Ölkə.az — 2014-cü ildə təsis edilmiş xəbər agentliyi.[1]
Olke.az | |
---|---|
URL | olke.az |
Tipi | xəbər saytı[d] |
Dilləri | Azərbaycan dili |
Sahibi | Rüfət Qasımzadə[d] |
Açılma tarixi | 15 iyul 2014 |
Ölkə.az 2014-cü il iyulun 15-də yaradılıb. Hazırda Azərbaycanın onlayn media məkanında mühüm aparıcı informasiya agentliklərindən biridir. Agentlik Azərbaycanda, regionda və dünyada baş verən hadisələr barədə oxucularına operativ məlumatlar verir, reportaj, araşdırma, müsahibə və digər janrlarda materiallar təqdim edir.[2] Müstəqil informasiya siyasəti həyata keçirən "Ölkə.az" media qurumu saytında Azərbaycanın ictimai, siyasi, sosial, mədəni və digər həyatında olan yeniliklərlə bərabər, dünyada baş verən maraqlı xəbərlər də oxuculara çatdırılır.[3]
"Ölke.az" müxtəlif sahələrdən bəhs edən müsahibələr, təhlillər, reportajlar, müəllif yazıları işıqlandırılır. Sayt obyektiv və müstəqil olaraq şərhsiz xəbər yayır. Sayt işinin qurulmasında və aparılmasında redaksiyanın yaradıcı kollektivi ilə yanaşı oxucular da iştirak edə bilərlər. Redaksiyanın əlaqə vasitələri ilə oxucular qarşılaşdıqları hadisələrlə bağlı redaksiyaya operativ məlumat vermək imkanları var. Agentlik Azərbaycan dilində fəaliyyət göstərir. Həmçinin, 2015-ci ilin sentyabr ayından "Azərbaycan Mətbuat Şurası"nın üzvüdür.[4]
Azərbaycan dilində ölkədə və dünyada baş verən ən aktual və maraqlı hadisələr barədə operativ xəbərlər, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır. Gün ərzində saytda 130-dan çox xəbər dərc olunur. Agentliyin özəl xəbərlərini gün ərzində 100-dən çox yerli və xarici mötəbər kütləvi informasiya vasitələri istinadla dərc edir.[5] "Ölkə.az" xəbər agentliyi mütəmadi olaraq beynəlxalq və yerli tədbirlərin informasiya dəstəkçisi kimi çıxış edir. "Ölkə. Az" xəbər portalının günlük unikal izləyici sayı 50–70 min, aylıq isə 2 milyon ziyarətdən artıqdır.[6]
"Ölkə.az"-ın rəhbəri Rüfət Qasımzadə Əli oğludur. Həmçinin o, "Gənclərin Sağlam İnkişafı" İctimai Birliyinin sədridir.[7]