Rəşad Mehdiyev (rejissor)

Mehdiyev Rəşad Telman oğlu (29 dekabr 1975, Bakı – 2017, Kiyev) — azərbaycanlı rejissor.

Rəşad Mehdiyev
Rəşad Telman oğlu Mehdiyev
Doğum tarixi	29 dekabr 1975
Doğum yeri	Bakı, Azərbaycan SSR, SSRİ
Vəfat tarixi	17 avqust 2017 (41 yaşında)
Vəfat yeri	Kiyev, Ukrayna
Vəfat səbəbi	işemiya
Vətəndaşlığı	SSRİ→ Azərbaycan
Atası	Telman Mehdixanlı
Milliyyəti	azərbaycanlı
Təhsili	AMİU
Fəaliyyəti	rejissor

Rəşad Mehdiyev 1975-ci il dekabrın 29-da Bakı şəhərində anadan olub. Orta məktəbi bitirtdikdən sonra Azərbaycan Mədəniyyət və İncəsənət Universitetinə daxil olub. Burda o, tanınmış televiziya rejissoru Tariyel Vəliyevin kursunda təhsil alıb. Tələbəlik illərindən Azərbaycan Dövlət Televiziya və Radio Verilişləri Şirkətində müxtəlif vəzifələrdə çalışıb.

Həqiqi hərbi xidmətdən sonra fəaliyyətini Space TV-də davam etdirib.

Televiziya rejissoru kimi fəaliyyət göstərdiyi illərdə "Dünyanı gözəllik xilas edəcək", "Mugam müsabiqəsi", "Sərhəddə", "Qara qızılla ağ günə…", "Mir Möhsün Ağa" kimi bir çox televiziya verilişlərinin və sənədli filmlərin rejissoru olub.

Rəşad Mehdiyev özünü kino janrında da rejissor kimi sınayıb. O, ssenari müəllifi Qasım Səfəroğu olan tammetrajlı "Bomba" kinokomediyasının quruluşçu rejissorudur.

Rəşad Mehdiyevin yaradıcılığı televiziya və kino ilə məhdudlaşmır. O, İlqar Muradov, Zöhrə Abdullayeva, Teyyub Aslanov, Zaur Əmiraslanov, Nazim Pişyari, Namiq Qaraçuxurlu və digər populyar müğənnilərin mahnılarına çəkilən kliplərə rejissorluq edib.

Rəşad Mehdiyev 2017-ci il avqustun 17-də işemiya xəstəliyindən dünyasını dəyişib.

• Jurnalist Telman Mehdixanlının oğludur.
• Jurnalist Mehman Mehdiyevin qardaşıdır.

• Bomba (film, 2005) (quruluşçu rejissor)

• Teyyub Aslanov. Heydər Əilyevin əziz xatirəsinə (rejissor Rəşad Mehdiyev)
• İlqar Muradov. Bu dünyanı nağıl bilək (rejissor Rəşad Mehdiyev)
• Namiq Qaraçuxurlu. Bu məhəbbət (rejissor Rəşad Mehdiyev)
• Zaur Əmiraslanov. Bakı (rejissor Rəşad Mehdiyev)
• Nazim Pişyari. Yuxu (rejissor Rəşad Mehdiyev)