Elman İbrahimov

Elman Cavanşir oğlu İbrahimov– (14 yanvar 1946-cı il, Zəngilan rayonu), riyaziyyatçı, Azərbaycan Respublikası Elm və Təhsil Nazirliyi Riyaziyyat və Mexanika İnstitutunun "Riyazi analiz" şöbəsi[1], Riyaziyyat üzrə Elmlər doktoru

Elman İbrahimov
Elm sahəsi Riyazi analiz
Elmi dərəcəsi Riyaziyyat üzrə Elmlər doktoru
İş yerləri Azərbaycan Respublikası Elm və Təhsil Nazirliyi Riyaziyyat və Mexanika İnstitutu
Alma-mater Azərbaycan Dövlət Pedaqoji Universiteti

Həyatı

[redaktə | mənbəni redaktə et]

Elman Cavanşir oğlu İbrahimov 1946-cı ildə Azərbaycan Respublikasının Zəngilan rayonunda anadan olmuşdur. 1970-ci illərdə V. İ. Lenin adına Azərbaycan Dövlət Pedaqoji İnstitutunun Riyaziyyat fakültəsini fərqlənmə diplomu ilə bitirib. Həmin institutun "Hesablama riyaziyyatı və ehtimal nəzəriyyəsi" kafedrasında laborant vəzifəsində işləyib. 1975-ci ildə "Sfera üzərində ümumləşmiş funksiyalar sinfi və ultrasferik sıraların cəmlənməsi" mövzusunda namizədlik dissertasiyasını müdafiə edib. 1977–1978-ci illərdə Ç. İldırım adına Azərbaycan Politexnik İnstitutunun hesablama mərkəzində riyazi-proqramlaşdırıcı, 1978–1984-cü illərdə Azərbaycan Dövlət Neft Akademiyasının "Ali riyaziyyat" kafedrasında baş müəllim, 1954–2015 ilə qədər dosent vəzifəsində işləyib. 2015-ci ildən AMEA Riyaziyyat və Mexanika İnstitutunun "Riyazi analiz" şöbəsində baş elmi işçi vəzifəsində işləyir. 2018-ci ildə AMEA Riyaziyyat və Mexanika İnstitutunda "Qeqenbauer diferensial operatorunun doğurduğu harmonik analizin bəzi aspektləri haqqında" mövzusunda 1202.01-Analiz və funksional analiz ixtisasında elmlər doktoru dissertasiyalarını müdafiə etmiş[2] və Azərbaycan Respublikasının Prezidenti Yanında Ali Attestasiya Komissiyası tərəfindən 4 iyul 2018-ci ildə riyaziyyat üzrə Elmlər Doktoru elmi dərəcəsi verilmişdir[3].

Elmi nailiyyətləri

[redaktə | mənbəni redaktə et]

Azərbaycan Respublikası Elm və Təhsil Nazirliyi Riyaziyyat və Mexanika İnstitutunun baş elmi işçisi, riyaziyyat elmləri doktoru Elman İbrahimov riyaziyyat elmində Gegenbauer diferensial operatorunun doğurduğu harmonik analizə yeni inteqral çevirmə gətirib[4]. Elman İbrahimov yaxınlaşma nəzəriyyəsində düz cekson və tərs bernşteyn teoremlərinin isbatını məhz Gegenbauer çevrilmələrinin vasitəsilə aparıb. Daxiletmə teoremləri riyazi fizika tənliklərinin ümumiləşmiş həllinin tapılması ilə bağlıdır. Gegenbauer diferensial operatorunun doğurduğu harmonik analizin əsasını qoyaraq isbat etdiyi teoremin tətbiqi ilə gələcəkdə bir çox yeni tədqiqatlar aparıla biləcək[5]. Elman İbrahimov 37 elmi işin, 34 məqalə və 3 tezisin müəllifidir. 25 məqaləsi xarici nüfuzlu jurnallarda dərc olunub: Journal of Mathematical Analysis and Applications[6], Analysis Mathematics[7], Georgian Mathematical Journal[8],[9], Journal Mathematical Study[10], Mathematical Notes və Polskie Towarzystwo Matematyczne[11], Wiley Online Library[12], EBSCO[13] və s.

Elman İbrahimov ED 1.04 Dissertasiya Şurasının nəzdindəki 1202.01-"Analiz və funksional analiz" ixtisası elmi tematik seminarın üzvüdür. Gegenbauer diferensialının yaratdığı Riesz potensialının sərhədliliyi haqqında tip teoremi ilə bağlı məqalələri 30-dan çox beynəlxalq elmi jurnalda dərc olunub. O, bir neçə Beynəlxalq konfransların iştirakçısı olmuşdur. Elman İbrahimov eyni zamanda ədəbi aləmdə də tanınır, çoxsaylı şeirlər yazıb, "Fidanım" adlı şeirlər kitabının müəllifidir[14].

