Nikol Abe (安部 ニコル, Abe Nikoru?, 22 dekabr 1993, Filippin)[1] – Yaponiya qyaru dəbi modeli.[2] "Ranzuki" (2008-2011) və "Happie Nuts" (2011-2016) kimi qyaru dəbi jurnalları üçün modellik etmişdir. Bir müddət "Ranzuki" jurnalına töhfələr verirdi.[3]
Nikol Abe | |
---|---|
安部 ニコル | |
Doğum tarixi | 22 dekabr 1993 (29 yaş) |
Doğum yeri | |
Vətəndaşlığı | |
Fəaliyyəti | model[d], fotomodel[d] |
Fəaliyyət illəri | 2008-hazırda |
Abe 22 dekabr 1993-cü ildə Filippində doğulmuşdur. Anası filippinli, atası yapondur.[4][5] Atası yapon olduğu üçün Yaponiya vətəndaşlığı əldə etmişdir. Beş yaşında ikən ailəsi ilə birlikdə Yaponiyaya köçmüşdür. Yaponiyaya gəlməzdən öncə yaponca bilmirdi. Yapon dilini öyrənərkən ingilis və taqal dillərinin əsaslarını unutmuşdur. Abe Niiqata prefekturasında yerləşən bağçaya getmiş, daha sonra Qunma prefekturasında yerləşən ibtidai məktəbdə 2 il oxumuşdur. Dördüncü sinifə başlamazdan öncə Çiba prefekturasında yerləşən ibtidai məktəbə keçmişdir.[6]
Liseyin üçüncü sinifində təhsil alarkən "Ranzuki" jurnalına modellik etməyə başlamış[7] və ilk dəfə 2008-ci ilin iyun buraxılışında görünmüşdür.[8] Həmin dövrdə "Ranzuki" jurnalında görünən ən gənc model olmuşdur. Üç il yarım boyunca 16 nəşrdə iştirak etmiş və "Ranzuki" jurnalının ən çox görünən və ən çox təsir göstərən modeli olmuşdur.[9] 2011-ci ilin noyabrında jurnaldan ayrılaraq[1] daha populyar qyaru jurnalı olan "Happie Nuts" jurnalı üçün modellik etməyə başlamışdır. 2011-ci ilin dekabr buraxılışında isə debüt etmişdir. "Happie Nuts" jurnalının gənc kvini olmuşdur.[9]
Abe müxtəlif qyaru dəbi modelləri ilə birlikdə işləmişdir: Diamonds Puff, Lis Liza Doll, yukata brendi Koibana, rəngli linza brendi Candy Magic və s.[10]