Zaur Əliyev (hüquqşünas)

Əliyev Zaur Hümbət oğlu 29 yanvar 1980-ci ildə Azərbaycan Respublikasının Bərdə şəhərində anadan olmuşdur. 1996-cı ildə Bakı şəhəri 132 saylı orta məktəbi, 2000-ci ildə Bakı Dövlət Universiteti, "Beynəlxalq münasibətlər və beynəlxalq hüquq" fakültəsinin "Beynəlxalq hüquq" ixtisası üzrə bakalavr pilləsini, 2002-ci ildə həmin fakültənin magistratura pilləsini fərqlənmə diplomu ilə bitirmişdir. 2005-ci ildə həmin universitetin “Beynəlxalq hüquq” ixtisası üzrə qiyabi aspiranturasına qəbul olmuş, 2009-cu ildə aspiranturanı bitirmiş və "Avropa İnsan Hüquqları Məhkəməsinin yurisdiksiyası" mövzusunda dissertasiya işi müdafiə etmişdir. Dissertasiya işinə dair bir sıra xarici ölkələrin ali təhsil müəssisələrindən (ABŞ-ın Pensilvaniya Universiteti, Rusiya Federasiyası Xarici İşlər Nazirliyinin Diplomatik Akademiyası, Moskva Dövlət Beynəlxalq Münasibətlər İnstitutu, Rusiya Xalqlar Dostluğu Universiteti, Kazan Dövlət Universiteti, Saratov Dövlət Universiteti, Kemerovo Dövlət Universiteti və s.) müsbət rəylər daxil olmuşdur. Azərbaycan Respublikasının Prezidenti yanında Ali Attestasiya Komissiyasının 1 iyun 2011-ci il tarixli qərarı ilə hüquq üzrə fəlsəfə doktoru elmi dərəcəsi almışdır.[1]

Zaur Əliyev
Vəzifədədir
2022-ci ildən
ƏvvəlkiƏmir Əliyev
Şəxsi məlumatlar
Doğum tarixi (43 yaş)
Doğum yeri Bərdə, Azərbaycan
Təhsili Bakı Dövlət Universiteti
İxtisası Beynəlxalq hüquq
Hərbi xidmət
Xidmət illəri 19.09.2003 - 22.03.2005
Rütbəsi Baş leytenant
Elmi fəaliyyəti
Elm sahəsi Hüquq, İnsan hüquqları
Elmi dərəcəsi Hüquq üzrə fəlsəfə doktoru
İş yeri Bakı Dövlət Universiteti
Təltifləri "Dövlət qulluğunda fərqlənməyə görə" medalı — 2003

2003-2005-ci illərdə Azərbaycan Respublikası Silahlı Qüvvələrində zabit kimi həqiqi hərbi xidmətdə olmuşdur.[2]

Beynəlxalq hüququn və insan hüquqlarının aktual problemlərinə həsr olunan məqalələri mütəmadi olaraq ölkədaxili və beynəlxalq elmi jurnallarda (Moskva Beynəlxalq Hüquq Jurnalı, Rusiya Beynəlxalq Hüquq İllik Məcmuəsi, Avrasiya Hüquq Jurnalı və s.) çap olunur. Xarici ölkələrdə çap olunmuş bir sıra elmi məqalələri Strasburqda Avropa İnsan Hüquqları Məhkəməsinin və Cenevrədə BMT-nin kitabxanasında  saxlanılır.[2]

Beynəlxalq hüquq və insan hüquqlarına dair 50-dək elmi əsərin (dərsliklər, dərs vəsaitləri, məqalələr və s.) müəllifi, həmçinin 2011-ci ildə Moskvada çap olunmuş “İnsan hüquqlarının beynəlxalq və dövlətdaxili müdafiəsi” adlı dərsliyin (Между народная и внутригосударственная защита прав человека. Учебник. Москва, Статут, 2011. - 830 с.) müəlliflərindən biridir.

Müxtəlif ökələrdə beynəlxalq hüquq və insan hüquqlarının müasir problemlərinə həsr edilmiş 50-dək beynəlxalq forum və konfranslarda məruzə ilə çıxış etməklə iştirak etmişdir.

