Ermənistan Respublikası Mərkəzi Bankı

Ermənistan Respublikasının Mərkəzi Bankı (erm. Հայաստանի Հանրապետության Կենտրոնական Բանկ) — Ermənistannın mərkəzi bank funkiysaını yerinə yetirən qurum. Ermənistan Respublikasında yeganə təsisçisi olan, hüquqi şəxs, bank tənzimlənməsi və bank nəzarəti orqanıdır.

Ermənistan Respublikasının Mərkəzi Bankı
Yerləşməsi
40°10′33″ şm. e. 44°30′37″ ş. u.HGYO
Ölkə	Ermənistan
Ünvan	İrəvan, Ermənistan
Ümumi məlumatlar
Yaranma tarixi	27 aprel 1993
Valyuta	Ermənistan dramı
Digər məlumatlar
Saytı	www.cba.am
Vikianbarda əlaqəli mediafayllar

Mərkəzi bankiın əsasən hədəfi ölkədə qiymətlərin stabil qalmasını təmin etməkdir. Əsas vəzifələri Ermənistan Respublikasının bank sisteminin sabitliyinə, likvidliyinə, ödəmə qabiliyyətinə və normal fəaliyyətinə zəruri şəraitin yaradılması və səmərəli ödəniş-hesablaşma sisteminin təşkili və inkişafıdır. Mərkəzi Bank öz səlahiyyətlərini həyata keçirərkən icra hakimiyyətindən asılı deyildir.

Mərkəzi Bankın sədri Mərkəzi Bankın ən yüksək vəzifəli şəxsidir. O, Ermənistan Respublikasının Prezidentiinin təklifi ilə altı il müddətinə Ermənistan parlamenti tərəfindən təyin edilir. Ermənistan Respublikasının Prezidenti tərəfindən Mərkəzi Bankın sədr müavinləri 6 il müddətinə, Mərkəzi Bankın İdarə Heyətinin üzvlərinə beş il müddətinə təyin edilir.

Ermənistan Respublikasının Mərkəzi Bankının sədri 2008-ci ilin iyun ayından — Artur Cavadyan.

Ermənistan Respublikasının Mərkəzi Bankının sədr müavinləri — Nerses Erisyan, Vaxtanq Abramyan.

Ermənistan Respublikasının Mərkəzi Bankının idarə heyətinin üzvləri — Oleq Aqasyan, Aşot Mkrtçyan, Artur Stepanyan, Armenak Darbinyan, Arxadiy Xaçatıryan.

Mərkəzi Bank Ermənistan Respublikasının Konstitusiyasına və qanunlarına uyğun olaraq fəaliyyət göstərir. Mərkəzi Bank "Ermənistan Respublikası Mərkəzi Bankı haqqında" qanuna əsasən açağıdakı məqsədləri qarşıya qoyur^[1]:

• pul dövriyyəsini təşkil edir və tənzimləyir, Ermənistan Respublikasının valyutasını buraxır;
• Hökumətə bank xidmətləri göstərir;
• Hökumətə maliyyə agenti və məsləhətçisi funksiyasını yerinə yetirir;
• bankları lisenziyalaşdırır və qanunla nəzərdə tutulmuş hallarda digər şəxslərin öz fəaliyyətlərini tənzimləyir və nəzarət edirlər;
• kreditor kimi banklara kredit verir;
• pul sisteminin fəaliyyətini tənzimləyir və nəzarət edir
• Ermənistan Respublikasının beynəlxalq ehtiyatlarının sahibdir, onu istifadə edir və idarə edir.

Ermənistan Mərkəzi Bankı plastik kart ödənişləri üçün milli ödəniş sisteminin təsisçisidir.

• Ermənistan iqtisadiyyatı
• Ermənistan dramı

• Ermənistan Respublikasının Mərkəzi Bankının saytı  (ing.)