Miniatür təsvir
.jpg)
Miniatür təsvir (ing. thumbnail) — şəkillərin və ya videoların kiçildilmiş versiyaları. Bunlar onları tanımağa və təşkil etməyə kömək etmək üçün istifadə olunur, adi mətn indeksinin sözlər üçün olan məqsədi ilə eyni xarakter daşıyırlar. "Microsoft Windows", "macOS", KDE ("Linux") və GNOME ("Linux") və s. müasir əməliyyat sistemləri və ya iş masası mühitlərində olduğu kimi rəqəmsal şəkillər əsrində vizual axtarış sistemləri və təsviri təşkil edən proqramlar adətən miniatür təsvirlərdən istifadə edir. Veb-səhifələrində onlar lazımsız yerə daha böyük faylları yükləmək ehtiyacını aradan qaldırırlar.
Etimologiyası
[redaktə | mənbəni redaktə et]"Thumbnail" sözü insanın baş barmaq dırnağına işarədir. Bu, insanın barmaq dırnağının ölçüsü ilə müqayisə oluna bilən şəkil və ya təsvirin kiçik ölçüsünü nəzərdə tutur.[1][2] Sözün bu mənada ən erkən istifadəsinin XVII əsrə aid edilməsinə baxmayaraq,[3] Amerika İrs Lüğətində ifadənin ilk dəfə XIX əsrin ortalarında "kiçik ölçülü bir rəsm əsəri"ni ifadə etmək üçün ortaya çıxdığını bildirilir.[4] Daha sonra bu söz obrazlı şəkildə həm isim, həm də sifət şəklində kiçik və ya qısa hər hansı bir şeyə, məsələn, bioqrafik esseyə işarə etmək üçün istifadə edilmişdir. "Thumbnail" sözünün kompüter şəkillərinin xüsusi kontekstində "kiçik qrafik təsvir, daha böyük qrafika, səhifə tərtibatı və s." kimi ilk dəfə 1980-ci illərdə istifadə edilmişdir.[3]
Ölçüləri
[redaktə | mənbəni redaktə et]- Denver Dövlət Kitabxanasının Rəqəmsallaşdırılması və Kataloqlaşdırılması Proqramı uzun ölçüdə 160 piksel olan miniatür təsvirlər istehsal edir.[5]
- Rəqəmsal Şəkillər üçün Kaliforniya Rəqəmsal Kitabxanası Təlimatları hər ölçü üçün 150–200 piksel tövsiyə edir.[6]
- "Picture Australia" miniatür təsvirlərin uzun ölçüdə 150 piksel olmasını tələb edir.[7]
- Rəqəmləşdirmə və Şəkil İdarəetmə üzrə "International Dunhuang Project" Standartları 96 piksel hündürlüyü 72 ppi səviyyəsində müəyyən edir.[8]
- "YouTube" 16:9 aspekt nisbəti ilə 1280×720 (minimum eni 640 piksel) təsvir ölçüsünü tövsiyə edir.[9]
- "DeviantArt" avtomatik olaraq uzun ölçüdə maksimum 150 piksel olan miniatür təsvirlər yaradır.
- "Flickr" avtomatik olaraq uzun ölçüdə maksimum 240 piksel və ya daha kiçik 75×75 piksel olan miniatürlər yaradır. Onlara da kəskin olmayan maskalanma tətbiq edir.
- "Picasa" avtomatik olaraq uzun ölçüdə maksimum 144 piksel olan miniatürlər və ya 160×160 piksel albom miniatürləri yaradır.
Həmçinin bax
[redaktə | mənbəni redaktə et]İstinadlar
[redaktə | mənbəni redaktə et]- ↑ "Online Etymology Dictionary". Online Etymology Dictionary. 2016-03-04 tarixində arxivləşdirilib. İstifadə tarixi: 2010-03-05.
- ↑ "AllWords.com". 2022-11-28 tarixində arxivləşdirilib. İstifadə tarixi: 2010-03-05.
- ↑ 1 2 "Random House Word of the Day". 2009-03-24 tarixində arxivləşdirilib. İstifadə tarixi: 2010-03-05.
- ↑ "OPodictionary". 2010-11-28 tarixində arxivləşdirilib. İstifadə tarixi: 2010-03-05.
- ↑ "About the Digitization and Cataloging Program at The Denver Public Library". Photoswest.org. 2003-07-04 tarixində orijinalından arxivləşdirilib. İstifadə tarixi: 2013-03-13.
Thumbnail files are designed to display quickly and allow multiple images to be displayed simultaneously on a monitor screen for browsing. Thumbnails are 160 pixels on the long-dimension.
- ↑ "CDlib.org". California Digital Library. 23 October 2005 tarixində orijinalından arxivləşdirilib. İstifadə tarixi: 2013-03-13.
- ↑ "Local History Digitisation Manual". Libraries.vic.gov.au. 2011-02-19 tarixində orijinalından arxivləşdirilib. İstifadə tarixi: 2013-03-13.
- ↑ "The International Dunhuang Project - Standards for Digitisation and Image Management". IDP.bl.uk. 2008-04-20 tarixində arxivləşdirilib. İstifadə tarixi: 2013-03-13.
- ↑ "Add video thumbnails on YouTube - Computer - YouTube Help". support.google.com. 2023-02-01 tarixində arxivləşdirilib. İstifadə tarixi: 2023-02-02.
