Milena Rudniskaya

Milena Rudniskaya (ukr. Мілена Іванівна Рудницька; 15 iyul 1892 – 29 mart 1976, Münhen) – Ukraynalı siyasi və ictimai xadim, jurnalist, müəllim, Ukrayna Milli Demokratik Birliyinin fəalı, Ukrayna Qadınları Birliyinin mərkəzi şurasının rəhbəri (1928-ci ildən). 1928-1935-ci illərdə ikinci və üçüncü kadastr Polşa Seyminin deputatı olmuşdur.

Milena Rudniskaya
ukr. Мілена Рудницька
Doğum tarixi 15 iyul 1892(1892-07-15)
Vəfat tarixi 29 mart 1976(1976-03-29) (83 yaşında)
Vəfat yeri
Dəfn yeri
  • Lıçakov qəbiristanlığı[d][1]
Vətəndaşlığı
Təhsili
Fəaliyyəti jurnalist, qadın hüquqları fəalı[d], siyasətçi, yazıçı
Vikianbarın loqosu Vikianbarda əlaqəli mediafayllar

1921-1928-ci illərdə bir məktəb müəllimi olaraq fəaliyyət göstərir, Lvovda Ali Pedaqoji Kurslarında müəllim işləyir. Lvovda Ukraynalılar İttifaqı Mərkəzi Şurasının sədri, 1934-cü ildə Stanislavovda (indiki İvano-Frankovsk) Ukrayna Qadınlar Konqresinin iştirakçısı, Ümumdünya Ukraynalılar Birliyinin və "Şahzadə Olqanın Drujinası" təşkilatının üzvü olur. Ukrayna Milli Demokratik Birliyinin fəal üzvü olmuşdur. 1928-1935-ci illərdə Polşa Seyminin deputatı, buradakı təhsil və xarici əlaqələr komitələrinin üzvü olur. Sözdə Ukrayna parlament nümayəndəliyinin nümayəndəsi olaraq, 1930-cu ildə Şərqi Qalisiya ilə bağlı sakitləşdirici siyasət və Ukrayna SSR-də 1932-1933-cü illərdəki kütləvi aclıq ilə əlaqədar Millətlər Birliyinə ərizələr göndərir.

1936-1939-cu illərdə Lvovdakı Ukrayna Əlaqə Komitəsinin Rəyasət Heyətinin üzvü olur. 1935-1939-cu illərdə həftədə iki dəfə nəşr olunan "Jinka" jurnalına redaktorluq etmişdir. Sovetlərin Polşanı işğal etməsindən və Lvovu Qırmızı Ordu tərəfindən ilhaqından sonra o, oğlu ilə birlikdə şəhəri tərk edərək Almaniyanın Polşa işğalı bölgəsinə qaçır. Əvvəlcə Krakovda qalır, 1940-cı ilin yayında Berlinə, daha sonra 1943-cü ildə Praqaya gedir. 1945-ci ildən mühacir həyatı yaşayır - əvvəlcə Feldkirçdə, 1946-cı ildən isə Beynəlxalq Qırmızı Xaçın dəvəti ilə getdiyi Cenevrədə yaşayır. 1946-1950-ci illərdə Ukrayna Yardım Komitəsinin prezidenti olur. 1950-1958-ci illərdə Nyu-Yorkda ukrayna dilli "Svoboda" qəzetində, 1956-1960-cı illərdə Münhendəki "Azadlıq" radiosunda çalışır. New York, Roma və Münhendə yaşayır. 1948-1950-ci illərdə sözdə Ukrayna Xalq Şurasının İsveçrədəki nümayəndəsi olur. 29 mart 1976-cı ildə Münhendə dünyasını dəyişir. 20 sentyabr 1997-ci ildə onun külü Luçakov qəbiristanlığında yenidən basdırılır.

Ailəsi[redaktə | mənbəni redaktə et]

Əri - Pavlo Lısyak,

Oğlu - İvan Lısyak-Rudnitski,

Qardaşı - İvan Kedrin-Rudnitski.

Mənbə[redaktə | mənbəni redaktə et]

İstinadlar[redaktə | mənbəni redaktə et]

  1. ↑ Личаківський некрополь (ukr.). S. 305.