Türkiyə–Azərbaycan Universiteti
Türkiyə–Azərbaycan Universiteti – 2024/2025 tədris ilindən etibarən Bakıda faəliyyət göstərməsi planlaşdırılan universitet. Azərbaycan ilə Türkiyə arasında ortaq universitet olacaq.
| Türkiyə–Azərbaycan Universiteti | |
|---|---|
| Əsası qoyulub | 2024 |
| Şəhər | Bakı |
| Ölkə | |
Tarixi
[redaktə | mənbəni redaktə et]Azərbaycan ilə Türkiyə arasında ortaq universitet layihəsi 2023-cü ilin iyununda Azərbaycan prezidenti İlham Əliyev ilə Türkiyə prezidenti Rəcəb Tayyib Ərdoğan arasındakı görüşdən sonra açıqlanmışdır.[1]
Türkiyə-Azərbaycan Universitetinin yaradılması barədə anlaşma memorandumu 19 fevral 2024-cü ildə Azərbaycanın Elm və Təhsil Nazirliyi ilə Türkiyənin Ali Təhsil Şurası arasında imzalanmışdır. Memorandumu Türkiyənin Ali Təhsil Şurasının sədri Erol Özvar və Azərbaycanın elm və təhsil naziri Emin Əmrullayev imzalamışdırlar.[2] Universitet tamamilə yeni yaradılmış təhsil müəssisəsi yox, fərqli universitetlərin müxtəlif proqramlarını ehtiva edən yeni nəsil universitet olacaq.[3]
Təhsil sistemi
[redaktə | mənbəni redaktə et]Universitet rektorunun Azərbaycan tərəfdən olması, tədris binasının Bakı şəhərin mərkəzində olan binalardan birində yerləşməsi planlaşdırılır.[4] İnzibati və maliyyə işləri Azərbaycanın, akademik məsuliyyət isə Türkiyənin tərəfində olacaq.[3] Bakı şəhərində üç təhsil proqramı üzrə universitetə tələbə qəbulu həyata keçiriləcək.[5] Universitetin fəaliyyətinin təmin edilməsi üçün 10 milyon manat büdcənin ayrılması proqnozlaşdırılmışdır.[6]
İlkin mərhələdə təhsil Azərbaycan vətəndaşları üçün nəzərdə tutulmuşdur.[7] İlk təhsil üçün 100 tələbə qəbulu planlaşdırılmışdır. Hər il qəbul planında 100–200 əlavə yer nəzərdə tutulmuşdur. Universitetdə təhsil pulsuz olacaq. Tədris ingilis və türk dillərində aparılacaq. Universitetin müəllim heyəti İstanbul Texniki Universiteti, Orta Şərq Texniki Universiteti və Hacettepe Universitetindən dəvət olunacaq. Onlar Azərbaycana mütəmadi gələcəklər.[8]
İxtisaslar
[redaktə | mənbəni redaktə et]İlk tədris ilində texniki, texnoloji və mühəndislik ixtisasları üzrə təhsilin baş tutması nəzərdə tutulmuşdur. 2025/2026 tədris ilində kompüter elmləri, elektrik və elektronika mühəndisliyi, sənaye mühəndisliyi, proseslərin avtomatlaşdırılması mühəndisliyi, ekologiya mühəndisliyi kimi ixtisasların tədrisi planlaşdırılmışdır.[9]
İstinadlar
[redaktə | mənbəni redaktə et]- ↑ "Türkiye ve Azerbaycan ortak üniversite kuracak". İletişim Başkanlığı (türkcə). 13 iyun 2024. 14 iyun 2024 tarixində arxivləşdirilib. İstifadə tarixi: 14 iyun 2024.
- ↑ "Türkiyə-Azərbaycan Universiteti ilə bağlı YENİLİK". Demokrat Azərbaycan. 18 aprel 2024. 14 iyun 2024 tarixində arxivləşdirilib. İstifadə tarixi: 14 iyun 2024.
- ↑ 1 2 "KİV: Türkiyə-Azərbaycan Universiteti "yeni nəsil" təhsil ocağı olacaq". Report.az. 21 fevral 2024. Archived from the original on 2024-02-23. İstifadə tarixi: 14 iyun 2024.
- ↑ "Türkiyə-Azərbaycan Universitetinin rektoru hansı ölkənin vətəndaşı olacaq?". Oxu.az. 14 iyun 2024. 14 iyun 2024 tarixində arxivləşdirilib. İstifadə tarixi: 14 iyun 2024.
- ↑ "Türkiyə-Azərbaycan Universitetinə Bakıda üç təhsil proqramı üzrə tələbə qəbulu həyata keçiriləcək". Banker.az. 20 may 2024. 14 June 2024 tarixində arxivləşdirilib. İstifadə tarixi: 14 iyun 2024.
- ↑ "Azərbaycan–Türkiyə Birgə Universitetinin fəaliyyətinin təmin edilməsi üçün 10 milyon manat ayrılacaq". Apa.az. 1 noyabr 2023. 14 iyun 2024 tarixində arxivləşdirilib. İstifadə tarixi: 14 iyun 2024.
- ↑ "Türkiyə-Azərbaycan Universiteti üçün bir neçə binaya baxış keçirəcəyik - Emin Əmrullayev". Trend.az. 29 fevral 2024. 14 iyun 2024 tarixində arxivləşdirilib. İstifadə tarixi: 14 iyun 2024.
- ↑ "Türkiyə-Azərbaycan Universitetinin yerləşəcəyi məkan seçildi". Trend.az. 13 may 2024. Archived from the original on 14 June 2024. İstifadə tarixi: 14 iyun 2024.
- ↑ "Türkiyə-Azərbaycan Universitetində hansı ixtisaslar TƏDRİS OLUNACAQ? – Nazirdən AÇIQLAMA". Bizim Media. 29 fevral 2024. 2024-06-14 tarixində arxivləşdirilib. İstifadə tarixi: 14 iyun 2024.