Sandra Rulofs

Sandra Elizabet Saakaşvili-Rulofs (gürc. სანდრა რულოვსი) (23 dekabr, 1968) — Gürcüstanın sabiq prezidenti Mixail Saakaşvilinin həyat yoldaşı, 2004-2013-cü illərdə Gürcüstanın birinci xanımı.

Sandra Rulofs
gürc. სანდრა რულოვსი
Doğum tarixi	23 dekabr 1968 (55 yaş)
Doğum yeri	Terneuzen, Niderland
Vətəndaşlığı	Niderland Gürcüstan
Həyat yoldaşı	Mixail Saakaşvili
Uşaqları	Eduard Saakashvili Nikoloz Saakashvili
Fəaliyyəti	diplomat
Partiyası	Vahid Milli Hərəkat (Gürcüstan)
Vikianbarda əlaqəli mediafayllar

Rulofs 23 dekabr 1968-ci ildə Niderlandın Terneuzen şəhərində anadan olub, milliyətcə hollanddır. O, 1991-ci ildə Brüsseldəki Xarici Dillər İnstitutunu bitirib və 1993-cü ildə Strasburqda Beynəlxalq İnsan Hüquqları İnstitutunda ali təhsilini davam etdirib. Həmin il Strasburq şəhərində Mixail Saakaşvili ilə tanış olub və onunla birlikdə Nyu-Yorka köçüb. Nyu-Yorkda ikən Sandra Kolumbiya Universiteti və bir Niderland hüquq şirkətində işləyib. 1996-cı ildə cütlük Gürcüstana gəlib və Sandra Rulofs Beynəlxalq Qırmızı Xaç Komitəsində və Tbilisidə Niderland Krallığının konsulluğunda işləyib. 1999-cu ildə Tbilisi Dövlət Universitetinə mühazirəçi kimi dəvət edilmiş Sandra 2003-cü ilədək burada çalışıb və eyni zamanda universitetdə Belçikada istifadə edilən fransız dilinin aspektləri üzrə doktorluq dissertasiyası üzərində çalışıb. 2003-də Tbilisi Dövlət Universitetində elmlər doktoru elmi dərəcəsini alıb. Rulofs öz ana dili Niderland dilindən başqa daha beş dildə - fransız, alman, ingilis, rus və gürcü dillərində danışa bilir.

Rulofs 2008-ci ilin yanvarında Gürcüstan vətəndaşlığını qəbul edib və indi ikili vətəndaşlığı var: Niderland-Gürcüstan.

Rulofs və Saakaşvilinin Eduard (1995) və Nikoloz (2005) adlı iki oğlu var.

O, "İdealistin hekayəsi"(2005) adlı avtobioqrafik kitabın müəllifidir.

1998-də "SOCO" xeyriyyətçilik təşkilatını yaradıb^[1]. Burada əsas diqqət Qərbi Avropa və gürcü şirkətləri, eləcə də fiziki şəxslər tərəfindən maliyyələşdirilən proqramların həyata keçirilməsinə yönəldilib və aztəminatlı ailələrə yardım məqsədi daşıyır. Yeni hədəflərin yaradıldığı 2007-ci ildən etibarən SOCO daha fəal şəkildə Gürcüstanda reproduktiv sağlamlıq və uşaq rifahının qayğısına qalır.

2007-ci ildə Xanım Rulofs yalnız klassik musiqiyə həsr edilən ilk gürcü radiosunun - Radio Muzanın əsasını qoymuşdur.

• Birinci xanımlar fotolarda – Sandra Roelofs. qafqazinfo.az^{[ölü keçid]}  (az.)

• Rəsmi tərcümeyi-halı Arxivləşdirilib 2011-05-16 at the Wayback Machine  (ing.)
• Xanım Saakaşvili-Roelofs haqqında Caspian Business News məqaləsi  (ing.)