Edvard Bikkerstet (Cənubi Tokio yepiskopu)

Edvard Bikkerstet (ing. Edward Bickersteth; 27 iyun 1850, Banningem[d], Norfolk qraflığı – 5 avqust 1897, Çiseldon[d], Uiltşir[d]) – Cənubi Tokio yepiskopu olmuş missioner.

Edvard Bikkerstet
Doğum tarixi 27 iyun 1850(1850-06-27)
Doğum yeri
Vəfat tarixi 5 avqust 1897(1897-08-05) (47 yaşında)
Vəfat yeri
Fəaliyyəti keşiş
Vikianbarın loqosu Vikianbarda əlaqəli mediafayllar

Həyatı

[redaktə | mənbəni redaktə et]

Edvard Bikkerstet 26 iyun 1850-ci ildə Norfolkun Banningem kəndində doğulmuşdur.[1] Atası Edvard Henri Bikkerstet Ekseter yepiskopu olmuşdur.[1] Anası Roza isə Samuel Biqnoldun qızı idi.[1] Bikkerstet Haygeyt məktəbində təhsil almış, 1869-cu ildə Pembrok kollecində təhsil almaq üçün təqaüd qazanmışdır.[1] 1873-cü ildə bakalavr, 1876-cı ildə magistr dərəcəsi ilə məzun olmuşdur.[1] 1874-cü ildə Şolefild və Evans mükafatlarını qazanmışdır.[1] O, London yepiskopluğundan 1873-cü ildə diakon, 1874-cü ildə isə keşiş titulu almışdır.[1] 1873–1875-ci illərdə Hempsteddə Müqəddəs Üçlüyün kuratoru olmuşdur.[1] 1875-ci ildə kollecinin müxbir üzvü seçilmişdir.[1]

Bikkerstetin səyləri nəticəsində Dehlidə Kembric missiyası qurulmuş və 1877-ci ildə missiyanın birinci başçısı kimi İngiltərəni tərk etmişdir.[1] Səhhətindəki problemlərə görə 1882-ci ildə İngiltərəyə qayıtmış və Fremlingemdə yerləşən Müqəddəs Mikayıl kilsəsinin rektorluğuna təyin olunmuşdur.[1]

Yaponiya

[redaktə | mənbəni redaktə et]

Bikkerstet Yaponiyada Cənubi Tokio yepiskopu olmaq təklifini qəbul edərək İngiltərəni bir daha tərk etmişdir.[1] 1886-cı ildə təqdis olunaraq yepiskopluğa doğru yola düşmüşdür.[1] Yaponiyada Müqəddəs Katolik Kilsəsinin yaradılmasında iştirak etmiş, Yaponiyada fəaliyyət göstərən aktiv anqlikan olmuşdur.[1] Bikkerstetin digər kilsələrlə ekumenik əlaqələr qurmaq cəhdi 1897-ci ildə uğursuz olmuşdur.[1]

Bikkerset səhhətində yaşadığı problemlərə görə növbəti dəfə İngiltərəyə qayıtmalı olmuşdur.[1] Uzun çəkən xəstəlikdən sonra 5 avqust 1897-ci ildə Uiltşirin Çiseldon kəndində yerləşən evində ölmüşdür.[1]

Əsərləri

[redaktə | mənbəni redaktə et]
  • "Bizim kilsədəki irsimiz" (ing. Our Heritage in the Church, 1898) – mühazirələr.[1]

İstinadlar

[redaktə | mənbəni redaktə et]
  1. ↑ 1 2 3 4 5 6 7 8 9 10 11 12 13 14 15 16 17 18 Burckland, A.R. "Bickersteth, Edward". Oxford Dictionary of National Biography (ingiliscə). 23 sentyabr 2004. 2023-07-08 tarixində arxivləşdirilib. İstifadə tarixi: 18 oktyabr 2022.