Oskar Danon
Oskar Danon (serb. Оскар Данон; 7 fevral 1913[1][2][…], Sarayevo – 18 dekabr 2009[3], Belqrad)[4] — Yuqoslaviya bəstəkarı və dirijoru[5].
| Oskar Danon | |
|---|---|
 | |
| Ümumi məlumatlar | |
| Doğum adı | Оскар Данон |
| Doğum tarixi | 7 fevral 1913[1][2][…] |
| Doğum yeri | |
| Vəfat tarixi | 18 dekabr 2009[3] (96 yaşında) |
| Vəfat yeri | |
| Dəfn yeri |
|
| Vətəndaşlığı | |
| Musiqiçi məlumatları | |
| Fəaliyyəti | bəstəkar, dirijor, xormeyster[d] |
| Janr | klassik musiqi |
| Təhsili |
|
| Elmi dərəcəsi | |
 Vikianbarda əlaqəli mediafayllar | |
İkinci dünya müharibəsi davam edərkən 1943-cü ildə Vladimir Nazorun yazdığı yuqoslav partizanlarının marşı olan "Uz marşala Tita"nın (azərb. "Marşal Tito ilə") bəstəkarıdır[6].
Gəncliyi və təhsili
[redaktə | mənbəni redaktə et]Bir boşnak-serb yəhudisi olan Oskar Danon 7 fevral 1913-cü ildə, həmin zaman mövcud olan Avstriya-Macarıstan imperiyasına aid (indiki vaxtda Bosniya və Herseqovinaya aid) Sarayevo şəhərində anadan olmuşdur.
Yuqoslaviya Krallığında musiqi təhsili bölməsində oxumuş və Çexoslovakiyanın paytaxtı Praqa şəhərində Musiqişünaslıq sahəsi üzrə doktorluq işini müdafiə etmişdir.
Karyerası
[redaktə | mənbəni redaktə et]Sarayevoda dirijor kimi fəaliyyət göstərmiş və İkinci dünya müharibəsindən sonra, 1944–1965-ci illər arasında Belqrad Operasının dirijoru və rejissoru olmuşdur. 1970–1974-cü illərdə Sloveniya Filarmoniya Orkestrında dirijorluq etmişdir. Həmçinin, o, həmin dövrdə Belqrad Filarmoniya Orkestrınında da dirijor idi. Bu orkestrlarla həm Yuqoslaviyada, həm də ölkə xaricində (Paris, Visbaden, Florensiya və s. şəhərlərdə) dəfələrlə çıxış etmişdir.
Pedaqoji fəaliyyəti
[redaktə | mənbəni redaktə et]Oskar Danon Belqrad Musiqi Akademiyasının professoru idi.
İctimai fəaliyyəti
[redaktə | mənbəni redaktə et]Serbiya Musiqiçilər Assosiasiyasının üzvü olmuş Oskar Danon, 1955–1957-ci illərdə bu təşkilata rəhbərlik də etmişdir.
2008-ci ildə o, Bosniya və Herseqovina Elmlər və İncəsənət Akademiyasının üzvü seçilmişdir.
Mükafatları
[redaktə | mənbəni redaktə et]Oskar Danon bir sıra mükafatlarla təltif olunmuşdur:
- Belqrad şəhərinin Oktyabr mükafatı;
- AVNOJ mükafatı (1970);
- Vatroslav Lisinski mükafatı (2004)[6].
Vəfatı
[redaktə | mənbəni redaktə et]Oskar Danon 18 dekabr 2009-cu ildə, 96 yaşında ikən Serbiyanın paytaxtı Belqrad şəhərində vəfat etmişdir.
İstinadlar
[redaktə | mənbəni redaktə et]- ↑ 1 2 Bibliothèque nationale de France BnF identifikatoru (fr.): açıq məlumat platforması. 2011.
- ↑ 1 2 Studenti pražských univerzit 1882–1945.
- ↑ 1 2 Oskar Danon // Musicalics (fr.).
- ↑ Preminuo kompozitor i dirigent Oskar Danon Arxivləşdirilib 2015-09-24 at the Wayback Machine, politika.rs, 18.12.2009
- ↑ Munjin, Bojan. "Ovo su društva bez vizije". Feral Tribune. 22 mart 2007. İstifadə tarixi: 17 oktyabr 2008.
- ↑ 1 2 Jugoslavija je moja jedina domovina Arxivləşdirilib 2016-03-06 at the Wayback Machine. e-novine.com
- ↑ 4. april 1961, Maribor. Dr. Oskar Danon, eden najuglednejših jugoslovanskih dirigentov med vajo z orkestrom mariborske filharmonije. (avtor fotografije: Dragiša Modrinjak) [ölü keçid]. podstresje.si