Zəki Vəliyev (tam adı: Zəki Abdulla oğlu Vəliyev; 15 fevral 1942) — AMEA Geologiya və Geofizika İnstitutu, geologiya-mineralogiya elmləri namizədi, aparıcı elmi işçi, dosent.
Zəki Vəliyev | |
---|---|
Zəki Abdulla oğlu Vəliyev | |
Doğum tarixi | 15 fevral 1942 (81 yaş) |
Vətəndaşlığı |
SSRİ → Azərbaycan |
Milliyyəti | azərbaycanlı |
Elmi dərəcəsi | geologiya-mineralogiya elmləri namizədi |
Elmi adı | aparıcı elmi işçi |
İş yerləri | AMEA Geologiya və Geofizika İnstitutu |
Təhsili | Bakı Dövlət Universiteti |
Vəliyev Zəki Abdulla oğlu 15 favral 1942-ci ildə Bakı şəhərində anadan olmuşdur.1960-1966-cı illərdə BDU-nun geoloji-coğrafiya fakultəsini bitirib, mühəndis-geoloq ixtisasına yiyələnmişdir. 1966-cı ildə Azərbaycan Nazirlər Sovetinin Geologiya İdarəsinin Kiçik Qafqaz Geoloji Kəşfiyyat və Axtarış Ekspedisiyasının Levçay geoloji-kəşfiyyat partiyasının tərkibində Kəlbəcərdə əmək fəaliyyətinə başlamışdır. Z.Vəliyev həmin illərdə qızıl, civə,surmə,mərgümüş və əlvan metalların axtarışı,kəşfiyyatı,onların paylanma xususiyyətlerinin elmi əsaslanmaları və qiymətləndirilməsi ilə məşğul olmuşdur.[1]
1978-ci ildən bu günə qədər AMEA-nın Geologiya İnstitutunda elmi işçi vəzifəsində işləyir. 1978-86-cı illərdə Geologiya İnstitutunun aerokosmik tədqiqatlar laboratoriyasında aparıcı mühəndis-geoloqdan aparıcı elmi işçi vəzifəsinə qədər yüksəlmişdir.
O,dəfələrlə Moskva Geoloji-kəşfiyyat İnstitutunda, Leninqrad Dağ - mədən İnstitutunda ixtisası təkilləşdirmə kurslarını bitirmişdir. O, bir neşə dəfə beynəlxalq geoloji-elmi konfranslarda və simpoziumlarda iştirak etmişdir.
1985-ci ildə "Levçay sürmə -civə filiz sahəsinin yataq və təzaürlərinin yerləşmə qanunauyğunluqları və formalaşma şəraitləri" mövzusunda elmi iş müdafiə edərək geologiya-mineralogiya elmləri namizədi alimlik dərəcəsini almışdır. 1985-ci ildən BDU-nun geologiya fakultəsinin dosentidir.150-yə yaxın elmi əsərin müəllifidir. O, Azərbaycan Paleontologiya Cəmiyyətinin, Azərbaycan Geoloqlarının Milli Komitəsinin, Mineralogiya Cəmiyyətinin həqiqi üzvüdür. Azərbaycan Təhsil Cəmiyyətinin məsul katibi işləyib.[2]
O, Kiçik Qafqazın mərkəzi hissəsinin civə, sürmə-civə, civə-qızıl və s. yataqlarının məkan və zaman əlaqələrinin qanunauyğunluqlarını müəyyən etmişdir. Elmi fəaliyyəti filiz geologiyasına tətbiq edilə bilən kosmik tədqiqatları materiallarının interpretasiyası ilə bağlıdır.
Pedaqoji fəaliyyəti 1988-ci ildən indiyə kimi Bakı Dövlət Universitetində əvvəlcə «Faydalı qazıntılar» kafedrasında «Faydalı qazıntıların axtarış və kəşfiyyatı», «Yataq və filiz sahələrinin strukturları», «Elmin müasir problemləri», «Plitələr tektonikası və filizəmələgəlmə», sonra isə «Hidrogeologiya və mühəndisi geologiya», kafedrasında «Distansion zondlaşdırma», «Hidrosferin aerokosmik tədqiqatları» və s. tədris edir.[3]