Maksim Planud (yun. Μάξιμος Πλανούδης; təq. 1260[1][2] və ya 1260[3], Nikomediya, Yalova ili – təq. 1305, Konstantinopol) — Bizans qrammatiki, riyaziyyatçısı, VIII Mixail Paleoloq və II Andronik Paleoloq dövründə yaşayıb-yaratmış ilahiyyatçı.
| Maksim Planud | |
|---|---|
| yun. Μάξιμος Πλανούδης | |
| Doğum tarixi | təq. 1260[1][2] və ya 1260[3] |
| Doğum yeri | |
| Vəfat tarixi | təq. 1305 |
| Vəfat yeri | |
Maksim Planud Vifiniyanın Nikomediya şəhərində anadan olmuş, lakin həyatının çox hissəsini Konstantinopolda keçirmişdir. 1287-ci ildə siyasi səhnəni tərk edərək rahib olmuş, özünü elmə və tədrisə həsr etmişdir. Təyin edildikdən sonra o, Manuil adını Maksim olaraq dəyişdirmişdir.
Planud Konstantinopolda imperator kitabxanasında zadəgan ailələrindən olan uşaqların təhsil almağa başladığı bir məktəb açmışdır. Məktəb humanitar elmləri dərindən öyrəndiyinə görə yaxşı reputasiya qazanmışdır. O zaman İtaliya Bizans imperiyası ilə kəskin rəqabət aparırdı. Latın dilini mükəmməl bilən Maksim Planud II Andronikin Genuya yaşayış məntəqələrindən birinə hücumuna etiraz etmək üçün Venesiyaya göndərdiyi elçilərdən biri seçilmişdir.