Four Roses

Four Roses — Kentukki ştatının Lourensberq şəhərində istehsal olunan burbon viskisi brendi. Onun istehsal olunduğu zavod 1910-cu ildə tikilib və Old Prentice Distillery adı ilə ABŞ-ın Tarixi Yerlərinin Milli Reyestrinə salınıb. Şirkətin yaşlandırma və qablaşdırma əməliyyatları üçün nəzərdə tutulmuş anbarı Kentukki ştatının Koks-Krik şəhərindədir. Brend və onun məhsulları şirkətin 19-cu əsrin sonlarında yarandığı gündən bəri, xüsusən də firmanın 21-ci əsrin əvvəllərində Yaponiyanın Kirin Brewery Company şirkəti tərəfindən satın alınmasından sonra təkamül keçirmiş və dəyişmişdir.[1]

Four Roses
Növü Burbon viskisi
İstehsalçı Four Roses Distillery LLC (Kirin)
Mənşəsi
Yaradıldığı il 1910
fourroses.us
Vikianbarın loqosu Vikianbarda əlaqəli mediafayllar

Tarixi

[redaktə | mənbəni redaktə et]

Brendin mənşəyi ilə bağlı şərhlər bir-biri ilə ziddiyyət təşkil edir.[2] Four Roses-in sahibi Kirin Breveri brendin qurucusu kimi Pol Cons-un adını çəkir.[2][3] Şirkət brendin adının 1888-ci ildə Cons tərəfindən ticarət nişanı olaraq qeydə alındığını və onun hələ 1860-cı illərdə istehsal olunduğunu və satıldığını iddia edib.[3] Başqa bir şərhdə isə təsisçinin Rufus Metyuson Rouz (ing. Rufus Mathewson Rose) olduğu və brendin, ehtimal ki, Rufus Rouz, qardaşı Origen Rouz və iki oğlunun şərəfinə adlandırıldığı güman edilir.[4] Şirkətin saytında isə Rouz soyadlı heç kimin adı çəkilmir.

1943-cü ildə Four Roses brendi Kanadanın Seagram firması tərəfindən satın alındı. Seagram təxminən 1950-ci illərin sonlarında əsas məhsulu olan qarışıq viskinin tanıdılması üçün Four Roses-in ABŞ-dakı satışını dayandırdı. Buna baxmayaraq, firma 1960 və 1970-ci illərdə Benchmark və Eagle Rare kimi başqa premium burbon viskisi brendlərini təqdim etdi.[5] ABŞ bazarından çıxarıldıqdan sonra Four Roses burbonunun satışı o dövrdə sürətlə böyüyən bazarlar olan Avropa və Asiyaya yönəldildi. Sözügedən dövrdə ABŞ-də "Four Roses" adından firmanın daha aşağı səviyyəli bir brendi olaraq görülən qarışıq viski üçün istifadə edilmişdir.[6][7] 1995-ci ildən sonra Four Roses ABŞ bazarında yenidən düz burbon viskisi kimi mövcud olmaya davam etdi.[8] 1999-cu ildə Four Roses brendinin mülkiyyəti Seagram-dan Vivendi/Universal-a, daha sonra isə 2001-ci ildə Pernod Ricard və ardınca Diageo-ya keçdi. Brend 2002-ci ildə The Kirin Brewery tərəfindən satın alındı və şirkəti diqqəti yalnız Four Roses brendli düz burbona ayırmaq üçün qarışıq viski satışını dayandırdı.

2019-cu ilin aprel ayında Four Roses zavodlarında 2015-ci ildən başlamış 55 milyon dollar dəyərindəki genişləndirmə layihəsi başa çatdı. Layihənin tamalanması firmanın yeni məhsulu olan "Kiçik Batch Select" brendinin buraxılışı ilə üst-üstə düşdü. Bu brend son 12 ildə içki zavodunun burbon istehsal xəttinə edilmiş ilk daimi əlavə idi.[9][10] Layihədə Lourensburqdakı spirt zavoduna 34 milyon dollar, Koks-Krikdəki anbar və şüşələnmə obyektinə isə 21 milyon dollar sərmayə qoyulmuşdur.[9] Aparılan genişləndirmə nəticəsində zavodun istehsal gücü iki dəfə artmışdır.[9][11]

Məhsullar

[redaktə | mənbəni redaktə et]

Şirkət əvvəlcə ayrı-ayrı on ədəd burbon istehsal edir və daha sonra Four Roses damıtma zavodunda bu on burbon qarışdırılaraq brendin standart burbonu hazırlanır. Brendin müntəzəm istehsal edilən əsas qablaşdırmaları bunlardır:

