Sueci Umehara
Sueci Umehara (梅原末治, Umehara Sueci?, 13 avqust 1893[1], Osaka[1] – 18 fevral 1983[1]) – Yaponiya arxeoloqu.
| Sueci Umehara | |
|---|---|
| yap. 梅原末治 | |
 | |
| Doğum tarixi | 13 avqust 1893[1] |
| Doğum yeri | |
| Vəfat tarixi | 18 fevral 1983[1] (89 yaşında) |
| Təhsili |
|
| Fəaliyyəti | sənətşünas, arxeoloq, universitet müəllimi[d] |
Həyatı
[redaktə | mənbəni redaktə et]Sueci Umehara 1893-cü ildə Yaponiyanın Osaka şəhərində doğulmuşdur.[2] Kioto şəhərində yerləşən Doşişa orta məktəbini bitirdikdən sonra Kioto Universitetinin yenicə qurulmuş arxeologiya sərgisi zalında köməkçi kimi işləməyə başlamışdır.[2] 1921-ci ildə Koreyadakı arxeoloji qazıntı yerlərinin araşdırılması üzrə yaradılmış komitədə işləmişdir.[2] 1925–29-cu illərdə Avropada təhsil aldıqdan sonra Yaponiyaya qayıdaraq Kioto İnstitutunun Şərq Mədəniyyəti Akademiyasının[a] üzvü və Kioto Universitetində mühazirəçi olmuşdur.[2] 1939-cu ildə isə Kioto Universitetinin professoru olmuşdur.[2]
Umeharanın ilk maraq dairəsinə Yaponiya və Koreyadakı kofunları daxil idi Daha sonra qəbirlərdə tapılmış tunc güzgülər və Asiya qitəsinin tunc mədəniyyətini araşdırmağa başlamışdır.[2] Güzgülərin Kofun dövrünün hökmdarları arasında yayılması barədə hipotezi Yaponiyadakı erkən siyasi həyatı başa düşməkdə kömək etmişdir.[2]
Əsərləri
[redaktə | mənbəni redaktə et]- "Koday hoppokey bunbutsu no kenkyu" (1938, "Qədim şimal sivilizasiyaları üzrə araşdırmalar")[2]
- "Şina kokoqaku ronko" (1938, "Çin arxeologiyası haqqında düşüncələr")[2]
- "Nihon kokoqaku ronko" (1940, "Yaponiya arxeologiyası haqqında düşüncələr")[2]
- "Çosen koday no bunka" (1946, "Qədim Koreya mədəniyyəti")[2]
Qeydlər
[redaktə | mənbəni redaktə et]- ↑ Daha sonra Kioto Universitetinin Humanitar Elmlər üzrə Tədqiqat İnstitutu.
İstinadlar
[redaktə | mənbəni redaktə et]Ədəbiyyat
[redaktə | mənbəni redaktə et]- Kodansha Encyclopedia of Japan (ingiliscə). VIII cild (Temp–Z). Tokio: Kodansha. 1983. səh. 147. ISBN 0-87011-628-2. İstifadə tarixi: 2 sentyabr 2022.