Emil Mpenza

Emil Mpenza (fr. Eka Basunga Lokonda Émile Mpenza; 4 iyul 1978[1][2][…], Brüssel) — hücumçu mövqeyində çıxış etmiş Konqo əsilli Belçika futbolçusu, Belçika milli futbol komandasının keçmiş üzvü.

Emil Mpenza
fr. Émile Mpenza
Ümumi məlumatlar
Tam adı fr. Eka Basunga Lokonda Émile Mpenza
Doğum tarixi 4 iyul 1978(1978-07-04)[1][2][…] (46 yaş)
Doğum yeri
Vətəndaşlığı
Boyu 177
Çəkisi 75 kq
Mövqeyi hücumçu
Klub haqqında məlumat
Klub klubsuz
Karyerası
Klub karyerası[* 1]
1995—1996 Belçika Kortreyk 32 (5)
1996—1997 Belçika Muskron 31 (12)
1997—1999 Belçika Standard Lyej 46 (20)
2000—2003 Almaniya Şalke 04 79 (28)
2003—2004 Belçika Standard Lyej 28 (21)
2004—2006 Almaniya Hambuq 36 (5)
2006—2007 Qətər Əl-Rəyyan 19 (9)
2007—2008 İngiltərə Mançester Siti 25 (5)
2008—2009 İngiltərə Plimut Arqayl 9 (2)
2009—2010 İsveçrə Sion 31 (21)
2010—2012 Azərbaycan Neftçi 31 (6)
2013—2014 Belçika Endraxt Alst 0 (0)
Milli yığma[* 2]
1995—1996 Belçika Belçika (18 yaşlılar) 7 (6)
1995 BelçikaBelçika (19 yaşlılar) 4 (0)
1996 Belçika Belçika (21 yaşlılar) 3 (0)
1997—2009 Belçika Belçika 57 (19)
  1. ↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.
  2. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı.

Həyatı

[redaktə | mənbəni redaktə et]

Klub karyerası

[redaktə | mənbəni redaktə et]

Mpenza peşəkar karyerasını 1995-ci ildə qardaşı Mbonun da çıxış etdiyi Belçikanın "Kortreyk" komandasında başlayıb. Burada bir mövsüm ərzində 32 oyun keçirib, 5 qol vurub. 1996-cı ildə qardaşı ilə birlikdə "Muskron", 1997-ci ildə isə "Standard Lyej" komandasına keçib. 2000-ci ildə qardaşı ilə yolları ayrılıb — Emil Almaniyanın "Şalke 04", Mbo isə Portuqaliyanın "Sportinq Lissabon" komandasına transfer olunub.

Üç il Gelzenkirxen təmsilçisinin heyətində çıxış etdikdən sonra, yenidən "Standard Lyej"ə qayıdıb. Burada bir mövsüm çıxış etdikdən sonra, 2.5 milyon avro qarşılığında Almaniyanın "Hamburq" komandasına keçib. 2006-cı ilin yanvarında Qətərin "Əl-Rəyyan" komandasına transfer olunub.

14 fevral 2007-ci ildə İngiltərənin "Mançester Siti" komandasına keçib.[3][4] Yeni komandasında ilk rəsmi oyununu 3 mart 2007-ci ildə "Uiqan Atletik"ə qarşı keçirib.[5] "Mançester Siti"nin heyətində İlk qolunu 17 mart 2007-ci ildə "Midlsbro"nun,[6][7] ikinci qolunu isə 30 mart 2007-ci ildə "Nyukasl Yunayted"in qapısından keçirib.[8]

2 sentyabr 2008-ci ildə Çempionşip təmsilçisi "Plimut Arqayl" ilə 1 illik müqavilə bağlayıb.[9] 13 sentyabr 2008-ci ildə "Norviç Siti" ilə oynanılan görüşdə yeni komandasında debüt edib. "Plimut Arqayl"ın heyətində ilk qolunu 8 noyabr 2008-ci ildə "Çarlton Atletik"in qapısından keçirib.[10]

2009-cu ildə İsveçrənin "Sion" komandası ilə bir illik müqavilə bağlayıb. Burada bir mövsüm keçirən Mpenza, 31 oyun keçirib, 21 qol vurub.

4 avqust 2010-cu ildə Azərbaycanın "Neftçi" komandası ilə üç illik müqavilə bağlayıb.[11] Bakı təmsilçisinin heyətində 31 oyun keçirib, 6 qol vuran Mpenza, 2012-ci ilin yanvarında komandanı tərk edib.[12][13]

"Neftçi" klubu Mpenzanın klubun düşərgəsini özbaşına tərk etməsini əsas gətirərək, 21 fevral 2012-ci ildə futbolçu ilə imzalanmış müqaviləyə birtərəfli qaydada xitam verib. 2012-ci il martın 13-də "Neftçi" FİFA qarşısında futbolçunun klubu tərk etməsi ilə bağlı rəsmi iddia qaldırıb. Mpenza da öz növbəsində FİFA qarşısında əks-iddia qaldıraraq, klubdan təzminat tələb edib.

