Frida (film, 2002)

Frida (ing. Frida) — Salma Hayekin oynadığı Meksika rəssamı Frida Kahlonun həyatından bəhs edən bioqrafik dram filmi. 2002-ci ildə "Frida" iki Oskar mükafatı qazanmışdır.

Frida
ing. Frida
Janr	Macəra filmi
Əsas mövzu	Frida Kahlo
Rejissor	Culi Teymor
Prodüserlər	Salma Hayek
Ssenari müəllifi	Klensi Siqal
Baş rollarda	Salma Hayek Alfred Molina Antonio Banderas Valeria Golino Eşli Cadd Mia Maestro Edvaed Norton Ceffri Raş
Operator	Rassel Karpenter
Bəstəkar	Elliot Goldenthal
İstehsalçı	Miramax Films
Distribütor	UIP-Dunafilm[d], Netflix
İlk baxış tarixi	5 dekabr 1940
Müddət	123 dəqiqə
Büdcə	$12 milyon
Gəlir	$56,298,474[1]
Ölkələr	Kanada ABŞ Meksika
Dil	İngilis dili
İl	2002
Rəng	rəngli
Çəkiliş yeri	Meksika
IMDb	ID0120679
Mükafatları

1922-ci ildə 18 yaşında Frida taxta gövdəli avtobusda olarkən avtobus tramvay ilə toqquşur. Metal çubuq onun bədəninə sancılır və aldığı yaralar həyatı boyu onun üçün ağrı mənbəyi olur. Başını qatması və bir az özünü xoşbəxt hiss etməsi məqsədiylə atası ona yataqda rəsm çəkməsi üçün tuval verir.

Bir müddətdən sonra gəzmək qabiliyyətini geri qazanan Frida əsa ilə normal yeriməyə başlayır. Yaşadıqları üzündən ruhdan düşməyən Frida əsərlərini Dieqo Riveraya apararaq bunları qiymətləndirməsini istəyir. Dieqo Fridanın əsərləri çox bəyənir və ikisi arasında sevgi hissi yaranır. Dieqo Fridaya evlilik təklif edəndə Frida ondan ömür boyu sədaqət tələb edir. Ancaq evlilikləri boyunca Dieqonun bir çox qadınla əlaqəsi olur. Biseksual olan Fridanın da bir çox qadın və kişi ilə əlaqəsi olur. Hətta o, bir dəfə Dieqo ilə sevgi macərası yaşayan bir qadınla da əlaqədə olur.

Cütlük divar rəsmləri çəkmək təklifini qəbul edərək 1934-cü ildə Nyu-Yorka köçürlər. Frida ABŞ-də yaşayarkən uşağını doğmadan itirir, bunun ardınca isə anasının ölüm xəbərini alır və Meksikaya yola düşür. Kommunist olan Dieqo divarlarda kommunist ideyalarını təsvir edir. Dieqodan bunları dəyişdirməsi istənilsə də, ideologiyasına sadiq qalan Dieqo bundan imtina edir. Buna görə də rəsmlər dağıdılır. Bundan sonra cütlük Meksikaya geri dönür.

Fridanın xaç atasının qızı Kristina Dieqoya işlərində kömək etmək üçün Fridanın evinə köçür. Qısa müddətdə sonra Frida Kristina ilə Dieqo arasında gizli eşq olduğunu kəşf edir. Buna görə Dieqonu tərk edir və ailəsinin yanına köçür. Orada alkoqolizmə qurşanır. Cütlük yenidən bir bayramda görüşür və münasibətləri düzəlir. Dieqo siyasi düşüncələri üzündən təqiblərə məruz qalan dostu Lev Trotki və onun arvadının evlərində qalası üçün Fridanı razı salır. Gəzinti sırasında Lev Trotki Fridanın əsərlərinə vurğunluğunu açıqlayır və ikisi arasında gizli sevgi yaranır. Ancaq Levin arvadı bundan xəbər tutur və ərini Fridanın evini tərk etməyə məbur edir. Təhlükəsiz evdən çıxan Lev sui-qəsd nəticəsində öldürülür. Polis bu cinayətdə Dieqonu təqsirkar bilir və onu axtarmağa başlayır. Onu tapa bilməyən polislər Fridadan onun yerini soruşduqda Frida Dieqonun yerini bilmədiyini deyir. Fridaya təzyiq göstərmək məqsədiylə onu qısamüddətli həbs edirlər. Frida həbsxanada olanda Kristina onu ziyarət edir və onlar barışırlar.

Sonrakı gedişatda həkim Fridanın ayaq barmağının qanqren olduğunu görür və onu amputasiya edir. Dieqo Fridaya yenidən evlilik təklifi edir, Frida isə qəbul edir. Fridanın səhhəti get-gedə daha da pisləşir və bu dəfə ayağı amputasiya olunur. 1953-cü ildə Frida yatağı ilə öz sərgisində iştirak edə bilməsi üçün muzeyə daşınır.

Film Fridanın yatağında alovlar tərəfində məhv edilərkən olan təsviri ilə başa çatır.

• Archives of the Official site
• Frida — Internet Movie Database saytında.