VII Georgi (Gürcüstan çarı)

VII Georgi (gürc. გიორგი VII) — Baqrationilər sülaləsindən olan Gürcüstan çarı. 1393-1407-cü illərdə hakimiyyətdə olmuşdur. Çar V Böyük Baqratın və Trabzon imperatoru Böyük Vasilinin qızı Helena Komninanın oğludur. O, 1366-cı ildə anadan olmuşdur. Həmin ildə anası Helena Komnina vəfat etmişdir.[1]

VII Georgi
Şəxsi məlumatlar
Doğum tarixi 1366
Vəfat tarixi 1407
Atası V Baqrat
Ailəsi Baqrationi
Dini Gürcü Ortodoks Kilsəsi
İmzanın şəkli
Vikianbarın loqosu Vikianbarda əlaqəli mediafayllar

Həyatı

[redaktə | mənbəni redaktə et]

Georgi şahzadəlik dövründə Gürcüstanın müxtəlif bölgələrində əhəmiyyətli vəzifələr tutmuşdur. VII Georgi dövründə, 1394-1403-cü illərdə Gürcüstan bir neçə dəfə Teymurilərin hökmdarı Əmir Teymurun yürüşlərinə məluz qalmışdır. Yürüşlər 1394-cü ilin bahar və payız aylarında, 1399-cu ilin payızında, 1400- cü ilin bahar və yay aylarındə, həmçinin 1401 və 1403-cü illərdə baş tutmuşdur.[2] Ölkənin Kaxeti-Hereti, Trialeti, Kvemo, Şida Kartli və İmereti bölgələri müharibə dövründə dağıntılara məruz qaldı.[3]

Müəyyən bir ölkəyə qarşı fəth yürüşlərinə başlamazdan əvvəl Əmir Teymur ticarət əlaqələri yolu ilə kəşfiyyat məlumatları toplayırdı. Əmir Teymur da Çingiz xan kimi tacirləri və karvan rəhbərlərini malları ilə Orta Asiyanın müxtəlif mülklərinə, Çin, Hindistan, Misir, Ərəbistan, Suriya, Gürcüstan və hətta Avropa ölkələrinə göndərirdi. Karvanlar qayıtdıqdan sonra tacirlər arasına təyin olunmuş və dərvişlər kimi geyinən dövlət məmurları keçdikləri ərazilərdə xalqın vəziyyəti, davranış qaydaları, tabe olduqları hökümətlərə münasibətləri və adətləri haqqında yığıdıqları kəşfiyyat məlumatlarını Əmir Teymura verirdilər.[4][5]

1400-cü ilin əvvəllərində Əmir Teymur yenidən Gürcüstana yürüş etdi. Əhali dağlara doğru çəkildi. Çar VII Georgi bacardığı qədər müqavimət göstərməyə çalışdı.[6]

Yürüşlər Əmir Teymur tərəfindən şəxsən idarə edilirdi. Gürcüstan çarlığı üzərində sərt bir nəzarət qura bilməməsinə baxmayaraq, ölkəyə bir daha özünü toplaya bilməyəcək qədər sarsıdıcı zərbə vuruldu.[7] Həmçinin Əmir Teymur yürüşlər zamanı çar VII Georgini ələ keçirə bilmədi.[8]

VII Georgi 1407-ci ildə Qaraqoyunlulara qarşı döyüşdə həlak olmuşdur. Özündən sonra Gürcüstan taxtına qardaşı I Konstantin çıxdı.

İstinadlar

[redaktə | mənbəni redaktə et]
  1. ↑ Cawley, Charles, Profile of Bagrat V Arxivləşdirilib 2011-02-04 at the Wayback Machine, his wives and children, Medieval Lands database, Foundation for Medieval Genealogy,[self-published source][better source needed]
  2. ↑ René Grousset. "The Empire of the Steppes: A History of Central Asia", (1970), p. 434.
  3. ↑ Nodar Asatiani, Otar Janeliże. "History of Georgia: From Ancient Times to the Present Day", Publishing House Petite, (2009), p. 117.
  4. ↑ Иванин М.И. Состояние военного искусства у среднеазиатских народов при Тамерлане // Тамерлан: эпоха, личность, деяния. – М., (1992), стр. 432.
  5. ↑ Курков В.В. Амир Тимур – загадка военных планов: к вопросу об исторической взаимосвязи Самарканда, Сарая, Москвы и Дели в 1395-1398 гг. The Newman In Foreign Policy №39 (83), октябрь-ноябрь 2017 г.
  6. ↑ W. B. Bartlett. "The Mongols: From Genghis Khan to Tamerlane", (2009), p. 252.
  7. ↑ Suny, Ronald Grigor (1994), The Making of the Georgian Nation, p. 45. Indiana University Press, ISBN 0-253-20915-3.
  8. ↑ Michael Shterenshis. "Tamerlane and the Jews". (2002), p. 35.

Ədəbiyyat

[redaktə | mənbəni redaktə et]
  • Грузинская Советская Энциклопедия, Том 3, Тбилиси, (1978), стр 161. /Чхатараишвили К./
  • Энциклопедия "Сакартвело" ("Грузия"), Том 2, Тбилиси, (2012), стр. 22. /Кацитадзе Д./
  • Габашвили В. "Вторжения татар в Грузию (Баграт V и Георг VII)", Тбилиси, (1943).
  • Гвритишвили Д.В. Очерки по истории Грузии (XIII-XIV вв.). Тбилиси, 1962.
  • Кацитадзе Д. "Грузия на рубеже XIV-XV веков", Тбилиси, 1975.
  • Табатадзе К. "Борьба грузинского народа против иностранных захватчиков на рубеже XIV-XV веков", Тбилиси, 1974.
  • Джавахишвили И.А. "История грузинского народа", Тбилиси, 1982.

Xarici keçidlər

[redaktə | mənbəni redaktə et]