Məqalələri

[redaktə | mənbəni redaktə et]
  • On Gegenbauer transformation on the half-line

EJ Ibrahimov \ Walter de Gruyter GmbH & Co. KG 18 (3), 497–515

  • Vagif Guliyev, Elman Ibrahimov, Generalized Gegenbauer shift and some problems of the theory of approximation of functions on the metric of, Trans. Natl. Acad. Sci. Azerb. Ser. Phys.-Tech. Math. Sci. 35 (4) (2015), pp. 19–51.
  • The Hardy–Littlewood–Sobolev theorem for Riesz potential generated by Gegenbauer operator

EJ Ibrahimov, A Akbulut \ Transactions of A. Razmadze Mathematical Institute 170 (2), 166–199

  • Calderon reproducing formula associated with the Gegenbauer operator on the half-line

VS Guliyev, EJ Ibrahimov \ Journal of mathematical analysis and applications 335 (2), 1079–1094

  • On equivalent normalizations of functional spaces associated with the generalized Gegenbauer shift

VS Guliev, EJ Ibragimov \ ANALYSIS MATHEMATICA 34 (2), 83–103

  • On estimating the approximation of locally summable functions by Gegenbauer singular integrals

VS Guliyev, EJ Ibrahimov \ Walter de Gruyter GmbH & Co. KG 15 (2), 251–262

  • On convergence and convergence order of Gegenbauer’s m-singular integrals

EJ Ibrahimov, SA Jafarova \ Proc. A. Razmadze Math. Inst 159, 21–42

  • Weighted boundedness of the fractional maximal operator and Riesz potential generated by Gegenbauer differential operator

EJ Ibrahimov, VS Guliyev, SA Jafarova \ Trans. A. Razmadze Math. Inst 173, 45–78

  • On the boundedness of the G-maximal operator and G-Riesz potential in the generalized G-Morrey spaces

EJ Ibrahimov, GA Dadashova, SE Ekincioglu \ Trans. Natl. Acad. Sci. Azerb. Ser. Phys.-Tech. Math. Sci 40 (1), 111–125

  • Weak and strong type inequalities criteria for fractional maximal functions and fractional integrals associated with Gegenbauer differential operator

V Kokilashvili, EJ Ibrahimov \ Georgian Mathematical Journal 30 (5), 745–767

  • Maximal and potential operators associated with Gegenbauer differential operator on generalized Morrey spaces

EJ IBRAHIMOV, SA JAFAROVA, SE EKINCIOGLU \ Proc. Inst. Math. Mech. Natl. Acad. Sci. Azerb 46 (1), 129–143

İstinadlar

[redaktə | mənbəni redaktə et]
  1. ↑ ""Riyazi analiz" şöbəsinin baş elmi işçisi Elman İbrahimovun 75 yaşı münasibəti ilə təbrik edirik!" (AZE). 18.01.2021. Archived from the original on 2024-07-30.
  2. ↑ Elman İbrahimov. "Gegenbauer diferensial operatoru ilə bağlı harmonik analizin bəzi aspektləri [Mətn] : riyaziyyat üzrə elmlər d-ru e. dər. al. üçün təq. ed. dis-nın avtoreferatı : 1202.01 /E. C. İbrahimov ; AMEA, Riyaziyyat və Mexanika İn-tu" (az.). AZƏRBAYCAN MİLLI ELMLƏR AKADEMİYASI RİYAZİYYAT VƏ MEXANIKA İNSTİTUTU. Bakı: 2017. 2024-07-30 tarixində arxivləşdirilib.
  3. ↑ Science.gov.az. "Innovation in mathematical research" (eng). 02.12.2020 15:49. Archived from the original on 2024-07-30.
  4. ↑ ELMAN CAVANŞİR oğlu İBRAHIMOV. GEGENBAUER DİFERENSİAL OPERATORU İLƏ BAĞLI HARMONİK ANALİZİN BƏZİ ASPEKTLƏRİ (PDF). 2017.
  5. ↑ Azərbaycan Müəllimi qəzeti. "Riyazi tədqiqatlarda yenilik" (az.). Azərbaycan Müəllimi qəzeti. 03 Dekabr 2020. 2024-07-30 tarixində arxivləşdirilib.
  6. ↑ Elman Ibrahimov. "Calderon reproducing formula associated with the Gegenbauer operator on the half-line" (ENG). Journal of Mathematical Analysis and Applications. 15 November 2007.
  7. ↑ Elman Ibrahimov. "Boundedness criteria for the commutators of fractional integral and fractional maximal operators on Morrey spaces generated by the Gegenbauer differential operator" (ENG). February 2024.
  8. ↑ Vakhtang Kokilashvili and Elman J. Ibrahimov. "Weak and strong type inequalities criteria for fractional maximal functions and fractional integrals associated with Gegenbauer differential operator" (eng). Georgian Mathematical Journal. June 6, 2023. July 30, 2024 tarixində arxivləşdirilib.
  9. ↑ Georgian Mathematical Journal. "Vakhtang Kokilashvili, Elman J. IbrahimovWeak and strong type inequalities criteria for fractionalmaximal functions and fractional integrals associatedwith Gegenbauer differential operator-745" (eng). October 1, 2023. July 30, 2024 tarixində arxivləşdirilib.
  10. ↑ Google Scholar. "Elman Ibrahimov" (eng). 2024-07-30 tarixində arxivləşdirilib.
  11. ↑ Ibrahimov Elman, Jafarova Ar. Saadat. "Boundedness of G-Fractional Commutators with G-BMO functions" (eng). Polskie Towarzystwo Matematyczne. 2024-04-30 tarixində arxivləşdirilib.
  12. ↑ Elman J. Ibrahimov. "Boundedness criteria for the commutators of fractional integral and fractional maximal operators on Morrey spaces generated by the Gegenbauer differential operator" (eng). Wiley Online Library. 27 February 2024.
  13. ↑ Kokilashvili, Vakhtang; Ibrahimov, Elman J. "Weak and strong type inequalities criteria for fractional maximal functions and fractional integrals associated with Gegenbauer differential operator" (ENG). 2023. 2024-07-30 tarixində arxivləşdirilib.
  14. ↑ Elman İbrahimov. "Fidanım". Şeirlər kitabı (az.). 2010.

Həmçinin bax

[redaktə | mənbəni redaktə et]

Xarici keçidlər

[redaktə | mənbəni redaktə et]