Nurtən Rəmzi

Nurtən Rəmzi (türk. Nurten Remzi)— Bolqarıstanda yaşayan türk şairi, yazıçısı, jurnalisti və ictimai xadimi

Nurten Remzi Hamit
Nurtən Rəzmi
Doğum tarixi	8 iyun 1964 (60 yaş)
Doğum yeri	Şumen (Şumnu) şəhəri, Bolqarıstan
Vətəndaşlığı	Bolqarıstan
Milliyyəti	türk
Təhsili	Məktəbəqədər Təhsil İnstitutu, Şumnu Universiteti
Fəaliyyəti	şair, yazıçı, publisist, tərcüməçi
Əsərlərinin dili	türkcə
Janrlar	şeir, nəsr, esse, bədii tərcümə
İlk əsəri	«Mübarizəmi sevirəm (2007)

Nurtən Rəmzi Hamit 8 iyun 1964-cü ildə Bolqarıstanın Şumnu (Şumen) şəhərində anadan olmuşdur. Atatası Rəmzi Mehmet Şaban bəy Osmanlı kökənli, anası Əzizə xanım tatar türklərindəndir. O, bəzi qaynaqlarda həyat yoldaşının soyadı ilə Hamit kimi tanınmaqdadır. İbtidai və orta təhsilini doğulduğu şəhərdə almış, liseyi Köstəndildə bitirmişdir. Daha sonra Rusçuk (Ruse) Məktəbəqədər Təhsil İnstitutunda oxumuşdur (1983–1985).

1989-cu ilin yayında Bolqarıstanda türklərin sıxışdırılması səbəbindən məcburi köçə məruz qalmış və İsveçə sığınmışdır. Bolqarıstanda totalitar rejimin çökməsindən sonra, 1990-cı ildə geriyə dönmüş və eyni məktəbdə vəzifəsini davam etdirmişdir. "Haqq və Özgürlük Hərəkatı"nın dəstəkçilərindən olmuşdur. Yeni yaradılan Şumnu Universitetinin Türkologiya bölməsinə yazılmış və qiyabi şəkildə təhsil almışdır. Bir müddət Şümen vilayətinin Trem kəndindəki orta məktəbdə türk dili dərsləri vermişdir.

Nurtən Rəmzi hazırda doğulduğu Şumnu şəhərində Şumnu Türk Kültür Evinin prezidentidir və "Mozaik" adlı ədəbi və sənət dərgisinin müdiridir.

Evlidir, iki övladı var.

Türkcə ilə yanaşı, bolqar və rus dillərini bilir.

Nurtən Rəzminin şeirləri daha çox sərbəst formada qələmə alınmışdır. Onun şeirlərini mövzu baxımından üç qismə ayırmaq olar: sosial-fəlsəfi, lirik və uşaq şeirləri. Şairin şeirlərində qadın duyğusallığı, dostluq, sevinc, kədər, ölüm və həyat problemləri ifadə olunur. Son illərdəki poetik axtarışlarında sətirlərin və obrazların vətənsevərlik duyğusu ilə yükləndiyi diqqəti çəkir. Onun poeziya ilə yanaşı ədəbi tənqid və folklor yazıları da dəyərlidir.

2007-ci ildə şeirlərini "Mübarizəmi sevirəm" (Kavğamı seviyorum) adlı ilk kitabında toplayıb nəşr etdirmişdir.

2010-ci ildə nəşr olunan "Deliormanda suyun gözü" (Deliorman’da Suyun Gözü) adlı kitabında Türklərin toplu halında yaşadığı Bolqarıstanın Şimal-Şərq səmtində, özəlliklə Deliormanda xalq mahnı və manilərini fotolarla birgə yayınlamışdır.

Yazarın 2015-ci ildə yayınlanan "Dəliormanda bülbüllərin səsi" kitabı da əvvəlki araşdırmasının bir növ davamı kimi bölgədəki türk kültürünü canlandırmaq məramına xidmət edir.

Müəllifin "Dəliormanda Qoca Yusif canlanır" adlı araşdırma kitabı tarixi şəxsiyyətin həyat yolunu canlandırmaqla bolqar türklərinin yaşadıqları coğrafiyanın başqa bir istiqamətinə aydınlıq gətirməkdədir. Yazarın digər kitabları da Bolqarıstanda yaşayan türklərinin problemlərinin əks olunduğu qaynaqlar kimi əhəmiyyət daşıyır.

• Kavgamı Seviyorum (Şiirler) – Raster Yayınları, Şumnu: 2007
• Deliorman’da Suyun Gözü (Araştırma-İnceleme), Edirne Valiliği İl Özel İdaresi, Edirne, 2010
• Deliormanda Bülbüllerin Sesi, Şumnu Kültür Evi Derneği, Şumnu: 2015
• Deiorman’da Koca Yusuf Canlanıyor, Şumnu Kültür Derneği Yayınları, Şumnu: 2015

• İpek Yildiz, "Bulgaristan’daki Türk Kültürü Işığı: Nurten Remzi", Zeitschrift für die Welt der Türken, Vol. 2, No. 1 (2010), ss. 115–122.
• ‘Deliorman’da Suyun Gözü’ — Balkanlardan Haberler (balturk.org.tr, 09 Şubat 2012)
• Ülker Şen, "Bulgaristan'da Faaliyet Gösteren Şumnu Nazım Hikmet Kültür Evi İle Mozaik Dergisinin Türkçe Ve Türk Kültürüne Katkıları Bakımından Değerlendirilmesi," Zeitschrift für die Welt der Türken / Journal of World of Turks, C.5, S. 2, 2013, ss.215–239
• Şaban M. Kalkan (2014)
• Kerime Bal Açikgöz, "Bulgaristan’ın Şumnu İlinde Çıkarılan Mozaik Dergisinin Türkçe Eğitimi ve Kültür Aktarımı Açısından İncelenmesi" Yüksek Lisans Tezi, Gazi Üniversitesi Eğitim Bilimleri Enstitüsü, Ankara, 2015.
• Ozan İpek, (Kitap Tanıtımı) "Bulgaristan’da Türkçenin Sesleri: ‘Deliorman’da Suyun Gözü’ ve ‘Deliorman’da Bülbülün Sesi’",
• İhsan Işık / Resimli ve Metin Örnekli Türkiye Edebiyatçılar ve Kültür Adamları Ansiklopedisi (C. 12, 2018)
• Atıf Akkün. DELİORMAN’DAKİ TÜRK DİLİ VE KÜLTÜRÜ FAALİYETLERİNDE SİVİL TEŞEBBÜSLERİN ROLÜ (NURTEN REMZİ ÖRNEĞİ) — VI Beynəlxalq Türk Dünyası Araşdırmaları Simpoziumu 13–15 İyun 2019/Bakı^[1]