Mətin Kərimli
Mətin İmdad oğlu Kərimli (6 iyun 1979, Bakı) — Azərbaycan Respublikası Elm və Təhsil Nazirliyinin Aparat rəhbəri (2023–h.h.); Beynəlxalq Əmək Təşkilatının (BƏT) Sakit Okean hövzəsi ölkələri üzrə Ofisinin direktoru,[1] Azərbaycan Respublikası əmək və əhalinin sosial müdafiəsi nazirinin sabiq müavini.
| Mətin Kərimli | |
|---|---|
Vəzifədədir | |
| yanvar 2020-ci ildən | |
| 24 fevral 2014 – 31 dekabr 2019 | |
| Şəxsi məlumatlar | |
| Doğum tarixi | |
| Doğum yeri | Bakı, Azərbaycan SSR |
| Təhsili |
Harvard Universiteti, Dövlət idarəetməsi(magistr) Strasburq Universiteti, Avropa Elmləri (magistr) Bakı Dövlət Universiteti, Beynəlxalq Əlaqələr (bakalavr) |
| Fəaliyyəti | siyasətçi |
| Atası | İmdad Kərimov |
| Uşağı | üç övladı var. |
| Dini | İslam |
Həyatı
[redaktə | mənbəni redaktə et]Mətin İmdad oğlu Kərimli 6 iyun 1979-cu ildə Bakı şəhərində anadan olub. 1999-cu ildə Bakı Dövlət Universitetini beynəlxalq əlaqələr üzrə bakalavr dərəcəsi ilə bitirib. 2000–2001-ci illərdə Strasburq Universitetində (Fransa) Avropa elmləri üzrə fənlərarası diplom, 2001–2002-ci illərdə Avropa elmləri üzrə magistr dərəcəsi alıb. 2005-ci ilin may-iyul aylarında C.Marşal Avropa Elmləri Mərkəzində (Almaniya) Ali Təhlükəsizlik Elmləri üzrə Liderlər Proqramında təhsil alıb, 2006-cı ilin yanvar-avqust aylarında NATO Müdafiə Kollecində ali kursu bitirib. 2012-ci ildə Harvard Universitetini (ABŞ) dövlət idarəetməsi üzrə magistr dərəcəsi ilə bitirib, eləcə də dövlət siyasəti və idarəetməsi üzrə Meyson Proqramının Diplomunu alıb[2].
1998–1999-cu illərdə Azərbaycan Gənclər Təşkilatları Milli Şurasının vitse-prezidenti, 2003–2004-cü illərdə həqiqi hərbi xidmətdə olmuş, 2005–2008-ci illərdə Azərbaycan Xarici İşlər Nazirliyinin Təhlükəsizlik problemləri idarəsində referent, 2008–2009-cu illərdə NATO-nun Müdafiə siyasəti və planlaşdırma idarəsinin beynəlxalq katibliyində tərəfdaşlıq zabiti, 2009–2011-ci illərdə Azərbaycanın NATO yanında nümayəndəliyində ikinci katib, 2011-ci ilin mart-iyun aylarında Azərbaycan Xarici İşlər Nazirliyinin Təhlükəsizlik problemləri idarəsinin ikinci katibi vəzifələrində çalışıb[2].
2012-ci ilin iyun ayından 24 fevral 2014-cü ilə qədər isə Azərbaycan Respublikası Vergilər Nazirliyinin Beynəlxalq münasibətlər idarəsinin rəisi vəzifəsində işləmişdir[2].
24 fevral 2014-cü ildə Azərbaycan Respublikası Əmək və Əhalinin Sosial Müdafiəsi Nazirinin müavini təyin olunub.
2020-ci ilin yanvar ayından etibarən Beynəlxalq Əmək Təşkilatının (BƏT) Sakit Okean hövzəsi ölkələri üzrə Ofisinin Direktorudur. Mətin Kərimli BƏT sistemində belə yüksək vəzifədə işləyəcək ilk Azərbaycan vətəndaşıdır[1].
24 may 2023-cü il tarixdən Azərbaycan Respublikası Elm və Təhsil Nazirliyinin Aparat rəhbəri vəzifəsinə təyin edilmişdir.
İngilis, fransız, rus və ispan dillərini bilir[2].
Evlidir, 3 övladı var.
Həmçinin bax
[redaktə | mənbəni redaktə et]Mətin Kərimli Azərbaycan Respublikası Ali Məhkəməsinin sədri İnam Kərimovun qardaşıdır.
İstinadlar
[redaktə | mənbəni redaktə et]- ↑ 1 2 "Mətin Kərimli BƏT-də yüksək vəzifəyə təyin olunub — report.az saytı". 2022-04-21 tarixində arxivləşdirilib. İstifadə tarixi: 2020-02-18.
- ↑ 1 2 3 4 "Səlim Müslümova iki müavin təyin edildi — news.lent.az saytı". 2014-02-28 tarixində orijinalından arxivləşdirilib. İstifadə tarixi: 2014-02-25.