  • Four Roses Bourbon: ABŞ, Kanada, Avropa və Yaponiyada satılır[12]
  • Four Roses Small Batch: ABŞ, Kanada və Avropada satılır[12]
  • Four Roses Single Barrel:ABŞ, Kanada, Avropa və Yaponiyada satılır[12]
  • Four Roses Small Batch Select:ABŞ və Kanadada satılır[12]
  • Four Roses Black: Yaponiyada satılır[12]
  • Four Roses Super Premium: Yaponiyada satılır[12]

Şirkət həmçinin məhdud saylı xüsusi xatirə buraxılışları da istehsal edir.[12]

Mükafat və uğurlar

[redaktə | mənbəni redaktə et]
  • Four Roses Small Batch
    • Dünya Viski Müfakatları 2019 – Qızıl Medal – Dad[7]
    • "Whiskey Magazine" redaktorunun seçimi, avqust-sentyabr 2015[10]
  • Four Roses Single Barrel
    • World Whiskys Awards 2019 – Qızıl Medal – Dad[11]
  • Four Roses 130th Anniversary 2018 Limited Edition Small Batch
    • Dünya Viski Mükafatları 2019 – "Dünyanın ən yaxşı burbonu" və "Ən yaxşı kentukki burbonu"[13][14][15]

Həmçinin bax

[redaktə | mənbəni redaktə et]

İstinadlar

[redaktə | mənbəni redaktə et]
  1. ↑ "The History". Four Roses bourbon official website (ingilis). December 31, 2018 tarixində arxivləşdirilib. İstifadə tarixi: August 21, 2019.
  2. ↑ 1 2 Lipman, John. "The Four Roses Distillery". American Whiskey (ingilis). October 22, 2009 tarixində arxivləşdirilib. İstifadə tarixi: October 23, 2009.
  3. ↑ 1 2 Four Roses Bourbon History Arxivləşdirilib 2018-12-31 at the Wayback Machine page on Four Roses brand website. (en)
  4. ↑ Atlanta Urban Design Commission. "Rufus M. Rose House" (ingilis). May 8, 2016 tarixində arxivləşdirilib. İstifadə tarixi: November 5, 2015.
  5. ↑ "Frequently Asked Questions". Four Roses bourbon official website (ingilis). January 26, 2020 tarixində orijinalından arxivləşdirilib. İstifadə tarixi: October 11, 2013.
  6. ↑ Risen, Clay. "Domestic Whiskey's Best Kept Secret". The Atlantic. May 7, 2009. İstifadə tarixi: August 21, 2019.
  7. ↑ 1 2 Pyle, Jason. "The Four Roses Story". Sour Mash Manifesto (ingilis). February 15, 2011. December 7, 2018 tarixində arxivləşdirilib. İstifadə tarixi: August 21, 2019.
  8. ↑ Waymack, Mark H.; Harris, James F. The Book of Classic American Whiskeys (ingilis). 1995. səh. 149. ISBN 0812693051. OL 784496M. 2022-03-11 tarixində arxivləşdirilib. İstifadə tarixi: 2024-09-04. Four Roses is quite difficult to obtain in the U.S. So far, we haven't been able to get our hands on any Four Roses...With any luck, [it] will reappear in the domestic market.
  9. ↑ 1 2 3 Schreiner, Bruce. "Four Roses eyes expanded US sales with distillery expansion". Fox Business (ingilis). Associated Press. April 16, 2019. İstifadə tarixi: September 17, 2019.
  10. ↑ 1 2 Micaleffe, Joseph V. "Four Roses Small Batch Select Is A Must Try Addition To The Distillery's Core Range". Forbes (ingilis). June 8, 2019. November 19, 2019 tarixində arxivləşdirilib. İstifadə tarixi: September 18, 2019.
  11. ↑ 1 2 Havens, Sara. "Four Roses reopens distillery after $34 million expansion and celebrates release of Small Batch Select". Insider Louisville (ingilis). April 16, 2019. İstifadə tarixi: September 18, 2019.[ölü keçid]
  12. ↑ 1 2 3 4 5 6 7 "The Bourbons". Four Roses bourbon official website (ingilis). August 3, 2019 tarixində arxivləşdirilib. İstifadə tarixi: August 3, 2019.
  13. ↑ "APA Division 51: About Us: Division Awards" (ingilis). 2012. doi:10.1037/e670562012-001.
  14. ↑ "World Whiskies Awards 2019 – Winners – Best Kentucky Bourbon". World Whiskies Awards (ingilis). İstifadə tarixi: 2019-09-19.
  15. ↑ "World Whiskies Awards 2019 – Winners – World's Best Bourbon". World Whiskies Awards (ingilis). İstifadə tarixi: 2019-09-19.

Xarici keçidlər

[redaktə | mənbəni redaktə et]