Sebu adası

Sebu adası
Sebu adası
	seb. Sugbo
Ümumi məlumatlar
Sahəsi	4467,5 km²
Hündür nöqtəsi	1097 m
Əhalisi	4.167.320 nəfər (2010-cu il)
Yerləşməsi
	10°25′35″ şm. e. 124°10′00″ ş. u.HGYO
Ölkə	Filippin
Region	Sebu ;
	Sebu adası
	Vikianbarda əlaqəli mediafayllar

Sebu adası (isp. Cebú, seb. Sugbo) — İnzibati baxımdan Filippinnin eyni adlı vilayətə daxil oilan ada. Adanın sahəsi 4467,5 km²^[1] təşkil edir. Adada 2010-cı il məlumatına görə 4 167 320 nəfər yaşayır^[2] (2010). Arxipelaqın mərkəzində yerləşir. Filippin arxipelaqına daxil olan orta ölçülü adadır Adanın inzibati mərkəzi Sebu şəhəridir. Filippinin ərazisinin böyüklüyünə görə ikinci və ən qədim şəhərlərindən biridir.

Coğrafiyası

Sebu adası Neqros adasından şərqdə, Leyte adasından qərbdə, Bohol adasından isə cənub-şərqdə yerləşir. Bohol adasından Sebu boğazı, Neqros adasıntan isə Tanon boğazı ilə ayrılır. Neqros və Bohol adaları arasındadır. Ada 9°25’ş.e. və 11°15’ş.e. və 123°13’ş.u. və 124°5’ ş.u arasındadır. filippion arxipelaqının mərkəzində yerləşir.

Sebu adası uzunsov formaya malikdir. Ada şimal-şərqdən cənub-qərbə doğru uzanır. Onun uzunluğu şimaldan cənuba 225 km-dir. sebu adasının yaxınlığında ümumilikdə 167 elə də böyük olmayan ada vardır. Maktan, Bantayan, Malapaskua, Olanqo və Kamot adaları. Bu adalar arasında ən böyüyü Maktan adasıdır. Maktan Sebu adasına iki körpü il birləşmişdir. Sebu adasından şərqdə yerləşir. Yaxınlıqda yerləşən yüzlərlə adada yaşayış yoxdur.

İqlimi

İqlimi tropikdir. isti və rütubətli olan iqlim şəraitinə sahibdir. Orta illik temperatur +26,5 °C-dir. maydan oktyabra kimicənub-qərb mussonları müşahidə edilir. Bu mussonlar «Habakat» adlanır. Noyabrdan aprelə kimi isə quru küləklər müşahidə edilir. Bu küləklər isə «amixan» adı ilə tanınır. Adanın maksimal hündürlüyü 1097 metrdir.

Relyefi

Sebu adası əsasən əhəng daşından təşkil olunmuş bir platodur. Ada sahilləri düzəndir. Ərazisində az meyilli təpələr geniş sahə tutur. Burada hündürlüyü 1000 metrə çatan dağlar da vardır. adanın cənub-qərbində çoxlu sayda şəlalə vardır. Onlar arasında ən məşhuru Kavasandır.

Tarixi

Sebu adası 1521-ci ildə Fernan Magellan tərəfindən kəşf edilmişdir. Elə həmi Sebu adası yaxınlığımnda yerləşən Maktan adasında döyüş baş vermişdir. Döyüş Fernan Magellanın rəhbərlik etdiyi İspan ekspedisiyası ilə yerli əhali arasında baş verir. Bu döyüşdə yerli əhalinin döyüşçüsü Lapu-Lapu döyüş əsnasında Magellanı öldürmüşdür.

Təbii ehtiyyatları

Adada qarğıdalı, tütük, pambıq, şəkər qamışı, kokos palması kimi bitkilər yetişdirilir. Buradan qonur kömür, mis, qızıl, gümüş çıxarılır.

İstinadlar

↑ "Arxivlənmiş surət". 2019-04-28 tarixində arxivləşdirilib. İstifadə tarixi: 2018-11-05.
↑ Republic of the Philippines. National Statistics Office. "Population and Annual Growth Rates for The Philippines and Its Regions, Provinces, and Highly Urbanized Cities Based on 1990, 2000, and 2010 Censuses" (PDF). April 2012. 2018-12-26 tarixində orijinalından (PDF) arxivləşdirilib. İstifadə tarixi: 2012-04-04.

Mənbə

Sebu vilayətinin rəsmi saytı Arxivləşdirilib 2017-05-01 at the Wayback Machine (ing.)

[1] "Arxivlənmiş surət". 2019-04-28 tarixində arxivləşdirilib. İstifadə tarixi: 2018-11-05.

[2] Republic of the Philippines. National Statistics Office. "Population and Annual Growth Rates for The Philippines and Its Regions, Provinces, and Highly Urbanized Cities Based on 1990, 2000, and 2010 Censuses" (PDF). April 2012. 2018-12-26 tarixində orijinalından (PDF) arxivləşdirilib. İstifadə tarixi: 2012-04-04.

[1]

[2]