Qüdrət Ramazan oğlu Quliyev (1955) — Azərbaycan Respublikası xarici iqtisadi əlaqələr nazirinin birinci müavini və nazir əvəzi, Azərbaycan SSR Ali Sovetinin XII çağırış deputatı[1].
Qüdrət Quliyev | |
---|---|
İyun 2020 – 7 noyabr 2022 | |
4 avqust 1995 – 24 iyun 1997 | |
Əvvəlki | Nicat Quliyev |
Sonrakı | Vəzifə ləğv olundu. |
Şəxsi məlumatlar | |
Doğum tarixi | 1955 |
Partiya |
|
Təhsili |
Qüdrət Quliyev 1955-ci ildə doğulmuşdur. Azərbaycan Dövlət Dillər İnstitutunu və Azərbaycan Dövlət Universitetinin hüquq fakultəsini bitirib.
Qüdrət Quliyev 1981–1990-cı illərdə Bakı şəhər Nəsimi rayon partiya komitəsində ideologiya şöbəsinin müdiri işləyib. 1990–1991-ci illərdə Naxçıvan Vilayət partiya komitəsinin katibi vəzifəsində çalışıb.
Qüdrə Quliyev 1995-ci ilin avqust ayının 4-də Azərbaycan Respublikası xarici iqtisadi əlaqələr nazirinin birinci müavini təyin olunmuşdur.[2] Həmin dövrdə nazir təyinatı olmadığı üçün o, həmçinin nazir əvəzi olaraq da işləyirdi. 24 iyun 1997-ci il tarixində Azərbaycan Respublikasının Ticarət Nazirliyi və Azərbaycan Respublikasının Xarici İqtisadi Əlaqələr Nazirliyi ləğv edilərək və bazalarında Azərbaycan Respublikasının Ticarət Nazirliyi yaradıldı.[3]
Qüdrət Quliyev Azərbaycan SSR Ali Sovetinin XII çağırışında Naxçıvan MSSR-in 343 nömrəli Culfa seçki dairəsindən deputat seçilmişdir[1]. 5 fevral 1991-ci ildə üzv kimi Azərbaycan SSR Ali Soveti birinci sessiyasının Redaksiya komissiyasının tərkibinə seçilmişdir.[1] 3 iyun 1992-ci il tarixində isə Azərbaycan Respublikası Milli Məclisinin üzvü seçilmişdir.[4] O, Milli Məclisin Xarici İşlər Komissiyasının üzvü seçilmişdir.[5]
2020-ci ilin iyun ayında Haqq Ədalət Partiyasına üzv olmuşdur. Daha sonra onlayn səsvermə ilə partiyanın İdarə Heyətinin üzvü və partiya sədrinin müavini seçilmişdir.[6][7]
5 noyabr 2022-ci il tarixində Haqq Ədalət Partiyasının sədri Əli İnsanov prezident İlham Əliyevin apardığı siyasəti birmənalı dəstəklədiyini açıqlamışdır.[8] Bu açıqlamanın ardınca 7 noyabr 2022-ci il tarixində partiyanın sədr müavinləri İsfəndiyar Vahabzadə, Qüdrət Quliyev və partiya sədrinin müşaviri Nuridə Hidayət partiyadan istefa verdiklərini elan etmişdirlər.[9]