Vladimir Arutyunyan
Vladimir Arutyunyan ( gürc. ვლადიმირ ვლადიმერის ძე არუთიუნიანი erm. Վլադիմիր Վլադիմիրի Հարությունյան , d. 12 mart 1978, Tbilisi, Gürcüstan SSR, SSRİ ) - 10 may 2005-ci il tarixində Corc Buş və Mixail Saakaşvilinin olduğu kürsü istiqamətində Tiflisdəki Azadlıq Meydanına qumbara atması ilə tanınan Gürcüstan vətəndaşı. Qumbara döyüş vəziyyətinə gətirilsə də partlamamışdı, çünki maskalamaq məqsədi ilə qırmızı bir dəsmal ilə möhkəm sarılmışdı və bu qumbaranın işə salınmasının qarşısını almışdı [1].
| Vladimir Arutyunyan | |
|---|---|
| gürc. ვლადიმირ ვლადიმერის ძე არუთიუნიანი erm. Վլադիմիր Վլադիմիրի Հարությունյանը | |
 | |
| Doğum tarixi | 12 mart 1978 (46 yaş) |
| Doğum yeri | |
| Fəaliyyəti | terrorist |
Tərcümeyi-hal
[redaktə | mənbəni redaktə et]Arutyunyan ailəsi 1983-cü ildə kənddən Tiflisə köçdü və çox kasıb idi. Vladimir atasız böyüdü, doqquz illik təhsil aldı və məktəbdən sonra müəyyən məşğuliyyəti yox idi [2]. 2004-cü ilin yanvarında Arutyunyan İntibah partiyasının üzvü idi, bir dəfə Batumidə olmuş, lakin tezliklə bu təşkilatın sıralarını tərk etmişdir.
10 may 2005-ci ildə Tiflisdəki Azadlıq Meydanında, Gürcüstan və ABŞ prezidentlərinin olduğu kürsü istiqamətində RGD-5 qumbarası atıldı. Qumbara döyüş vəziyyətinə gətirilsə də, partlamayıb, amma meydandakı 10 yaşlı bir qızın başına dəyərək onu yaralayıb. 20 iyulda Tbilisinin Vaşlijvari bölgəsindəki evinin yaxınlığında edilən xüsusi əməliyyat zamanı tutuldu. Terrorçunun tutulmasına mayın 10-da qumbara atılan meydanda şəkil çəkən polşalı müxbirin fotoları kömək etdi. Həbs zamanı Arutyunyan silahlı müqavimət göstərdi və atışma zamanı Gürcüstan Daxili İşlər Nazirliyinin əks-kəşfiyyat idarəsinin rəhbərini öldürdü. Onun evinin zirzəmisində zəhərli maddələr və partlayıcı maddələr tapıldı. Həkimlər, terrorçunun yalnız meqalomiyadan əziyyət çəkdiyini qeyd edərək, ümumilikdə onu sağlam hesab etdilər. Ertəsi gün Arutyunyan sui-qəsd cəhdini etiraf etdi və fürsət taparsa bir daha ABŞ prezidentinə hücum etməyə hazır olduğunu bildirdi. Bu cinayətin istintaqı zamanı Amerika Federal Təhqiqatlar Bürosu (FTB) cinayətkarın təkbaşına hərəkət etmədiyi versiyasını irəli sürüb.[3]
5 dekabr 2005-ci il tarixində Gürcüstan Baş Prokurorluğu Arutyunyanı Cinayət Məcəlləsinin bir neçə maddəsi ilə ittiham etdi: terror aktı törətmək, bir gürcü siyasi şəxsinə hücum, beynəlxalq səviyyədə qorunan şəxsə hücum, silah və partlayıcı maddələri qanunsuz əldə etmə, saxlama və istifadə, qəsdən ağırlaşdırılmış qətl, qəsdən qətl cəhdi. 2006-cı il yanvarın 11-də Tiflis şəhər məhkəməsi terrorçunu Gürcüstan Cinayət Məcəlləsinin 8 maddəsi, o cümlədən terror aktı, bir gürcü siyasi şəxsə hücum, beynəlxalq səviyyədə qorunan şəxsə hücum və ağırlaşdırıcı şəraitdə qəsdən adam öldürmə ittihamı ilə günahkar bildi və ən yüksək cəza olan ömürlük həbsə məhkum etdi.
Qeydlər
[redaktə | mənbəni redaktə et]- ↑ "FBI — Attempted Presidential Assassin Convicted Overseas". 2017-08-12 tarixində arxivləşdirilib. İstifadə tarixi: 2020-07-04.
- ↑ "Граната нашла героя – Газета Коммерсантъ № 134 (3218) от 22.07.2005". 2018-02-08 tarixində arxivləşdirilib. İstifadə tarixi: 2020-07-04.
- ↑ "Erməni terrorçuları ABŞ prezidentini öldürmək istədilər". 2020-08-08 tarixində arxivləşdirilib. İstifadə tarixi: 2020-07-04.