JOWST

Yoakim Uid Stin (norv. Joakim With Steen; d. 26 iyun 1989, Tronheym, Norveç) və ya səhnə adı ilə JOWST — Norveç musiqiçisi, prodüseri və bəstəkarı. O, 2017 Avroviziya Mahnı Müsabiqəsində Norveçi təmsil etmiş və ölkəyə finalda 10-cu yeri qazandırmışdır.

JOWST
JOWST Aleksander Valmann ilə birlikdə mətbuat konfransında
Ümumi məlumatlar
Doğum adı	Yoakim Uid Stin norv. Joakim With Steen
Ləqəbi	JOWST
Doğum tarixi	26 iyun 1989 (35 yaş)
Doğum yeri	Tronheym, Norveç
Vətəndaşlığı	Norveç
Musiqiçi məlumatları
Fəaliyyəti	musiqiçi, prodüser, bəstəkar, müəllim
Fəaliyyət illəri	2011–h.h.
Janr	EDM Punk rok
Musiqi alətləri	sintezator, gitara, təbil
Albom şirkətləri	Three15 Records Red Line Records
Əlaqəsi	Aleksander Valmann
jowstmusic.com
Vikianbarda əlaqəli mediafayllar

Yoakim Uid Stin 26 iyun 1989-cu ildə Norveçin Tronheym şəhərində anadan olmuş və Tiller şəhərində böyümüşdür. Stin 14 yaşında ikən o ailəsi ilə birlikdə Steynxyer şəhərinə köçmüşdür. On beş yaşında o əsasən gitara, rok, mahnı yazmaq və qrup yaratmaq barədə düşünürdü. Stin ölkənin paytaxtı Osloda yerləşən Noroff institutunda səs və musiqi prodüserliyi ixtisası üzrə təhsil almışdır. O daha sonra həmin institutda təhsil aldığı ixtisas üzrə müəllimlik etmiş və mühazirələr oxumuşdur. O həmin zamanlarda həm də Fornebu şəhərində Earport Studiosda prodüser olaraq çalışırdı. Stin 2011-ci ildən etibarən Red Line Studioda səs mexaniki və prodüser kimi fəaliyyət göstərməyə başlamışdır. JOWST Norveçdə ən son hit mahnısı olan "Grab the Moment" və müxtəlif remiksləri ilə tanınır.

2017-ci ilin fevral ayında JOWST və Norveçli vokalist Aleksander Valmanın Norveçin NRK telekanalının Avroviziya 2017 üçün təşkil etdiyi Melodi Grand Prix 2017 müsabiqəsində iştirak edəcəyi öz təsdiqini tapmışdır. Stinin bəstələdiyi "Grab the Moment" mahnısı ilə çıxış edən JOWST və Aleksander nəticədə milli seçim turunda qalib gələrək, Norveçi Ukraynanın paytaxtı Kiyevdə keçirilən Avroviziya 2017-də təmsil etmək hüququ qazanmışdırlar^[1]. Uzun məşqlərdən sonra JOWST və Aleksander 11 may tarixində baş tutan müsabiqənin ikinci yarımfinal mərhələsində 12-ci nömrə altında səhnə almışdır. Nəticədə JOWST 187 xalla 5-ci yeri tutaraq, Avroviziya 2017-nin finalına yüksəlməyə nail olmuşdur. Duet finalda ümumi nəticədə 26 ölkə təmsilçisi arasında 158 xalla 10-cu yerdə qərarlaşmışdır.

• "Grab the Moment" (2017)
• "ThatFeeling" (2017)

Əvvəlki: Aqnete "Icebreaker"

Norveç Avroviziya Mahnı Müsabiqəsində 2017

Sonrakı: Aleksandr Rıbak "That's How You Write a Song"