Nicat Qafuroğlu

Nicat Qafur oğlu Mustafayev (Nicat Qafuroğlu) (15 iyun 1984, Kürdəmir, Azərbaycan SSR, SSRİ) — Azərbaycan kinorejissoru, ssenaristi və telejurnalisti.

Nicat Qafuroğlu
Nicat Qafur oğlu Mustafayev
Doğum adı Nicat Qafur oğlu Mustafayev
Doğum tarixi (40 yaş)
Doğum yeri Kürdəmir, Azərbaycan SSR, SSRİ
Milliyyəti azərbaycanlı
Vətəndaşlığı SSRİ SSRİ→
Azərbaycan Azərbaycan
Fəaliyyəti rejissor
ssenarist
telejurnalist
Fəaliyyət illəri 2002-ci ildən
Təhsili
İstiqamət kino
televiziya

Həyatı

[redaktə | mənbəni redaktə et]

1984-cü ildə Azərbaycanın Kürdəmir rayonunda, ziyalı ailəsində anadan olub.[1] 2001-2005-ci illərdə Azərbaycan Dövlət Pedaqoji Universitetinin psixologiya ixtisası üzrə bakalavr,[2] 2006-2008-ci illərdə isə magistr təhsili alıb.

2002-ci ildə bir qrup gənc jurnalistlə "Gənclər üçün" adlı qəzet təsis edib.[2] 2003-2005-ci illərdə "Ədalət" gündəlik ictimai-siyasi qəzetdə müxbir kimi fəaliyyət göstərib.[2]

2005-ci ildə müsabiqə yolu ilə İctimai Televiziya və Radio Yayımları Şirkətinin xəbərlər departamentində müxbir kimi fəaliyyətə başlayan Nicat Qafuroğlu, 2006-cı ildən redaktor, 2007-ci ildən böyük redaktor və xəbərlər proqramının aparıcısı kimi fəaliyyət göstərib.[1][2] "Gənclik meydanı" verilişinin müəllifi və aparıcı olub.

2010-cu ildə "Biz Production" MMC-ni təsis edib[1] və 2014-cü ilə qədər bu müəssisəyə rəhbərlik edib. 2010-2011-ci illərdə "Milli musiqilərin ekranlaşdırılması" layihəsini həyata keçirib. Layihə çərçivəsində unudulmaqda olan 16 aşıq musiqisi yenidən lentə alınıb və klip formatında ekranlaşdırlıb. Azərbaycanın xalq artisti Mələkxanım Əyyubovanın ifasında "Mən necə bağban olaram", muğam müsabiqəsinin qalibi Abgül Mirzəliyevin ifasında "Nar ağacı, nar çiçəyi" mahnılarına klip çəkib. 2011-2013-cü illərdə "Ultionis” tammetrajlı bədii filmini ekranlaşdırıb.[2] Rasim Balayev, Həmidə Ömərova, Sabir Məmmədov, Səidə Quliyeva və başqa görkəmli Azərbaycan aktyorlarının iştirakı ilə çəkilən filmin ssenari müəllifi və quruluşçu rejissorudur.

2014-2016-cı illərdə Azərbaycanın ilk xəbər televiziyası Türkel TV-nin baş redaktoru olub.[3][4] Həmçinin "Gündəm" gündəlik analitik-informasiya proqramının müəllif-aparıcısı olub. 100-lərlə araşdırma televiziya reportajının müəllifidir.

2016-2017-ci illərdə Aran Film Yaradıcılıq Mərkəzində rejissor kimi fəaliyyət göstərib.[5] 2018-ci ilin oktyabrında ARB 24 televiziyasının baş prodüseri vəzifəsinə təyin olunub.[6]

Mükafatlar

[redaktə | mənbəni redaktə et]

2011-ci ildə "Aranda bir gün" adlı sənədli ekran əsəri ilə Azərbaycan Respublikası Mədəniyyət və Turizm Nazirliyinin keçirdiyi turizm filmləri festivalında "Ən yaxşı etnoqrafik film" nominasiyasında qalib olub.[2][7]

Filmoqrafiya

[redaktə | mənbəni redaktə et]
  1. Aranda bir gün (film, 2008) - quruluşçu rejissor, ssenari müəllifi və operator
  2. Ultionis (film, 2013) - ssenari müəllifi və quruluşçu rejissor
  3. Məcbur (film, 2013) - ssenari müəllifi və quruluşçu rejissor
  4. Sarıbaş (film, 2017) - ideya və ssenari müəllifi
  5. Daşla danışan adam (film, 2017) – ssenari müəllifi və rejissor[8]
  6. Hələ axşam olmayıb (film, 2017) – ssenari müəllifi və rejissor[9]

İstinadlar

[redaktə | mənbəni redaktə et]
  1. ↑ 1 2 3 "Özünü kəşf et". Almanax-2 Arxivləşdirilib 2014-03-01 at the Wayback Machine. almanax2.wordpress.com, 03.03.2012.  (az.)
  2. ↑ 1 2 3 4 5 6 Falçıları ifşa edən Azərbaycan filmi Arxivləşdirilib 2021-05-16 at the Wayback Machine. kulis.az, 13.06.2014.  (az.)
  3. ↑ Sevinc İltifatqızı. "İTV-nin keçmiş aparıcısı özünə yeni iş tapdı" (az.). Azvision.az. 20.02.2014. İstifadə tarixi: 2017-12-25.[ölü keçid]
  4. ↑ Big.az. "İTV-dən çıxan aparıcı özünə yen iş tapdı" (az.). Big.az. 22.02.2014. 2015-09-18 tarixində arxivləşdirilib. İstifadə tarixi: 2017-12-25.
  5. ↑ Aliyə. ""Şəxsən mən ümidlə yaşaya bilmirəm" - "Aranfilm"dən reportaj" (az.). Kulis.az. 15.12.2017. 2021-05-08 tarixində arxivləşdirilib. İstifadə tarixi: 2017-12-25.
  6. ↑ Cəvahir. "ARB televiziyasında yeni təyinat olub" (az.). Yeniçağ.az. 09.10.2018. 2021-05-09 tarixində arxivləşdirilib. İstifadə tarixi: 2018-10-09.
  7. ↑ Yeganə Cansail. ""Ultionis": psixoloji triller janrında yeni film" (az.). Anl.az. 08.07.2011. 2020-02-17 tarixində arxivləşdirilib. İstifadə tarixi: 2017-12-25.
  8. ↑ İki sahil. "Bilik Fondunda "Daşla danışan adam" filminin təqdimatı olub" (az.). İkisahil.az. 29.11.2017. 2018-09-20 tarixində arxivləşdirilib. İstifadə tarixi: 2017-12-06.
  9. ↑ ARB Media Qrup. ""Hələ axşam deyil" filminin təqdimatı" (az.). Youtube.com. 20.12.2017. 2023-08-05 tarixində arxivləşdirilib. İstifadə tarixi: 2017-12-21.