Lusi Cons

Lusi Betan Cons (ing. Lucie Bethan Jones; d. 20 mart 1991, Kardiff, Uels, Böyük Britaniya) və ya sadəcə Lusi Cons — Uels əsilli Böyük Britaniya müğənnisi, aktrisası və modeli. O Böyük Britaniyanı 2017 Avroviziya Mahnı Müsabiqəsində təmsil etmişdir.

Lusi Cons
ing. Lucie Jones
Lusi Cons 2017-ci ildə
Ümumi məlumatlar
Doğum adı	Lusi Betan Cons ing. Lucie Bethan Jones
Doğum tarixi	20 mart 1991 (33 yaş)
Doğum yeri	Kardiff, Uels
Vətəndaşlığı	Böyük Britaniya
Musiqiçi məlumatları
Fəaliyyəti	müğənni, aktrisa, model
Fəaliyyət illəri	2007–h.h.
Janr	Pop
Musiqi alətləri	piano
Vikianbarda əlaqəli mediafayllar

Lusi Cons 20 mart 1991-ci ildə Uelsin Kardiff şəhəri yaxınlığında olan kiçik bir kənddə anadan olmuşdur. Kiçik yaşlarından musiqiyə həvəsi olan Lusi Kardiffdə keçirilən konsert və festivallarda çıxış etmişdir.

2009-cu ildə Lusi Cons Böyük Britaniyanın The X Factor musiqi yarışmasının dinləmələrində iştirak etmişdir. İlk mərhələni uğurla adlayan ifaçı yarışma boyunca göstərdiyi yüksək səviyyəli ifalar sayəsində yarışmanın beşinci həftəsindək yüksələ bilmişdir. Beşinci həftədə isə Lusi Jedward qrupuna məğlub olmuşdur. Nəticələrin açıqlanmasının ardınca bir çox izləyici yayımçı telekanalı saxtakarlıqda ittiham etmişdir.

The X Factor muiqi yarışmasında iştirakını başa çatdırdıqdan sonra Lusi Cons bir müddət modelliklə məşğul olmağa başlamışdır. 2010-cu ilin may ayında Britaniyalı prodüser Kameron Makintoşun istəyi ilə Lusi "Səfillər" tamaşasında Kozetta obrazını canlandırmışdır. Daha sonra isə Lusi 2010-cu ildən 2017-ci ilədək bir çox tamaşa, film və teleseriallarda rol almışdır.

2017-ci ilin yanvar ayında Lusi Consun "Never Give Up on You" mahnısı ilə Böyük Britaniyanın BBC telekanalının Avroviziya üçün təşkil etdiyi milli seçim turunda iştirak edəcəyi öz təsdiqini tapmışdır. Onun mahnısı 2013 Avroviziya Mahnı Müsabiqəsinin qalibi Emmili de Forest tərəfindən bəstələnmişdir. Lusi həmin mahnı ilə seçim turunda qalib gələrək, Böyük Britaniyanı Ukraynanın paytaxtı Kiyevdə keçirilən Avroviziya 2017-də təmsil etmək hüququ qazanmışdır.^[1]

Böyük Britaniyanın "Böyük Beşlik" ölkələrindən biri olması səbəbi ilə Lusi birbaşa olaraq müsabiqənin final mərhələsindən mübarizəyə qoşulmuşdur. Finalda 18-ci səhnə alan ifaçı müsabiqədə 111 xalla 15-ci yeri tutmuşdur. Müsabiqədən sonra Britaniya mediasına verdiyi müsahibədə Lusi məyusedici nəticənin əsas səbəbinin Böyük Britaniyanın Avropa İttifaqından çıxışının olmasını söyləmişdir.^[2]

• "You'll Never Walk Alone" (2013)
• "Confidence Is Conscienceless" (2015)
• "The Ballad of Midsomer County" (2015)
• "Never Give Up on You" (2017)

Əvvəlki: Joe & Jake "You're Not Alone"

Böyük Britaniya Avroviziya Mahnı Müsabiqəsində 2017

Sonrakı: SuRie "Storm"