Qəzənfər Məmmədov

Bu məqalədə çoxsaylı problemlər mövcuddur. Zəhmət olmasa, səhifəni redaktə edərək və ya mövcud problemləri müzakirə səhifəsində diskussiya edərək həll edin. Bu məqalədəki və ya bölmədəki məlumatlar köhnədir. Səhifəyə yenilənmiş məlumatlar əlavə etməklə Vikipediyanı zənginləşdirməyə kömək edə bilərsiniz. (fevral 2024) Bu məqalə böyük ölçüdə və ya tamamilə tək mənbəyə əsaslanır. Mövzu ilə bağlı müzakirə səhifəsindəki müzakirələrə qoşula və fikirlərinizi bildirə bilərsiniz. Məqaləyə etibarlı mənbələr əlavə edərək təkmilləşdirə bilərsiniz. (fevral 2024) (Learn how and when to remove this template message)

Qəzənfər Cəfər oğlu Məmmədov (1905, Bakı – 1973) — Azərbaycan-sovet dövlət və partiya xadimi, Azərbaycan Kommunist Partiyası Mərkəzi Komitəsinin katibi (1941–1945, 1946–1950).

Qəzənfər Məmmədov
Azərbaycan Kommunist Partiyası Mərkəzi Komitəsinin kadrlar üzrə katibi
1946 – 1950
Birinci katib	Mir Cəfər Bağırov
Əvvəlki	Sultan Qafarzadə
Azərbaycan Kommunist Partiyası Mərkəzi Komitəsinin təbliğat-təşviqat üzrə katibi
mart 1941 – fevral 1945
Birinci katib	Mir Cəfər Bağırov
Sonrakı	Həsən Həsənov
Şəxsi məlumatlar
Doğum tarixi	1905
Doğum yeri	Bakı, Bakı quberniyası, Rusiya imperiyası
Vəfat tarixi	1973
Partiya	Sovet İttifaqı Kommunist Partiyası (1931–1973)
Təhsili	Bakı Dövlət Universiteti, ÜİK(b)P MK yanında Ali Partiya Məktəbi[d] (1945–1946)
Təltifləri

Qəzənfər Cəfər oğlu Məmmədov 1905-ci ildə Bakı şəhərində fəhlə ailəsində anadan olmuşdur. Məktəbdə təhsil aldığı illərdə müxtəlif emalatxanalarda şagid olmuş, 1927-ci ilədək istehsalat müəssisələrində işləyərək fəhlə fakültəsində təhsilini davam etdirmişdir. O, 1928-ci ildən 1930-cu ilədək komsomol işində çalışmış, 1928-ci ildən ÜİK(b)P üzvlüyünə namizəd, 1931-ci ildən isə partiyanın üzvü olmuşdur.^[1]

Qəzənfər Məmmədov 1941-ci ilədək 12 il ərzində mətbuat orqanlarında çalışmışdır. O, əvvəlcə Azərbaycan LKGİ və BK orqanı olan "Gənc işçi" qəzetinin məsul katibi vəzifəsində işləmiş, sonra məsul redaktorun müavini, 1933-cü ildə isə bu qəzetin məsul redaktoru seçilmişdir. Mətbuatda işləməklə bərabər Azərbaycan Dövlət Universitetində də təhsil almışdır. Bir müddət sonra isə Azərbaycan K(b)P MK və BK-nın orqanı olan "Kommunist" qəzeti redaksiyasına işə göndərilmiş, burada partiya şöbəsinin müdiri, məsul katib, məsul redaktor müavini və məsul redaktor vəzifələrində işləmişdir.^[1]

1941-ci ilin mart ayında Qəzənfər Məmmədov Azərbaycan K(b)P Mərkəzi Komitəsində işə keçirilmiş, 1945-ci ilədək Mərkəzi Komitənin təbliğat-təşviqat üzrə katibi olmuşdur. 1945-ci ilin fevral ayında o, ÜİK(b)P MK yanında Ali Partiya Məktəbində oxumağa göndərilmiş, 1946-cı ildə təhsildən qayıtdıqdan sonra Azərbaycan K(b)P MK-nın kadrlar üzrə katibi seçilmişdir.^[1]

Qəzənfər Məmmədov 2-ci və 3-cü çağırış SSRİ Ali Sovetinin, 2-ci çağırış Azərbaycan SSR Ali Sovetinin deputatı seçilmiş, Azərbaycan KP MK-nın büro üzvü olmuşdur. "Lenin", "Qırmızı əmək bayrağı", "Şərəf nişanı" ordenləri, "Qafqazın müdafiəsinə görə" və "1941–1945-ci illər Böyük Vətən müharibəsində rəşadətli əməyə görə" medalları ilə təltif edilmişdir.^[1]