MMA üzrə 1-ci dan qara kəmər ustası, Kyokushin karate üzrə 2-ci dan qara kəmər ustası, hapkido üzrə 1-ci dan kəmər ustası
Tağıyev Ruslan Tağı oğlu (21 iyun 1984; İmişli, Azərbaycan SSR) — Azərbaycanlı MMA döyüşcüsü, yunan-roma güləşcisi, BUDO döyüşcüsü
Tağıyev Ruslan | |
---|---|
| |
Şəxsi məlumatlar | |
Tam adı | Ruslan Tağı Oğlu Tağıyev |
Ləqəbi | Qara Əjdaha |
Vətəndaşlığı | Azərbaycan |
Milliyəti | Azərbaycanlı |
Doğum tarixi | |
Doğum yeri | İmişli rayonu, Qaravəlli kəndi, Azərbaycan SSR |
İdman növü | MMA |
Karyera illəri | 1995-2008; 2017 - indiyə kimi |
Məşqçisi | Faiq Rəfiyev |
Boyu | 1.68 m |
Çəkisi | 66 kq |
Komandası | Azərbaycan Budo Döyüş Növləri Federasiyasının yığma komandası |
İlk dəfə 1995-ci ildə müəllimi Faiq Rəfiyevin rəhbərliyi altında Karate Shotakan üzrə reqion Çempionatında birinci yerə çıxır, və beləliklə karyerasına start verir.[1] Daha sonra 1996-cı ildə Karate Shotakan üzrə Respublika Çempionatının və 1997-ci[2][3] ildə Karate Kyokushin üzrə Respublika Çempionatının qalibi olur.
1998-ci ildə isə ilk dəfə Karate Kyokushin üzrə Dünya Çempionatında iştirak edir və Dünya çempionu titulunu əldə edir və elə orda Ruslana "Qara Əjdaha" ləqəbini verirlər.[4]
2001-ci ildə arm wrestling üzrə respublika çempionatında iştirak edib 1-ci yerin sahibi olur.[5]
2008-ci ildə full contact karate üzrə Sinqapurda keçirilən Asiya çempionatında Azərbaycanı təmsil edən Ruslan Tağıyev rəqiblərini məğlub edərək 1-ci yerə çıxır.[6] 2017-ci ildə MMA-nın submission növü üzrə dünya çempionatında 2-ci yeri əldə edir. 2021-ci ildə Ruslan Tağıyev Budo döyüş növləri üzrə Tunisdə keçirilən yarışda qalib gələrək dünya çempionu adına layiq görülüb.[7][8][1][9][10][11]
2022-ci ilin sentyabrında Ankarada keçirilən Döyüş Növləri Olimpiadasında Azərbaycan Budo Döyüş Növləri Federasiyasının yığma komandasının üzvü və komandanın kapitanı Ruslan Tağıyev (70 kq, full-kontakt) bütün rəqiblərinə qalib gələrək Döyüş Növləri Olimpiadasının qalibi olub. [12]
Hal hazırda Ruslan Tağıyev məşqlərə davam edir.
Ruslan Tağıyev 1984-cü ildə SSR Azərbaycanın İmişli rayonunun Qaravəlli kəndində anadan olub. İlk dəfə məşqlərə Faiq Rəfiyevin rəhbərliyi altında məşqlərə başlayır.