Fransa Qran-prisi

Fransa Qran-prisi - Formula 1 avtomobil yarışları dünya çempionatının mərhələlərindən biri.

Fransa Qran-prisi ən qədim avtomobil yarışlarındandır. Hələ XIX əsrin 90-cı illərindən etibarən keçirilməyə başlamışdır. Ancaq Fransa Qran-prisi adı ilə ilk yarış 1906-cı ildə Le-Man şəhəri yaxınlığında keçirilir.

1950-ci ildən etibarən Fransa Qran-prisi dünya çempionatının təqviminə daxil edilir. Yarışların keçirilməsi səlahiyəti Fransa Avtomobil Klubuna (F.A.K.) verilir. Bu klub buna qədərdə avtomobil yarışları keçirirdi. 1911-ci ildə Sarta avtomobil klubu F.A.K.-nın razılığı ilə Fransa Qran-prisi adı ilə yarış keçirir və bu yarış F.A.K. Qran-prisi ilə paralel təşkil edilməyə başlayır. 1950-1968-ci illər arasında Formula 1 üzrə dünya çempionatına daxil olan Fransadakı yarışlar "A.F.C Grand Prix" adlanırdı. Və yalnız yarışların keçirilmə hüququnun Fransa Avtomobil İdmanı Federasiyasına (FAİF) verildikdən sonra qran-pri hal-hazırkı adını aldı.

1955-ci il istisna olmaqlar 2008-ci ilədək Fransa Qran-prisi fasiləsiz keçirilirdi. Ancaq 2008-ci ildə yarış təqvimdən çıxarıldı. 10 illik fasilədən sonra Formula 1 üzrə dünya çempionatının etaplarından biri yenidən Franada təşkil olunmağa başladı.

Fransa qran-prisinin keçirildiyi tras bir neçə dəfə dəyişdirilib. 1950-1960-cı illərdə Reyms-Qu, 1952-1968 illəri aralığında Ruan, 1965-1972-ci illərdə Klermon-Ferran, 1967-ci ildə Le-Man, 1974-1984-cü illĕr aralığında Dijon, 1991-2008-ci illərdə Mani-Kur traslarından istifadə edilmişdir. Hal-hazırda istismar olunan Pol-Rikar trasında yarışlar 1971-ci ildən aparılır.

Yarış 53 halqadan ibarətdir. Halqanın uzunluğu 5842 metrdir.

Pilotlar

Qaliblər	Pilotlar	İl
8	Mihael Şumaxer	1994, 1995, 1997, 1998, 2001, 2002, 2004, 2006
6	Alen Prost	1981, 1983, 1988, 1989, 1990, 1993
4	Xuan-Manuel-Fanxio	1950, 1951, 1954, 1957
	Naycel Mensell	1986, 1987, 1991, 1992
3	Cek Brebem	1960, 1966, 1967
	Ceki Stüart	1969, 1971,1972
2	Mayk Hotorn	1953, 1958
	Den Henri	1962, 1964
	Cim Klark	1963, 1965
	Ronni Peterson	1973,1974
	Mario Andretti	1977, 1978
	Niki Lauda	1975, 1984

Komandalar

Qələbə sayı	Komanda	İl
17	Ferrari	1952, 1953, 1956, 1958, 1959,1961, 1968, 1975, 1990, 1997, 1998, 2001, 2002, 2004, 2006, 2007, 2008
8	Williams	1980, 1986, 1987, 1991, 1992, 1993, 1996, 2003
7	Lotus	1963,1965,1970, 1973, 1974, 1977, 1978
6	Renault	1906, 1979, 1980, 1981, 1982, 1983, 2005
	Mercedes	1908, 1914, 1935, 1938, 1954, 2018
	Alfa Romeo	1924, 1932, 1934, 1948, 1950, 1951
	Bugatti	1926, 1928, 1929, 1930, 1931, 1936
5	McLaren	1976, 1984, 1988, 1989, 2000
4	Brabham	1964, 1966, 1967, 1985
2	Fiat	1907, 1922
	Peugeot	1912, 1913
	Delage	1925, 1927
	Maserati	1933, 1957
	Talbot-Lago	1947, 1949
	Tyrrell	1971, 1972
	Benetton	1994, 1995

• "Grand-Prix-century - Telegraph"
• Official Website of the French Grand Prix Fransa Qran-prisinin rəsmi web səhifəsi

"Formula-1" Qran-pri siyahısı