Kambizin itmiş ordusu

Kambizin itmiş ordusunun qravür təsviri. XIX əsr.

Kambizin itmiş ordusu — e.ə. 524-cü ildə Qərb səhrasında baş verən qum fırtınasında yoxa çıxan 50,000 nəfərlik əfsanəvi İran ordusu.

Zəmin

[redaktə | mənbəni redaktə et]

Herodotun yazdıqlarına görə, II Kambiz Sivə vahəsində yerləşən Amon məbədini təhdid etmək üçün ora bir ordu göndərmişdi. 50,000 nəfərlik ordu səhranın yarı yolunda idi ki, böyük bir qum fırtınası onların hamısını məhv etdi. Ordudan heç bir qalıq və ya iz tapılmamışdı.[1][2]

Bir çox misirşünas bu hekayəni apokrif hesab etsə də, insanlar illərdir əsgərlərin qalıqlarını axtarırlar. Onlara qraf Laslo Almaşi ("İngilis pasiyent" romanının ona əsaslanmışdır) və müasir geoloq Tom Braun daxildir. 1933-cü ilin yanvarında Ord Çarlz Vinqeyt Misirin o vaxtlar Liviya səhrası kimi tanınan Qərb səhrasında uğursuz axtarışlar aparmışdır.[3]

İstinadlar

[redaktə | mənbəni redaktə et]
  1. ↑ Godwin, William. Lives of the Necromancers. London: Chatto and Windus. 1834. səh. 32.
  2. ↑ Herodotus. Godley, A.D. (redaktor). The Histories 3.26.1-3. Cambridge: Harvard University Press. 1920. March 7, 2023 tarixində arxivləşdirilib. İstifadə tarixi: February 19, 2023.
  3. ↑ Rooney, David. Wingate and the Chindits: Redressing the Balance. London: Cassell Military Paperbacks. 2000. 256. ISBN 0-304-35452-X. 2022-07-04 tarixində arxivləşdirilib. İstifadə tarixi: 2023-05-25.