2002-2016-cı illərdə Azərbaycan Respublikası İnsan Hüquqları üzrə Müvəkkili (Ombudsman) Aparatında baş məsləhətçi, sektor müdiri, şöbə müdirinin müavini, şöbə müdiri vəzifələrində, 2016-2022-ci illərdə isə Heydər Əliyev Fondunda hüquqşünas, baş hüquqşünas vəzifələrində çalışmışdır.[2]

2014-cü ildə “Dövlət qulluğunda fərqlənməyə görə” medalı ilə təltif olunmuşdur.[3]

2010-cu ildən etibarən BDU Hüquq fakültəsində və Azərbaycan Respublikasının Prezidenti yanında Dövlət İdarəçilik Akademiyasında bakalavr və magistatura səviyyələrində “İnsan Hüquqları", "Avropa İnsan Hüquqları Məhkəməsinin presedent hüququ” və “Avropa hüququ” və digər fənləri tədris edir.

Hal-hazırda Bakı Dövlət Universitetinin Hüquq fakültəsinin dekanıdır[4].

Ailəlidir.

Elmi əsərləri[redaktə | mənbəni redaktə et]

Müəllifi və ya həmmüəllifi olduğu dərsliklər, dərs vəsaitləri və digər nəşrlər[redaktə | mənbəni redaktə et]

  1. İngiliscə-Rusca-Azərbaycanca hüquq lüğəti. Bakı, Azərnəşr, 2003  (həmmüəllif)
  2. İnsan Hüquqları Ümumi Bəyannaməsi və Azərbaycan Respublikasının Konstitusiyası. Bakı, 2003 (müəllif)
  3. Azərbaycan Respublikasının iştirakçısı olduğu beynəlxalq konvensiyaların milli qanunvericilikdə təsbiti. Bakı, Qanun, 2003 (həmmüəllif)
  4. «Polis və insan hüquqları» tədris modulu. Bakı, 2008 (həmmüəllif)
  5. «Polis və insan hüquqları» polis əməkdaşları üçün yaddaş kitabçası. Bakı, 2008 (həmmüəllif)
  6. Avropa İnsan Hüquqları Məhkəməsinin yurisdiksiyası. Avtoreferat. Bakı, 2009 (müəllif)
  7. Avropa İnsan Hüquqları Məhkəməsi. Dərs vəsaiti. Bakı, «Hüquq ədəbiyyatı» nəşriyyatı, 2010 (müəllif)[2]
  8. Международная и внутригосударственная защита прав человека. Учебник. Москва: Статут, 2011 (həmmüəllif)
  9. Avropa İnsan Hüquqları Məhkəməsi. Dərs vəsaiti. Bakı, «AZSEA» nəşriyyatı, 2012 (müəllif)
  10. İngiliscə-Rusca-Azərbaycanca hüquq lüğəti. Bakı, “RS” PP nəşriyyatı, 2013  (həmmüəllif)
  11. İnsan hüquqları (mühazirələr toplusu). Dərs vəsaiti. Bakı, «Bakı Universiteti» nəşriyyatı, 2014 (həmmüəllif)
  12. Международное и конституционное право: проблемы взаимовлияния. Коллективная монография. под ред. А.А. Дорской, С.В. Бочкарева. Издательский дом «Алеф-Пресс», Санкт-Петербург, 2016 (həmmüəllif)
  13. Судебная правовая политика в России и зарубежных странах. Коллективная монография. под ред. А.А. Дорской. Санкт-Петербург, Астерион, 2019 (həmmüəllif)
  14. Международная и внутригосударственная защита прав человека. Учебник. Москва: Проспект, 2021 (həmmüəllif)

İstinadlar[redaktə | mənbəni redaktə et]

  1. ↑ "Zaur Əliyevə vəzifə verildi". Pravda.az. 2023-08-18 tarixində arxivləşdirilib. İstifadə tarixi: 2023-08-18.
  2. ↑ 1 2 3 4 Əliyev, Zaur Hümbət oğlu. Avropa insan hüquqlari mǝhkǝmǝsi: Dǝrs vǝsaiti; Azǝrbaycan Respublikasi Tǝhsil Nazirinin 17 debr 2010-cu il tarixli 1647 sayli ǝmri ilǝ ali mǝktǝblǝr üçün dǝrs vǝsaiti kimi tǝsdiq edilmişdir (Azǝrbacan dilindǝ). Baki: AZSEA nǝşriyyati. 2012. ISBN 978-9952-8072-8-8.
  3. ↑ "Dövlət qulluqçularının təltif edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). İstifadə tarixi: 2023-09-21.
  4. ↑ "BDU-nun Hüquq fakültəsinə yeni dekan seçilib | Report.az". report.az. 2023-08-18 tarixində arxivləşdirilib. İstifadə tarixi: 2023-08-18.