Elxan Hüseynov (hərbçi)

Bu məqalənin ensiklopedik tələblərə cavab vermədiyinə dair şübhələr var. Lütfən, ensiklopedikliyi təsdiq etmək üçün məqalənin mövzusuna uyğun tərəfsiz, etibarlı mənbələr əlavə edin. Əgər belə mənbələr göstərilməzsə, məqalə birləşdirilə, köçürülə, yönləndirilə və ya silinə bilər.

Hüseynov Elxan Hüseyn oğlu (21 avqust 1963, Bakı – 2 oktyabr 2011, Danimarka) — polkovnik, Ordu Korpusunun əməliyyat və döyüş şöbəsinin rəisi. ”Danimarka-Azərbaycan dostluq cəmiyyəti”nin sədri (2001).

Elxan Hüseynov
azərb. Hüseynov Elxan Hüseyn oğlu‎
Elxan Hüseynov iş prosesi zamanı.
Şəxsi məlumatlar
Doğum tarixi	21 avqust 1963
Doğum yeri	Bakı, Azərbaycan SSR
Vəfat tarixi	2 oktyabr 2011 (48 yaşında)
Vəfat yeri	Hillerod, Danimarka
Vəfat səbəbi	xərçəng xəstəliyi
Vətəndaşlığı	Azərbaycan
Milliyyəti	Azərbaycanlı
Həyat yoldaşı	Kəmalə Hüseynova
Uşaqları	Emil, Kərim Hüseynov
Təhsili	Naxçıvanski adına hərbi lisey NATO Hərbi Akademiyası
Hərbi fəaliyyəti
Xidmət illəri	1976-cı ildən
Rütbəsi	polkovnik

Elxan Hüseynov 1963-cü il avqust ayının 21-də Bakı şəhərində anadan olmuşdur. Əslən Ağdaş rayonunun Qolqəti kəndindəndir. O, 1976-cı ildə Bakı şəhəri Nizami rayonundakı N saylı məktəbi bitirdikdən sonar general Cəmşid Naxçıvanski adına Hərbi Məktəbdə təhsil almışdır. O, 1980-ci ildə həmin məktəbi bitirmiş və ali hərbi təhsilini Azərbaycan SSR Rəyasət Heyəti adına Ali Ümumqoşun Zabitlər məktəbində davam etdirmiş və 1984-cü ildə oranı fərqlənmə diploma ilə tamamlamışdır. 1998-ci ildə isə NATO Hərbi Akademiyasını Fərqlənmə ilə bitirmişdir.

Elxan Hüseynov 1984-1986-cı illərdə Əfqanıstanda baş leytenant kimi kəşfiyyat tağımının komandiri vəzifəsində çalışmışdır. O burada döyüşlərin birində qəlpə yarası almışdır. 1986-cı ildə kapitan rütbəsinə layiq görülən Elxan Hüseynov 1988-ci ilə kimi Türküstan Hərbi Dairəsində bölük komandiri, 1988-1990-cı illərdə Macarıstanda Qərb Hərbi Dairəsində bölük komandiri, 1990-1991-ci illərdə isə Ukrayna Hərbi Dairəsində tabor komandirinin müavini vəzifəsində işləmişdir.

• 1991-1992-ci illərdə Azərbaycan SSR Daxili İşlər Nazirliyinin xüsusi təyinatlı milis dəstəsində əməliyyat-kəşfiyyat rəisi olmuşdur.
• 1992-1994-cü illərdə Daxili İşlər Nazirliyi Daxili Qoşunları, xüsusi təyinatlı əlahiddə tabor komandiri kimi erməni işğalçılarına qarşı döyüşlərdə mübarizlik göstərmişdir. 1992-ci ildə Şuşada orta dərəcəli mina-qəlpə yaraları almış və kontuziya olmuşdur.
• 1994-1995-ci illərdə Daxili İşlər Nazirliyi Daxili Qoşunları, xüsusi təyinatlı briqada komandiri vəzifəsində çalışmışdır.
• 1994-cü ildə Horadiz əməliyyatında fəal iştirak etmiş, Füzuli rayonunun 20-dən artıq yaşayış məntəqəsinin və strateji əhəmiyyətli Horadiz qəsəbəsinin erməni işğalçı- larından təmizlənməsində fəallıq göstərmiş, ağır döyüşlərin birində yaralanmışdır. Sonrakı illərdə də Elxan Hüseynov yalnız cəbhə bölgəsində fəaliyyət göstərmiş, N saylı Ordu Korpusunun əməliyyat şöbə rəisinin müavini, N saylı briqadanın qərargah rəisi, N saylı briqadada briqada komandirinin 1-ci müavini, N saylı briqadanın komandiri, N saylı Ordu Korpusunun əməliyyat və döyüş şöbəsinin rəisi olmuşdur.
• 2010-cu ildə Türk Cəmiyyətləri Birliyi ilə birgə Danimarkada “Gerçək soyqırım - Xocalı” layihəsini təqdim edib. Həmin tədbirdə xəritə üzərində “Ermənilərin Xocalı soyqırımı planı” layihəsini də təqdim edib. Həmçinin hər il keçirilən Dünya Türk Mahnıları Olimpiadasının təşkilatçılarından biri olub.^[1]

O, Əfqanıstanda iki il döyüşmüş və bu müddətdə bir neçə dəfə ordenlə təltif olunmuşdur. Elxan Hüseynov ümumilikdə aşağıdakı orden və medallarla təltif edilmişdir: Qırmızı Ulduz ordeni, şücaətə görə 3 ədəd medal, xidmətə görə 2 ədəd medal.

Azərbaycan Diasporunun "Danimarka-Azərbaycan Dostluq Cəmiyyəti"nin sədri idi və ehtiyatda olan polkovnik olaraq lobbiçilik strategiyasını hərbi taktikalarla həyata keçirirdi.

Elxan Hüseynov bütün həyatını Azərbaycana həsr etmiş və diaspor işində önəmli xidmətləri olan diaspor rəhbərlərindən olmuşdur. Azərbaycanın Danimarkada tanıdılması yolunda təqdirəlayiq xidmətləri olmuşdur. Danimarka Azərbaycan həqiqətlərinin təbliği istiqamətində əvəzsiz xidmətlər göstərmişdir.

2011-ci il oktyabr ayının 2-də Danimarkada ömrünün 48-ci ilində uzun sürən xərçəng xəstəliyindən dünyasını dəyişmişdir.

Danimarka parlamentinin türk əsilli millət vəkili Hüseyin Arac Elxan Hüseynov haqqında demişdir:

Onun özü dəfələrlə məni Danimarka parlamentində ziyarət edib, Azərbaycanda bir milyon məcburi köçkünün vəziyyəti haqqında geniş bilgilər verirdi. Xüsusilə, onunla Danimarka-Azərbaycan əlaqələrinin inkişaf etməsi üçün birgə uğurlu çalışmalarımız olub. O, ciddi, səmimi və mübarizəsinə inanan insan idi. Yaxın dostumu itirmək mənimçün olduqca ağırdır. Onun ailəsinə başsağlığı verirəm. Elxanın yolu davam etdirməlidir ki, onun ruhu şad olsun[2]

• Danimarkadakı Azərbaycan diasporunun liderlərindən biri vəfat edib Arxivləşdirilib 2017-10-16 at the Wayback Machine

• Ağdaş Tarixin Yaddaşında/Bakı-2013/səh-273-274.