Hans Morqentau

Hans İoaxim Morgentau (17 fevral 1904^[1], Koburq – 19 iyul 1980^[1], Nyu-York, Nyu-York ştatı) — alman əsilli amerika siyasətçisi və tarixçisi.

Həyatı[redaktə | mənbəni redaktə et]

Hans Morgentau təhsilini Berlin, Frankfurt və Münhen Universitetlərində almış və bir müddət Almaniyanın hüquq sistemində çalışmışdır. 1932-ci ildə hüquqdan bir illik mühazirələr oxumaq üçün Cenevrəyə gedən Morgentau Almaniyada Hitlerin hakimiyyətə gəlməsi səbəbindən vətəninə geri qayıda bilməmiş, Cenevrədə qalmağa məcbur olmuşdur. 1935–1936-cı illərdə Madriddə dərs deyən Morgentau 1937-ci ildə Birləşmiş Ştatlara köçmüş və 1943-cü ildə naturalizasiya olmuşdur. Morgentau ABŞ-də Bruklin kollecində, Missuri və Çikaqo Universitetlərində və digər ali təhsil müəssisələrində dərs demişdir.

1948-ci ildə Morgentau indi Beynəlxalq münasibətlər nəzəriyyəsində klassika hesab edilən Beynəlxalq Siyasət kitabını çap etdirmişdir. Bu kitab BM nəzəriyyəsində Siyasi realizmin əsasını qoymuşdur.

Əsərləri[redaktə | mənbəni redaktə et]

Morgentaunun digər məşhur əsərləri aşağıdakılardır:

• Elmi insan güc siyasətinə qarşı (1946)
• Milli marağın müdafiəsinə (1951)
• Siyasətin dilemmaları (1958)
• Amerikan siyasətinin məqsədi (1960)
• İyirminci yüzillikdə siyasət (1962)
• Həqiqət və Güc (1970)

İstinadlar[redaktə | mənbəni redaktə et]