Nazlıcan Parlak

Nazlıcan Parlak (27 may 1993^[1], İstanbul) — Türkiyə Qadınlar Super Liqasında və Azərbaycanın qadınlardan ibarət milli futbol komandasında yarımmüdafiəçi kimi çıxış edən futbolçu.^[2][3]

Nazlıcan Parlak
türk. Nazlıcan Parlak
Ümumi məlumatlar
Doğum tarixi	27 may 1993(1993-05-27)[1] (31 yaş)
Doğum yeri	İstanbul, İstanbul ili, Türkiyə
Vətəndaşlığı	Türkiyə
Təhsili	İstanbul Universiteti
Mövqeyi	Yarımmüdafiəçi
Klub haqqında məlumat
Klub	Galatasaray
Nömrəsi	22
Karyerası
Klub karyerası[* 1] 2010–2012 Kireçburnu Futbol Klubu 2012–2014 Marmara Universiteti Futbol Klubu 2014 Kireçburnu Futbol Klubu 2014–2016 Fatih Vatan Futbol Klubu 2016 Ataşehir Belediye İdman Klubu 2017–2019 Fatih Vatan Futbol Klubu 2019–2020 Kireçburnu Futbol Klubu 2020–2021 Piros Security Arad 2021–2022 Konak Belediye İdman Klubu 2022–2023 Fenerbahçe Futbol Klubu 2023— Galatasaray Futbol Klubu Milli yığma[* 2] 2019— Azərbaycan
↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı.
Vikianbarda əlaqəli mediafayllar

Peşəkar futbolçu Türkiyədə anadan olub və futboldan əvvəl bir çox idman növləri ilə məşğul olub. 7 yaşında tennis klubunun məşqçiləri istedadları seçmək üçün onun təhsil aldığı məktəbə gəliblər. Nazlıcan seçilənlərdən biri olub. Beləliklə o təqaüd qazanıb və idman karyerasına tennislə başlayıb. Lakin bu macəra qısamüddətli olub.^[4]

Daha sonra anası onu karateyə yönləndirib və onun 5 il davam edəcək karate macərası başlayıb. O, İstanbul Çempionatında 2-ci və 3-cü yerləri tutub, Türkiyə çempionatında mübarizə aparıb və 6-cı yeri tutub. Ankarada isə qara kəmərə layiq görülüb. Bütün bunlar davam edərkən Nazlıcan peşəkar olmasa da futbola davam edib. Həmçinin o, oxuduğu məktəblərdə atletika komandalarının da üzvü olub. Bu sahədə Sarıyer bölgəsində 100 metr məsafəyə qaçış üzrə 5-ci olub.^[4]

Orta məktəbdə o, artıq karate ilə məşğul olmaq istəməyib. Məktəbdə tanış olduğu dostu ona basketbolu sevdirib. Həmin ərəfədə Kireçburnu Futbol Klubunun qadın futbol komandasının qurulduğunu eşidən Nazlıcan dərhal seçimlərə qatılıb. Seçimlərdə o məşqə dəvət olunub və ilk məşqində 10 dəqiqəlik matçda 6 qol vuraraq futbol karyerasına belə başlayıb.^[4]

Parlak 2012-ci ildə İstanbul Universiteti İdman Elmləri Məşqçilk fakültəsinə qəbul olub. Bakalavr təhsili zamanı o Cevat Gülərdən futbol üzrə mütəxəssislik dərsləri alıb.^[4]

Nazlıcan Parlak futbol karyerasına 2010-cu ildə Kireçburnu Futbol klubunda başlayıb. Daha sonra 2012–2014-cü illər arasında Marmara Universiteti Futbol klubunda oynayıb. 2014-cü ildə yenidən Kireçburnu Futbol klubuna qayıtsa da, 2014–2016-cı illər arasında Fatih Vatan Futbol klubunun üzvü oldu. Eyni ildə Ataşehir Belediyespor klubunda da oynayıb və 2017–2019-cu illərdə yenidən Fatih Vatan Futbol klubunda çıxış edib. 2019–2020-ci illər arasında Kireçburnu Futbol klubunda forma geyinib. 2020–2021-ci illər mövsümündə Rumıniyanın Piros Security Arad klubunda oynabyıb. Daha sonra Türkiyəyə qayıdaraq 2021–2022-ci illər mövsümündə Konak Belediyespor klubuna qoşulub və Turkcell Super Liqasında çıxış edib. 2022–2023-cü illər mövsümündə Fənərbaxça futbol klubu ilə karyerasına davam edib.^[5][6][7] 14 sentyabr 2023-cü ildə isə Qalatasaray ilə bir illik müqavilə imzalayıb.^[8][9][10]