Üç il müddətində davam etmiş araşdırmalardan sonra — 21 yanvar 2015-ci ildə FİFA Mpenzanın xeyrinə qərar çıxarıb. Bu qərarla əlaqədar 15 iyul 2015-ci ildə "Neftçi" İdman Arbitraj Məhkəməsinə Apellyasiya müraciəti ünvanlasa da, qərar qüvvədə saxlanılıb. Belçikalı hücumçuya ödəniş gecikmə faizləri və məhkəmə borcları ilə birgə 1,1 milyon dollar təşkil edib. Bu məbləğ 5 hissəyə bölünüb və 2016-cı ilin sonunadək müvafiq hesaba köçürülüb.[14][15]

Mpenza 2013-cü ildə Belçikanın "Endraxt Alst" komandasına keçsə də, burada rəsmi görüşlərdə debüt etmədən futbolçu karyerasını bitirib.

Milli karyerası

[redaktə | mənbəni redaktə et]

Mpenza 1997–2009-cu illər aralığında formasını geyindiyi Belçika milli futbol komandasının heyətində ümumilikdə 57 oyun keçirib, 19 qol vurub. O, Belçika millisinin heyətində 1998 FİFA Dünya Kubokunun və Avro 2000-nin iştirakçısı olub.

Mükafatları

[redaktə | mənbəni redaktə et]
Almaniya Şalke 04
  • Futbol üzrə Almaniya Kuboku: 2000/01, 2001/02
Almaniya Hamburq
Azərbaycan Neftçi

İstinadlar

[redaktə | mənbəni redaktə et]
  1. ↑ 1 2 Emile Mpenza // Transfermarkt (çd.). 2000.
  2. ↑ 1 2 Émile Mpenza // FBref.com (çd.).
  3. ↑ "Man City set to seal Mpenza deal". ESPN FC. 15 February 2007. 22 January 2018 tarixində arxivləşdirilib. İstifadə tarixi: 17 September 2014.
  4. ↑ "Man City complete Mpenza signing". BBC Sport. British Broadcasting Corporation. 16 February 2007. 2 October 2020 tarixində arxivləşdirilib. İstifadə tarixi: 17 September 2014.
  5. ↑ May, John. "Man City 0–1 Wigan". BBC Sport. British Broadcasting Corporation. 3 March 2007. 27 January 2021 tarixində arxivləşdirilib. İstifadə tarixi: 17 September 2014.
  6. ↑ "Premiership clockwatch". BBC Sport. British Broadcasting Corporation. 17 March 2007. 21 January 2021 tarixində arxivləşdirilib. İstifadə tarixi: 17 September 2014.
  7. ↑ Stewart, Rob. "City still not united as Distin snaps at Dunne". The Daily Telegraph. 19 March 2007. 1 July 2020 tarixində arxivləşdirilib. İstifadə tarixi: 17 September 2014.
  8. ↑ "Mpenza eases City's relegation fears". Independent Online (South Africa). 31 March 2007. İstifadə tarixi: 17 September 2014.
  9. ↑ "Mpenza pens deal". Plymouth Argyle FC. 2 September 2008. 12 September 2008 tarixində orijinalından arxivləşdirilib. İstifadə tarixi: 2 September 2008.
  10. ↑ "Plymouth 2–2 Charlton". BBC. 8 November 2008. 8 July 2023 tarixində arxivləşdirilib. İstifadə tarixi: 26 October 2009.
  11. ↑ "Ex-Schalke Emile Mpenza changes to Azerbaijan". Goal.com. 29 October 2020 tarixində arxivləşdirilib. İstifadə tarixi: 26 November 2013.
  12. ↑ "Emile Mpenza de retour au Standard?" (French). RTL Sport. 3 January 2012. 3 December 2013 tarixində arxivləşdirilib. İstifadə tarixi: 9 March 2012.
  13. ↑ Aliyev, Elmir. "Belgian footballer Emile Mpenza leaves Neftchi". News.az. 20 yanvar 2012. 2 dekabr 2013 tarixində orijinalından arxivləşdirilib. İstifadə tarixi: 9 mart 2012.
  14. ↑ "ФИФА пригрозила Нефтчи: Выплатите Мпензе миллион евро или клуб ждут санкции!". azerifootball.com (rus). Azerifootball. 18 June 2015. 26 January 2021 tarixində arxivləşdirilib. İstifadə tarixi: 18 June 2015.
  15. ↑ ""Neftçi"dən bütün Avropaya səs salan ulduz transferi" (az.). Sportinfo.az. 2020-07-03 tarixində arxivləşdirilib. İstifadə tarixi: 2020-07-01.

Xarici keçidlər

[redaktə | mənbəni redaktə et]