14-ü yenidən qonaq meydanında "Mübariz Binə" klubuna qarşı böyük hesablı qələbə qazandı (7–1). Beləcə cavab oyunlarında da ard-arda qalibiyyətlər seriyası başladı. "ROFM" klubu ilə 5–3, "Çinar" (Zəngilan) klubu ilə 4–2, "Mübarizə Binə" klubu ilə də 7–1.

18 iyun 2023-cü il tarixində klub qrup oyunlarının heç birində məğlub olmayaraq liqa birincisi olaraq 1/4 final oyununa vəsiqəni əldə etdi. Bu görüş "Gənclik İK" klubuna qarşı oldu. ASK Arenada baş tutan oyun öz çətinliyi ilə yadda qaldı, 2–2-lik bərbəliyi 88-ci dəqiqədə İlkin Məmmədəliyev pozdu. Beləcə "Dirçəliş" 3–2 hesabı ilə qalib gələrək 1/2 finala vəsiqəni təmin etdi.

25 iyun 2023-cü il tarixində klub 1/2 oyun günündə "Gənclər FM" klubu ilə qarşılaşdı. Görüşdən öncə "Dirçəliş" klubunda mühüm dəyişiklik baş verdi. Baş məşqçinin öz mənafelərini ön plana salması nəticəsində "Dirçəliş" klubu Yannick Elio ilə əlaqəni kəsdi. Turnirin digər hissəsində isə artıq baş məşqçi postuna müvəqqəti olaraq klubun prezidenti Şamil Şamilov keçdi. Sərt mübarizə şəraitində keçən qarşılaşamada 1-0 geridə olan "Dirçəliş", ikinci yarının 80-ci dəqiqəsində İsmayılın qolu ilə bərabəliyi əldə etdi. Beləcə əlavə vaxtda da mübarizə davam etdi. Əlavə vaxtın sonuncu dəqiqəsi 119-cu dəqiqədə Röyalın vurulan qolla "Dirçəliş" adını finala yazdırdı.

2 iyul 2023-cü il tarixində "Dirçəliş" final qarşılaşmasında Bakının "Lokomotiv" klubuna qarşı oynadı.^[4] Ümumi 6 qolun vurulduğu final oyununda "Dirçəliş" əzmli 4–2 qələbə qazanaraq çempion oldu.^[5]

Emblemdə qırmızı dairənin içində (günəş), topun üstündə duran quzğun təsvirinə yer verilmişdir.

Quzğun – Qədim türklərin simvollarından biridir. Belə ki, quzğun ailəyə sadiqliyi, etibarı ilə seçilir. Məhz bu səbəbdən qədim Türklərin canavardan sonra simvol kimi qəbul etdikləri bu quşdur.^[2]

• İlham Hacıbəyov – Dirçəliş FK B komandasının məşqçisi.

Dirçəliş klubun ev formasının üstündə yer alan qırmızı zolaq - qan, altda qara zolaq - torpağın rəmzidir. Həmçinin klubun türkçü simvolu olan quzğuna formada da yer verilmişdir.

• AHFF liqası

Çempion (1) - (2022/2023)

• Azərbaycan Respublikası Şəhidlərinə Həsr Olunmuş Turnir

Gümüş Medal (1) - (2020)

• Banşevski Kuboku^[6]

Bürünc Medal (1) - (2021)^[3]

• Banşevski Kuboku

Gümüş Medal (1) - (2022)

Hər idman növlərində "Dirçəliş" adında klubların yaradılması, Azərbaycanda kütləviliyi və idman növlərinə marağı daha da artırmaq, həmçinin əsasən yerli futbolçuların kəşf olunaraq güclənməsinə və hədəflərinə çatmasına dəstək olmaqdır.

Hal hazırda klubun akemediyasının daxilində U8-dən U16-ya qədər bir çox kamanda fəaliyyət göstərir.

Azərbaycan Futbol Federasiyası Həvəskarlar Liqasında Dirçəliş Futbol klubunun "B" adı altında əvəzedici heyəti də fəaliyyət göstərir.

• Bayram Quluzadə – 55 oyunla klub heyətində ən çox oyun keçirən futbolçudur.
• Loğman Qafarzadə – 2021–22 sezonunda Region Liqasında keçirilən oyunda Dirçəliş Futbol Klubunun heyətində ilk qolu atan futbolçudur.
• Rəhman Quliyev – 31 qol ilə klub tarixinin ən çox qol vuran futbolçusudur.

Nömrə Ölkə Mövqeyi Futbolçu 1 GK Maximilian Schilder 5 DF Pessoto Syewe 28 DF Aleksandr Morozov 26 DF Dmitriy Vdovin 3 DF Vasif Ağazadə 2 DF Mehman İbadov 15 DF İsmayıl Nəzirov 4 DF Asif Cəfərov 13 MF Kamran Mustafayev 25 MF Fərid Çopur 8 MF Cəlal Məmmədov 11 MF İlkin Məmmədəliyev 14 MF Bəhruz Yusifzadə 21 MF Nurəddin Yusifzadə 6 MF Mohammed Alhassan 99 FW Sirac Şamilov 10 FW Bayram Quluzadə 9 FW Pərviz Əliyev 23 FW Şamil Şamilov 90 FW Əlibəy Məmmədov 7 FW Rəhman Quliyev 24 FW Muchili Adamou Dayirou 20 FW Godstime Raymond Akpotu

• Azərbaycan futbol klublarının siyahısı
• Azərbaycan Futbol Federasiyaları Assosiasiyası

• Dirçəliş FK — Instagram səhifəsi
• Dirçəliş FA — Instagram səhifəsi
• Dirçəliş FK — Facebook səhifəsi
• dirchelish.com — Dirçəliş FK rəsmi saytı
• Klubun Email adresi – "[email protected]"