Türkiyə əsilli Nazlıcan Parlak 2019-cu ildə Azərbaycanın Qadınlardan ibarət Milli Futbol Komandasından dəvət alıb. UEFA Qadınlar Avro-2022-nin seçmə mərhələsində milli komanda İspaniya, Çexiya, Polşa və Moldova komandalarından ibarət D qrupunda mübarizə aparıb. Parlak qrupun son matçlarında üstün oyunu ilə diqqət çəkərək komandasının qələbələrində böyük rol oynayıb.^[11][12]

No.	Tarix	Məkan	Rəqib	Xal	Nəticə	Turnir
1.	6 sentyabr 2022	Dalğa Arena, Bakı, Azərbaycan	Bosniya və Herseqovina	1–1	1–1	2023 FIFA Qadınlararası Dünya Çempionatının seçmə mərhələsi – UEFA E qrupu
2.	13 noyabr 2022		Xorvatiya	1–0	1–2	Yoldaşlıq
3.	26 sentyabr 2023	DG Arena, Podgorica, Montenegro	Monteneqro	1–0	1–0	2023–24 UEFA Qadınlar Millətlər Liqası
4.	31 oktyabr 2023	Dalğa Arena, Bakı, Azərbaycan	Monteneqro	2–0	3–0

^[13][14]

Aşağıdakı cədvəldə Nazlıcanın mövsümlər üzrə fəaliyyəti təqdim olunub.

