Rizvan Hümbətov (mayor)

Rizvan Məşədi oğlu Hümbətov (27 dekabr 1948, Tovuz rayonu – 14 sentyabr 1991, Goranboy rayonu) — Qarabağ müharibəsi şəhidi.

Rizvan Məşədi oğlu Hümbətov
Şəxsi məlumatlar
Doğum tarixi
Doğum yeri Düz Cırdaxan kəndi, Azərbaycan SSR
Vəfat tarixi (42 yaşında)
Vəfat yeri Buzluq, Goranboy rayonu
Vəfat səbəbi şəhid
Hərbi fəaliyyəti
Mənsubiyyəti Azərbaycan
Hərbi hissə Todan Milis bölməsi
Xidmət illəri 1991
Rütbəsi mayor
Döyüşlər Todan, Erkəc, Mənəşli, Buzluq
Təltifləri Qırmızı Ulduz ordeni

Həyatı[redaktə | mənbəni redaktə et]

Rizvan Hümbətov 27 dekabr 1948-ci ildə Tovuz rayonunun Düz Cırdaxan kəndində anadan olmuşdur. 1965-ci ildə Düz Cırdaxan kənd orta məktəbini bitirmişdir. 1968-ci ildə hərbi xidmətini başa vurduqdan sonra ali təhsil almaq üçün Qazaxıstana yollanır. Daxili işlər orqanlarında işləməklə bərabər, Metallurgiya İnstitutunda təhsil alıb. 1984-1989 cu illərdə Qazaxıstan Ali Polis Akademiyasında təhsilini davam etdirmişdir. Peşəkar zabit kimi 18 il Qazaxıstanın Karakanda şəhərində Daxili İşlər Orqanlarında çalışaraq, mayor rütbəsinə qədər yüksəlib. Ailəsi ilə birgə Qazaxıstanda yaşayan mayor Rizvan Hümbətov Ermənistanın ölkəmizə qarşı apardığı müharibəyə səssiz qala bilmir. Raport yazaraq Azərbaycana qayıtmaq haqqında qərar verir. Həmkarlarının Qazaxıstanda qalmaqla bağlı təkidlərinə baxmayaraq, işini, evini tərk edərək ailəsi ilə birgə Azərbaycana qayıdır. Daim ön cəbhəyə getməyə can atan Rizvan Hümbətov 1991-ci ildə cəbhə bölgəsində yaradılan Goranboy rayon Todan Milis Bölməsində rəis müavini kimi xidmətə başlayır.

Döyüşlərdə iştirakı[redaktə | mənbəni redaktə et]

1991-ci ildə erməni hərbi birləşmələri aramsız olaraq Todan, Erkəc, Mənəşli və Buzluq kəndlərini atəşə tuturdu. Rizvan Hümbətov və bölmənin digər əməkdaşları həmin kəndlərin müdafiəsində yüngül silahlarla, az bir qüvvə ilə döyüşürdülər. 1991-ci il sentyabr ayının ilk günlərindən Todan və Erkəc kəndlərinə erməni hərbi qüvvələrinin hücumunun dəf olunmasında, yaralıların döyüş meydanından çıxarılmasında Rizvan Hümbətov öz döyüş dostları ilə bərabər çox böyük şücaət göstərmişdir. 14 sentyabr 1991-ci il tarixdə Buzluq kəndi uğrunda gedən döyüşlərdə mayor Rizvan Hümbətov Todan milis bölməsinin daha 3 əməkdaşı – bölmə rəisi mayor Fərəcov Ənvər Səyyad oğlu, kapitan Əliyev Nəsrəddin Yunis oğlu, kapitan Kamandarov Mövsüm Qasım oğlu ilə bərabər qəhrəmancasına şəhid olmuşdur.

Ailəsi[redaktə | mənbəni redaktə et]

Ailəli idi, 3 qızı yadigar qalıb.

Xatirəsi[redaktə | mənbəni redaktə et]

19 dekabr 1991-ci ildə mayor Rizvan Hümbətov ölümündən sonra Qırmızı Ulduz ordeni ilə təltif olunub.

İstinadlar[redaktə | mənbəni redaktə et]

[1]

  1. ↑ "Arxivlənmiş surət". 2021-10-21 tarixində arxivləşdirilib. İstifadə tarixi: 2022-05-07.