Emanuel Lasker

Emanuil Lasker— Alman şahmatçısı, riyaziyyatçısı və filosofu. O, şahmat üzrə ikinci dünya çempionu olmuş və bu adı 27 il ərzində özündə saxlamışdır (1894-dən 1921-ci ilə kimi).

Emanuil Lasker
alm. Emanuel Lasker‎
Emanuil Lasker
Ölkə	Almaniya
Doğum tarixi	24 dekabr 1868
Doğum yeri	Polşa
Vəfat tarixi	11 yanvar 1941 (72 yaşında)
Vəfat yeri	Nyu-York, ABŞ
Təhsili	Heydelberq Universiteti, Erlangen-Nürnberq Universiteti[d][1]
Dünya çempionluğu	1894-1921
Vikianbarda əlaqəli mediafayllar

Emanuil Lasker 1869-ci il dekabrın 24-də anadan olmuşdur. Uşaqlıqdan riyaziyyata həvəs göstərirdi. Ona görə də valideynləri onu Berlinə oxumağa göndərirlər. Laskerin şahmata maraq göstərməsinin iki səbəbi olmuşdur. Birincisi, yanında yaşadığı böyük qardaşı yaxşı şahmat oynayırdı.Bir dəfə Lasker xəstə olarkən qardaşı ona şahmat oynamağı öyrətmiş və şahmat dərsliyi hədiyyə vermişdir. İkinci səbəb isə, onun oxuduğu məktəbin direktorunun yerli şahmat klubunun çempionu və prezidenti olması idi. Direktor gələcək çempionun şahmat qüvvəsinin inkişafına böyük kömək etmişdir.

Məktəbi qurtardıqdan sonra Lasker Berlin universitetinin riyaziyyat fakültəsinə daxil olur. 1889-cu ildə çıxış etdiyi bir sıra turnirlərdə qazandığı qələbələr onu Almaniyanın güclü şahmatçılarının ön cərgəsinə çıxarır. Bu müvəffəqiyyətdən sonra 22 yaşlı Lasker öz qarşısına dünya çempionu adını qazanmaq kimi, məsul vəzifə qoyur.Steynitslə gələcək görüşə hazırlaşaraq, 1880-ci ildə İngiltərəyə gedir.Burada o, iki dairəvi sistem üzrə keçirilən turnirdə ingilis şahmatçıları, sonra isə ingilislərin sevimlisi Blekbern üzərində inamlı qələbə qazanır. Üç il sonra ABŞ-də qastrol səfərində olarkən Lasker yerli şahmatçılarla görüşdə bir sıra qələbələr qazanır. Nyu-York turnirində birinci mükafata yiyələnir. Özü də o, turnirdə iştirak edən 13 şahmatçının hamısına qalib gəlir və ən yaxın rəqibi ilə arasında 4,5 xal fərq yaranır.

1894-cü il martın 15-də şahmat tacı uğrunda başlanan növbəti mübarizə Lskerin qələbəsi ilə başa çatır. 25 yaşlı şahmatçı ikinci dünya çempionu olur və 27 il ərzində bu adı öz üzərində saxlayır. Bu illər ərzində o, 7 dəfə öz titulunu müdafiə etmiş, bir sıra irimiqyaslı beynəlxalq turnirlərdə uğurla çıxış etmişdir. 1895-1896-cı illərdə Londonda, 1900-cü ildə Parisdə, 1900-1914-cü illlərdə Peterburqdakı beynəlxalq turnirlərdə birinci mükafata layiq görülür.

1921-ci ildə 53 yaşlı Lasker tac uğrunda mübarizədə Xose Raul Kapablankaya məğlub olur.Lakin iki il sonra Moraviya adasında keçirilən turnirdə yenidən qələbə qazanır. 1 il sonra Nyu-Yorkdakı beynəlxalq turnirdə qazandığı qələbə sesesasiya doğurur. O, Kapablanka, Aleksandr Alexin, Reti və Marşalı geridə qoyaraq, 1-ci yeri tutur. 1925-ci ildə Moskvada keçirilən Beynəlxalq turnirdə uğurla çıxış edir və ikinci yeri tutur. 10 il sonra 67 yaşında yenidən Moskvada keçirilən beynəlxalq turnirdə turnirin qalibləri olan Mixail Botvinnik və Flordan cəmi yarım xal geri qalaraq "əbədi" rəqibi Kapablankaya bir daha qalib gəlir.

Vikianbarda Emanuel Lasker ilə əlaqəli mediafayllar var.

1. ↑ ^{1 2} Mathematics Genealogy Project (ing.). 1997.