Elnur Əliyev (mayor)

Vikipediyada bu ad-soyadlı digər şəxslər haqqında da məqalələr var; bax: Elnur Əliyev.

Elnur Adil oğlu Əliyev (16 avqust 1976, Dədəli, Füzuli rayonu, Azərbaycan SSR – 3 aprel 2016, Cəbrayıl rayonu) — Azərbaycan Silahlı Qüvvələrinin mayoru. 2016-cı ildə Aprel döyüşləri zamanı şəhid olub, ölümündən sonra "Vətənə xidmətə görə" ordeni (III dərəcəli) ilə təltif edilib.

Elnur Əliyev
Elnur Adil oğlu Əliyev
Şəxsi məlumatlar
Doğum tarixi
Doğum yeri Dədəli, Füzuli rayonu, Azərbaycan SSR, SSRİ
Vəfat tarixi (39 yaşında)
Vəfat yeri Cəbrayıl rayonu, Azərbaycan
Vəfat səbəbi Şəhid olmuşdur
Dəfn yeri Bala Bəhmənli, Füzuli rayonu, Azərbaycan
Vətəndaşlığı SSRİ SSRİ→
Azərbaycan Azərbaycan
Milliyyəti azərbaycanlı
Uşağı 2
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Quru Qoşunları
Rütbəsi Mayor
Döyüşlər Aprel döyüşləri
Təltifləri 3-cü dərəcəli "Vətənə xidmətə görə" ordeni "Qüsursuz xidmətə görə" 2-ci dərəcəli medalı "Qüsursuz xidmətə görə" 3-cü dərəcəli medalı "Azərbaycan Respublikası Silahlı Qüvvələrinin 10 illiyi (1991-2001)" yubiley medalı "Azərbaycan Respublikası Silahlı Qüvvələrinin 90 illiyi (1918-2008)" yubiley medalı "Azərbaycan Respublikası Silahlı Qüvvələrinin 95 illiyi (1918-2013)" yubiley medalı

Həyatı

[redaktə | mənbəni redaktə et]

Elnur Əliyev 1976-cı ilin 16 avqust günündə Füzuli rayonunun Dədəli kəndində anadan olub.[1] Elnur Əliyev ailəli idi; Elvin və Elxan adında iki oğlu yadigar qalıb.[2]

Hərbi xidməti

[redaktə | mənbəni redaktə et]

Mayor Elnur Əliyev 2016-cı ilin aprel ayında Azərbaycan-Ermənistan təmas xəttində baş verən atışma zamanı digər əsgərləri qorumaq məqsədilə qumbaranın üzərinə atılaraq qəhrəmancasına şəhid oldu.[3]

Aprelin 3-ü isə Elnur Əliyev Füzuli rayonunda son mənzilə yola salındı. Dəfn mərasiminə minlərlə rayon sakini ilə yanaşı, şəhidin qulluq etdiyi hərbi hissənin əsgərləri və zabitləri də qatıldı. Dəfn mərasiminin sonunda yaylım atəşi açıldı və mayor Əliyev uğrunda şəhid olduğu torpağa tapşırıldı.

Elnur Əliyev ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə "Vətənə xidmətə görə" ordeni (III dərəcəli) ilə təltif edildi.

İstinadlar

[redaktə | mənbəni redaktə et]
  1. ↑ "Elnur Əliyev". 2022-01-28 tarixində arxivləşdirilib. İstifadə tarixi: 2022-01-28.
  2. ↑ "Əliyev Elnur Adil oğlu" (PDF). 2022-01-28 tarixində arxivləşdirilib (PDF). İstifadə tarixi: 2022-01-28.
  3. ↑ "Yoldaşlarını qorumaq üçün "özünü qumbaranın üstünə atıb"". 2022-01-28 tarixində arxivləşdirilib. İstifadə tarixi: 2022-01-28.

Şablon:Aprel döyüşlərində şəhid olan Azərbaycan hərbçiləri