Kiro Qliqorov

Kiro Qliqorov^[1] (mak. Киро Глигоров; d. 3 may 1917, İştip, Serbiya Krallığı - ö. 1 yanvar 2012, Skopye, Makedoniya) — Makedon siyasətçi; Makedoniyada demokratik seçkilərlə hakimiyyətə gəlmiş ilk prezident.

3 may 1917-ci ildə İştipdə anadan olmuşdur^[2].

Belqrad Universitetinin Hüquq fakültəsini bitirmişdir^[2].

Keçmiş Yuqoslaviya Kommunist Partiyasının üzvü olaraq federal səviyyədə müxtəlif vəzifələrdə çalışmış Qliqorov, 1974-1978-ci illərdə parlament spikeri vəzifəsini icra etmişdir^[2].

1990-cı ilin dekabrında Makedoniya Parlamenti tərəfindən prezident seçilmiş, demokratik seçkilərlə 27 yanvar 1991-ci ildə Makedoniya Respublikasının ilk prezidenti olmuşdur^[2].

1994-cü ildə ikinci dəfə prezident seçilmişdir.

1990-cı illərdə Balkanları əhatə edən döyüşlərdən ölkəsini uzaq tutmaq istəyən Qliqorov 1995-ci ilin oktyabrın 3-də öz evindən igamətgahına kedərkən, avtomobilinə bombalı hücum edilmişdir. Nəticədə sürücüsü həyatını itirmiş, özünün isə sağ gözündə davamlı görmə maneəsi meydana gəlmişdir^[2].

2000-ci ildə dünyanın ən yaşlı prezidenti kimi Ginnesin Rekordlar Kitabına düşmüşdür^[2].

1 yanvar 2012-ci ildə Skopyedə vəfat etmişdir. Skopyedəki aile məzarlığında dəfn edilmişdir^[2].

Ailəsinin istəyi ilə dövlət səviyyəsində rəsmi dəfn mərasimi keçirilməmişdir^[2]. Lakin ölkədə 1 günlük yas elan edilmişdir^[2].

•  Yuqoslaviya Yuqoslaviya Ulduzu ordeni^[3]
•  Yuqoslaviya Qızıl çələng ilə Qardaşlıq və Birlik ordeni
•  Yuqoslaviya Qırmızı bayraqlı Əmək ordeni^[4]
•  Rusiya "1941-1945-ci illər Böyük Vətən müharibəsində Qələbənin 65 illiyi" yubiley medalı^[5]

• Biography of Kiro Gligorov on the official website of the President of the Republic of Macedonia
• Biography of Kiro Gligorov