Sergey Brızqalin
Sergey Nikolayeviç Brızqalin (rus. Сергей Николаевич Брызгалин; 1917, Voronej – 11 aprel 1977, Moskva) — Azərbaycan-sovet kənd təsərrüfatı qabaqcılı, Sosialist Əməyi Qəhrəmanı (1966), Azərbaycan SSR Nazirlər Soveti Baş Tərəvəz və Meyvə Tədarükü, Emalı və Satışı İdarəsinin rəisi (1970–1975), Azərbaycan SSR Ali Sovetinin 6–8-ci çağırış deputatı, Azərbaycan SSR Ali Soveti Rəyasət Heyətinin üzvü.
| Sergey Brızqalin | |
|---|---|
| rus. Сергей Николаевич Брызгалин | |
 | |
| 16 iyul 1970 – 29 iyul 1975 | |
| Əvvəlki | Hacıməmməd Abdullayev |
| Sonrakı | İnqilab Şəmiyev[a] |
| Şəxsi məlumatlar | |
| Doğum tarixi | 1917 |
| Doğum yeri | |
| Vəfat tarixi | 11 aprel 1977 |
| Vəfat yeri | |
| Dəfn yeri | |
| Təhsili |
|
| Hərbi xidmət | |
| Döyüşlər | |
|
|
|
| Təltifləri |
    |
.svg){kind=small}
.svg){kind=small}
Həyatı
[redaktə | mənbəni redaktə et]Sergey Nikolayeviç Brızqalin 1917-ci ildə Voronej quberniyasının Voronej şəhərində kəndli ailəsində doğulmuşdur.[1] Orta ixtisas təhsilli olmuşdur.[2] 1938-ci ildən Qırmızı Ordu sıralarında hərbi xidmət keçmiş, Böyük Vətən müharibəsi iştirakçısı olmuşdur. 1942-ci ildə ordudan tərxis edilmişdir.[1]
1943–1955-ci illərdə neft sənayesində işləmiş — SSRİ Neft Sənayesi Nazirliyi Qərb Rayonlarında Baş Tikinti İdarəsinin Bakı şəhərindəki tikinti idarəsində rəis müavini, sənaye müəssisələri tikintisi idarəsinin rəisi olmuşdur.[2] 1955-ci ilin avqust ayında Masallı rayonundakı "1 May" kolxozunun, 1965-ci ilin yanvar ayında isə həmin rayondakı eyniadlı sovxozun sədri seçilmişdir.[3]
Sergey Brızqalin sonralar Voronej Dövlət Universitetini bitirmiş və 1970–1975-ci illərdə Azərbaycan SSR Nazirlər Soveti Baş Tərəvəz və Meyvə Tədarükü, Emalı və Satışı İdarəsinin rəisi vəzifəsində çalışmışdır.[1]
Sergey Brızqalin 1940-cı ildən Sovet İttifaqı Kommunist Partiyasının üzvü olmuşdur. Azərbaycan SSR Ali Sovetinin 6–8-ci çağırış deputatı, eləcə də Azərbaycan SSR Ali Soveti Rəyasət Heyətinin üzvü seçilmişdir. Azərbaycan Kommunist Partiyası Mərkəzi Komitəsinin üzvlüyünə namizəd olmuşdur.[3][4]
Sergey Brızqalin 1977-ci il aprelin 11-də vəfat etmişdir. Moskvadakı Vaqankovo qəbiristanlığında dəfn olunmuşdur.[1]
Təltif və mükafatları
[redaktə | mənbəni redaktə et]- Sosialist Əməyi Qəhrəmanı — 30 aprel 1966 ("Lenin" ordeni və "Oraq və çəkic" medalı təqdim edilməklə)
- "Lenin" ordeni — 30 aprel 1966
- "Qırmızı əmək bayrağı" ordeni — 12 dekabr 1973
- "Şərəf nişanı" ordeni — 25 avqust 1971
Qeydlər
[redaktə | mənbəni redaktə et]- ↑ Azərbaycan SSR Nazirlər Soveti Tərəvəz və Meyvə İstehsalı, Tədarükü, Emalı və Satışı Aqrar-Sənaye Birliyinin sədri kimi
İstinadlar
[redaktə | mənbəni redaktə et]- ↑ 1 2 3 4 Брызгалин Сергей Николаевич // Герои страны. 2022-12-16 tarixində arxivləşdirilib. İstifadə tarixi: 16 dekabr 2022.
- ↑ 1 2 Брызгалин Серҝеј Николајевич // Азәрбајҹан ССР Али Советинин депутатлары. Једдинҹи чағырыш. Бакы: Азәрбајҹан ССР Али Советинин нәшри. 1968. С. 71.
- ↑ 1 2 Брызгалин Серҝеј Николајевич // Азәрбајҹан ССР Али Советинин депутатлары. Алтынҹы чағырыш. Бакы: Азәрбајҹан ССР Али Советинин нәшри. 1965. С. 63.
- ↑ Брызгалин Серҝеј Николајевич // Азәрбајҹан ССР Али Советинин депутатлары. Сәккизинҹи чағырыш. Бакы: Азәрбајҹан Дөвләт Нәшријјаты. 1973. С. 73.