Rafil İmanov

Rafil Cəlal oğlu İmanov (12 noyabr 1949, Fəxralı, Goranboy rayonu, Azərbaycan) - 1 sentyabr 2014, Bakı, Azərbaycan) — riyaziyyatçı, əməkdar müəllim və pedaqoq.

Rafil İmanov
Rafil Cəlal oğlu İmanov
Rafil Cəlal oğlu İmanov — Riyaziyyatçı, Azərbaycan Respublikasının Əməkdar müəllimi, pedaqoq.
Şəxsi məlumatlar
Doğum tarixi	12 noyabr 1949
Doğum yeri	Goranboy, Azərbaycan SSR, SSRİ
Vəfat tarixi	1 sentyabr 2014 (64 yaşında)
Vəfat yeri	Bakı, Azərbaycan
Dəfn yeri	Bakı, Azərbaycan
Vətəndaşlığı	SSRİ → Azərbaycan
Təhsili	Gəncə Dövlət Pedaqoji İnstitutu
İxtisası	Riyaziyyatçı
Atası	Cəlal İmanov
Anası	Qutayə İmanova (Məmmədova)
Həyat yoldaşı	Gülbəniz İmanova
Uşağı	Qutayə İmanova Turan İmanova Sədi İmanov Şəhrizad İmanova Nərimanə İmanova
Təltifləri

Həyatı[redaktə | mənbəni redaktə et]

Rafil Cəlal oğlu İmanov 1949-cu ildə noyabrın 12-də Goranboy rayonunun (keçmiş Qasım İsmayılov) Faxralı kəndində sadə kəndli ailəsində anadan olub. 1956-1966-cı illərdə Faxralı kənd orta məktəbində oxuyub.1966-1970-ci illərdə H.Zərdabi adına Gəncə Dövlət Pedaqoji İnstitutunun Riyaziyyat fakultəsində təhsil alıb və həmin institutu bitirib.1970-1977-ci illərdə Balakən rayonunda müəllimlikdən direktor müavinliyi vəzifəsinədək yüksəlib. Ailəlidir. Beş övladı var^[1].

Pedaqoji fəalliyətləri[redaktə | mənbəni redaktə et]

1978-ci ildən etibarən müvafiq olaraq Bakı şəhərinin 116, 48, 245 saylı məktəblərində riyaziyyat müəllimi işləyib.1991-1992-ci illərdə “Gələcək Zəkalar” liseyini yaradıb.1992-1993-cü illərdə Bakı şəhəri Xətai rayonu Təhsil Şöbəsinin müdiri vəzifəsində çalışıb.Həyatının sonuna kimi yaratdığı 287 saylı “Zəkalar” liseyində müəllim vəzifəsində fəaliyyət göstərmişdir.

1982-ci ildən test metodikasını tətbiq etməyə başlamışdır. Hər il şagirdləri riyaziyyat olimpiadasının rayon, şəhər və Respublika turlarında, Respublika səviyyəli yarışlarda, intellektual televiziya yarışlarında uğurla çıxış edirlər. Məzunlarından hər il 90-100%-i ali məktəblərə daxil olur. Metodist və ali kateqoriyalı müəllimdir. 1992-2001-ci ildə TQDK-da ekspert kimi çalışmışdır. 20-dən artıq elmi-metodik məqalənin müəllifidir. “İlin müəllimi” və “Pedaqoji mühazirə”nin qalibi olmuşdur.

Rafil müəllim riyaziyyat dərsliklərinin hazırlanmasında yaxından iştirak edib. Dəfələrlə “Çevrə” dərgisində və “Azərbaycan müəllimi” qəzetində məqalələri çap olunub. 2008-ci ildə şagirdləri ilə birlikdə əyləncəli “287-Zəkalar” adlı kitabı çap etdirib. 2010-cu ildə “Həndəsənin inciləri” və “Sahələr metodu” kitabçalarını hazırlamışdır.

Rafil müəllim “Zəkalar” liseyini yaratmaqla Vətəni və xalqı qarşısındakı ən böyük xidmətini edib.

Azərbaycanlı gənclərin ideal müəllimi olmuş Rafil İmanov haqqında "Sayların İşığı" kitabı 2016-cı ildə nəşr edilmişdir^[1]. Ancaq onun müəllim ömrü bir kitaba sığmaz. Hər bir şagirdinin həyatında Rafil Müəllim salnaməsi var.

Mükafatlar[redaktə | mənbəni redaktə et]

• Əməkdar müəllim 2013
• İlin müəllimi
• "Pedaqoji mühazirə"nin qalibi

Gördüyü işlər[redaktə | mənbəni redaktə et]

Rafil müəllimin pedaqoji fəaliyyətinin əsasını yarışçılıq, pedaqoji əməkdaşlıq, şagirdlərin özünü təsdiq etməsi, özünə inam yaratması ideyası təşkil edir. O, hər il 28 May-Respublika Günü “ZƏKA” yarışını keçirərək Azərbaycanın hər bölgəsindən istedadlı uşaqları tapıb üzə çıxardır. Onlara riyaziyyatı öyrətməklə yanaşı, düşünməyi, analiz etməyi, həyatda uğur qazanmağın, qalib olmağın yollarını öyrədir. Onun dərs dediyi şagirdlərin səsi təkcə Respublikanın Ali məktəblərindən deyil, onların sorağı Amerikadan, Almaniyadan, İngiltərədən, Fransadan, Rusiyadan, Türkiyədən və dünyanın neçə-neçə tanınmış elm ocaqlarından gəlir.

Tanınmış yetirmələri[redaktə | mənbəni redaktə et]

• Azər Əhmədov (riyaziyyatçı) - azərbaycanlı riyaziyyatçı, Kaliforniya Universitetinin professoru.

İstinadlar[redaktə | mənbəni redaktə et]

Xarici keçidlər[redaktə | mənbəni redaktə et]

1. "Zəkalar" liseyi Arxivləşdirilib 2014-09-06 at the Wayback Machine
2. Rafil Imanov facebook səhifəsi
3. Azərbaycan müəllimi Arxivləşdirilib 2014-09-06 at the Wayback Machine