Qayane Armenovna Atayan (rus. Гаянэ́ Арме́новна Атая́н, erm. Գայանե Արմենի Աթայան; 23 sentyabr 1959, Kiyev) — erməni əsilli Ukrayna rəssamı. Rəssamlar Tatyana Yablonskaya və Armen Atayanın qızıdır.
| Qayane Atayan | |
|---|---|
| Doğum tarixi | 23 sentyabr 1959 (65 yaş) |
| Doğum yeri | |
| Atası | Armen Atayan |
| Fəaliyyəti | rəssam |
| Təhsili |
|
| Janr | peyzaj |
| Üzvlüyü |
|
Qayane Atayan 23 sentyabr 1959-cu ildə Ukrayna SSR-in paytaxtı Kiyev şəhərində, rəssamlar Tatyana Yablonskaya və Armen Atayanın ailəsində anadan olmuşdur. O, 1983-cü ildə Kiyev Dövlət Rəssamlıq İnstitutunu bitirmişdir. Atayan anasını özünün əsas müəllimi hesab etdiyini bildirmişdir. O, 1986-cı ildən Ukrayna Milli Rəssamlar İttifaqının üzvüdür. Atayan 1982-ci ildən bir çox rəsm sərgilərinin iştirakçısı, 1986-cı ildən Ukrayna Rəssamlar İttifaqının üzvüdür. Qayane Atayanın əsərləri Kiyev Milli Rəsm Qalereyasında, Zaporojya, Xmelnitski incəsənət muzeylərində, Tayvandakı Əjdaha muzeyində, Ukraynada və xaricdə şəxsi kolleksiyalarda saxlanılır. Əsərlərin bəziləri Ukrayna Mədəniyyət Nazirliyinin İncəsənət Sərgiləri Direktorluğunun, Ukrayna və Rusiya Rəssamlar İttifaqının, Ukrayna Milli Bankının, Qradobankın mülkiyyətidir.[1][2][3]