2009–11	Parlak çox gec, 16 yaşında Sarıyerin Kireçburnu Futbol komandasında futbol oynamağa başlayıb. Həmin mövsüm Kireçburnu İdman klubunda yalnız gənc qızlardan ibarət komanda var imiş və yaş məhdudiyyəti səbəbiylə Nazlıcan 1 mövsüm liqa matçı oynaya bilməyib. Növbəti mövsüm Kireçburnu Futbol klubu Nazlıcanın liqada oynaya bilməsi üçün A komandası quraraq liqaya qoşulmağa qərar verib. Komanda kapitanı kimi ilk mövsümündə Nazlıcan 10 matçda 10 qol və 6 məhsuldar ötürmə ilə komandasına rəhbərlik etib.
2011–12	Digər komandalardan təkliflər olsa da, həmin mövsüm kapitan komandasında qalıb. Komanda gənc heyətdən ibarət olduğundan bu mövsüm komanda üçün çətin mövsüm olub. Nazlıcan bu mövsüm 7 matçda 6 qol və 2 məhsuldar ötürmə ilə komandasına töhfə verib. O, dövrün köklü komandalarından olan Marmara Universiteti Futbol komandasına qarşı qolu və üstün oyunu diqqət çəkib.
2012–13	Nazlıcan bu mövsüm Marmara Universiteti Futbol klubu ilə müqavilə imzalayıb. Marmara, Türkiyə Qadınlar 2-ci Liqasında 2-ci yer kimi Super Liqaya yüksəlib. Nazlıcan komandasına 5 qol və 13 məhsuldar ötürmə ilə töhfə verib.
2013–14	Nazlıcan yoluna Marmara Universiteti Futbol klubu ilə davam edib. O, Super Liqada 10 matçda 2 qol və 1 məhsuldar ötürmə ilə komandasına töhfə verib. Liqanın fasiləsi zamanı komanda maliyyə çatışmazlığı səbəbindən fəaliyyətini dayandırmaq qərarına gəlib. Buna görə də kapitan keçmiş komandasına qayıdıb. Kireçburnu Futbol klubu əvvəlki mövsümlərlə müqayisədə daha yaxşı komanda formalaşdırdığından Nazlıcanla daha da güclənib. O, meydana çıxdığı 6 matçda 13 qol və 5 məhsuldar ötürmə ilə komandasına töhfə verib. O, play-off yarımfinal matçında Mardin Nusaybinə qarşı 59 dəqiqəyə vurduğu 5 qolla tarixə düşüb və komandasını finala çıxarıb.
2014–15	Nazlıcan yoluna Fatih Vatan Futbol Klubu ilə davam etmək qərarına gəlib. Əvvəlki mövsümdə Kireçburnu Futbol klubu ilə 1 matçda 5 qol vuran Nazlıcan, Fatih Vatan komandası ilə də 1 matçda 6 qol vurub. O, həmçinin 2 fərqli matçda het-trik edərək ümumilikdə 16 matçda 34 qol vuraraq inanılmaz nəticə göstərib. Qollarından əlavə 6 məhsuldar ötürmə edən Nazlıcan komandasının vurduğu 40 qolda birbaşa pay sahibi olub.
2015–16	O, 17 matçda 34 qol vurub, 16 məhsuldar ötürmə ilə komandasını finala daşıyıb. O, Sarıyer Belediye Futbol klubuna qarşı 1 matçda 8 qol vuraraq bir matçda 6 qol vurduğu öz rekordunu yeniləyib. Nazlıcan bunu cəmi 80 dəqiqə ərzində bacarıb. O, iki fərqli matçda beş qol vurmaqla, iki het-trik etməklə və 8-ci saniyədə liqanın ən erkən qolunu vurmaqla həmin mövsüm performansını daha da yüksək səviyyələrə qaldırıb.
2016–17	Fatih Vatan Futbol Klubunda göstərdiyi üstün nəticə Çempionlar Liqasında çıxış edən Türkiyə çempionu Ataşehir Belediye Futbol klubunun diqqətini çəkərək bu komandada həmin mövsümə 6 matça çıxıb. Burada 6 oyun keçirərək fasilədə 2-ci Liqada lider olan Fatih Vatan Futbol Klubuna geri qayıdıb. Burada isə 7 matçda 3 qol və 5 məhsuldar ötürmə ilə komandasına töhfə verib. 2-ci Liqa çempionluğunu əldə edərək bu mövsüm karyerasında ilk qızıl medalını qazanıb.
2017–18	O, karyerasını Fatih Vatan Futbol Klubunda davam etdirib. O, Super Liqada 16 matçda 8 qol vurub, 2 məhsuldar ötürmə ilə komandasına töhfə verib.
2018–19	Fatih Vatan Futbol Klubu ilə daha bir, 1 mövsümlük müqavilə imzalayıb. Bu mövsüm komanda olaraq liqada çətinlik çəkdikləri bir mövsüm olsa da, 13 oyunda 2 qol və 1 məhsuldar ötürmə ilə yadda qalıb. Mövsümün sonunda Azərbaycanın Qadınlardan ibarət Milli Futbol Komandasından dəvət alıb.
2019–20	Bu mövsüm Nazlıcan karyerasında ilk komandası olan Kireçburnu Futbol Klubuna qayıdıb. O, 12 matçda 7 qol və 2 məhsuldar ötürmə ilə çıxış edib. Amedspora 3 qol vuraraq het-trik edib. Daha bir het-trik isə Ereğli Belediye Futbol Klubuna qarşı olub. Çayırbaşı Stadionunda matçın ilk yarısında 2 qol vuraraq komandasını 2–0 önə keçirib. Sonrakı dəqiqələrdə hesab 2–2 bərabərləşdirib. Dəqiqə 90+6 göstərdiyi zaman Nazlıcan topu yarımmüdafiədən qəbul edərək sürətlə rəqib qapısına keçirib. O, özünün və komandasının 3-cü qolunu vuraraq son saniyədə komandasına qələbə qazandırıb.
2020–21	Türkiyədə 10 illik karyerasından sonra Nazlıcan Avropaya yollanmaq qərarına gəlıb. Rumıniyanın Qadınlar Superliqa komandalarından olan Piros Security Arad komandası ilə müqavilə imzalayəıb. Rumıniyada keçirdiyi ilk matçda komandasının yeganə qolunu vurub və 1:0 hesabı ilə qalib gələrək liqaya uğurla daxil olub. O, Rumıniya Kubokunun 2-ci tur matçında cərimə meydançasının kənarından Fortuna Beçiçerekunun qapısına topla vuraraq möhtəşəm qola imza atıb. Cari mövsümdə o, 14 matçda 9 qol və 6 məhsuldar ötürmə ilə çıxış edib.

^{[15][16][17][18][19]}

• 
• 
• 
• 
• 
• 
• 
• 

• Azərbaycanın Qadınlardan ibarət Milli Futbol Komandası
• Galatasaray
• Fenerbahçe