Mixain Lopez

Mixaín López Núnyes (20 avqust 1982[1]) — kubalı yunan-Roma güləşçisi. Bütün zamanların ən böyük güləşçisi hesab edilən López Núnyes beşqat Olimpiya qızıl mükafatçısı, beşqat Dünya Çempionu və beşqat Pan Amerika Oyunlarının çempionudur. O, kubalı həvəskar boksçu Mişel Lopes Nunyesin kiçik qardaşıdır.[3] 3 iyul 2024-cü ildə o və kubalı cüdoçu Idalis Ortís Paris 2024 Olimpiya Oyunlarının bayraqdarları təyin edilmişdirlər.[4] Lopes 2024-cü il Olimpiadasının finalında, 130 kq çəkidə çilili Yasmani Akostanı məğlub edərək müasir Olimpiadalar tarixində tək fərdi yarışda ardıcıl beş qızıl medal qazanan yeganə idmançı olmuşdur.[5]

Mixain Lopez
Şəxsi məlumatlar
Vətəndaşlığı
Doğum tarixi 20 avqust 1982(1982-08-20)[1] (41 yaş)
Təhsili
Boyu 195 sm
Çəkisi 131,5 kq
İdman növü Yunan-Roma güləşi
Karyera illəri 2002[2]–2024
Mixain Lopes (sağ tərəfdə) 2020-ci il Yay Olimpiya Oyunlarında

Karyerası

[redaktə | mənbəni redaktə et]

López Kubanı, Afina (2004), Pekin (2008) və Londonda (2012) keçirilən Yay Olimpiya Oyunlarında təmsil edib, 2008 və 2012-ci illərdə keçirilən açılış mərasimlərində ölkəsinin bayraqdarı olub[6] və hər iki Olimpiadada, kişilər arasında yunan-Roma güləşi yarışında, 120 kq kateqoriyasında qızıl medal qazanıb .[7] 2016-cı ildə Rio de Janeyroda keçirilən XXXI Yay Olimpiya Oyunlarında López 130 kq kateqoriyasında qızıl medal qazanıb.  O, 2020-ci il Tokio Oyunlarında yenə turnirdə bir xal itirmədən qızıl qazanıb, dörd Olimpiya qızıl medalı qazanan ilk kişi güləşçi, eləcə də eyni fərdi yarışda dörd qızıl medal qazanan beşinci idmançı olur.[8] Eyni Olimpiadanın açılış mərasimi zamanı o, həm də Teofilo Stivensonun göstəricisini qıraraq dörd dəfə ölkənin bayraqdarı olan ilk Kuba təmsilçisi oldu.[9]

Paris 2024 Olimpiya Oyunlarında López beşinci qızıl medalını qazanaraq, eyni fərdi yarışda beş qızıl medal qazanan ilk olimpiya idmançısı oldu. O, qələbədən sonra ənənəvi ritualla — güləşçi ayaqqabılarını döşəyin ortasında yerə qoymaqla idmandan getdiyini bildirir.

İstinadlar

[redaktə | mənbəni redaktə et]
  1. ↑ 1 2 DiGiacomo P. Mijain Lopez // Encyclopædia Britannica (ing.).
  2. ↑ 1 2 https://www.periodicocubano.com/mijain-lopez-biografia-del-luchador-cinco-veces-campeon-olimpico/.
  3. ↑ "International Wrestling Database". 2021-03-16 tarixində arxivləşdirilib. İstifadə tarixi: 2024-08-07.
  4. ↑ "MIJÁIN LÓPEZ E IDALYS ORTIZ, ABANDERADOS DE CUBA EN PARÍS 2024" (ispan). Olympics.com.es. 3 July 2024. 11 July 2024 tarixində arxivləşdirilib. İstifadə tarixi: 18 July 2024.
  5. ↑ "Cuba's Mijaín López wins fifth gold, record in individual event". ESPN. 7 August 2024 tarixində arxivləşdirilib. İstifadə tarixi: 7 Aug 2024.
  6. ↑ Evans, Hilary; Gjerde, Arild; Heijmans, Jeroen; Mallon, Bill. "Mijaín López". Olympics at Sports-Reference.com. Sports Reference LLC. 3 December 2016 tarixində arxivləşdirilib.
  7. ↑ "Cuba's Lopez wins 120 kg Greco-roman wrestling gold". The Times of India. İstifadə tarixi: 7 August 2012.
  8. ↑ "Wrestler wins fourth straight Olympic gold". BBC Sport. 2024-06-18 tarixində arxivləşdirilib. İstifadə tarixi: 2024-08-07.
  9. ↑ "The flagbearers for the Tokyo 2020 Opening Ceremony" (PDF). olympics.com. IOC. 22 March 2023 tarixində arxivləşdirilib (PDF). İstifadə tarixi: 26 April 2022.

Xarici keçidlər

[redaktə | mənbəni redaktə et]